Jowai, Ïaïong 20: U Deputy Commissioner & Chairman Regional Transport Authority, West Jaintia Hills u la pyntip ba ka Transport Department, Meghalaya ka la ai bor ïa ka Regional Transport Authority, West Jaiñtia Hills District, Jowai ban pyllait Permit Local Taxi 150 tylli naka bynta ki samla bym don kam don jam.
Kino kino kiba kwah ban apply ki lah ban wan buh ia ki application jong ki ha ka office jong u District Transport Officer bud Secretary, Regional Transport Authority, West Jaintia Hills District, Jowai bad ïa ki application yn pdiang haduh ka 31 tarik u May, 2022.
Na ka bynta ki jingdonkam ki long kumne harum ïa ki Application Form lah ban ïoh naka office jong u District Transport Officer bad Secretary, Regional Transport Authority, West Jaiñtia Hills District, Jowai.
Ka Residential Certificate naka Dorbar Shnong ryngkat bad ka jing pynshisha na uka Block Development Officer, Epic/Voter Id. Unemployment Certificate na Employment Exchange, Labour Department ia kiba lah dep
pule/ Self declaration naka bynta bym don kam don jam ia ki ba khlem leit skul. Ka Disability Certificate ia kiba don jing duna ha ki dkhot met.
Ka Self-declaration naka bynta bym pat don local taxi ha ka kyrteng jong u/ka. Ka application khlem ki kot ki sla kiba biang yn kyntait noh da ka Regional Transport Authority.
Kino kino ki ba ai declaration ba bakla, ka Regional Transport Authority ka lah ban pynduh ne cancel noh ïa ka permit jong ki.
Ïa ki application yn sa screen/peit bniah daka Regional Transport Authority bad ïa ka list ba la jeid yn sa pynmih ha ka notice board jong ka office u District Transport Officer bad Secretary, Regional Transport Authority, West Jaiñtia Hills District, Jowai.
