Shillong Naitung 05: Katkum ka khubor ba la ïoh na ki pulit la ïathuh ba kawei ka nongshong shnong ka Shillong ka la phah ka jingujor ba kawei kaba la ithuh kyrteng ka Bini George (recruiting agent for foreign workers) ka la kyntu ïa ka ban siew T. 15 lak da kaba kular ban pynïoh kam ïa katei kaba la ujor na u para jong ka uba sah ha Israel. Ha ka 19 tarik u Kyllalyngkot, 2024, katei kaba la ujor ka la siew T. 5 lak lyngba ka Google Pay bad ka pisa baroh kaba sah lah siew da ki kmie ki kpa jong ka. Kham hadien katei kaba la ujor ka la sngewthuh ba ka lah shah thok bad katei kaba la shah kynnoh ka khlem siew shuh ne pynphai biang ïa katei ka pisa kumba ka la kular ban siew ha shwa ban kut u bnai Jylliew, 2024.
