15 lak ban pynitynnad ïa ki jaka ba la jer kyrteng thymmai ha South Shillong Constituency
Shillong, Nailar 1 : Ha ka Sngi Saitjaiñ u MLA ka South Shillong Constituency lem bad ki dkhot ka MCIC ki la pynlong ïa ka jingïalang ba kyrpad bad baroh ki Dorbar Shnong ka Raid Laban ba la ïadon lang ruh u SP (Traffic) bad u Addl. SP ban pyni ïa ka rukom pynbeit ïaid kali ha kane ka Constituency khnang ban pynduna ïa ka jingdheng kali. Hadien kane la ai ruh ïaka notification ha kaba ïadei bad ka jingjer kyrteng thymmai ïa ki surok bad jaka sha kiba haïing hasem jong kito kiba la pynsah nam. La mang ruh 15 lak tyngka ban pynbha bad pynitynnad ïa kitei ki jaka ba la jer kyrteng thymmai kynthup ban pynïeng ïa ki Solar street light.
Kine ki jaka ba la jer kyrteng thymmai ki long Harisabha Road Laban sha ka Bhaskar Choudhury Road, ka Jackson Trace Bridge Road sha duh ka Ajajhur Bridge Road la jer kyrteng Brojen Mawlong Road, Sacred Heart School Road sha Dong Pdeng Road la pynkylla P.L Nongpiur ( Bah Bing ) Road. ïa ka surok na Glorymai Lyndem lyngba ka ïing mane St John/ Unitarian/ Nepali Sec School, Kench’s Trace, Wah Sohkhlur shaduh Laban Assamese HS School la jer thymmai Babu Hajom Kissor Sing Nongbri. ïa ka surok na Mawbynna (Upper Laban shaduh Riat Laban la jer Phinton Mylliemngap. ka Surok na Nandi Ram Lane sha Madan Laban shaduh Assamese Namkhar la jer Nomiwel Rynjah. Ka surok na Manik Road Madan Laban lyngba ka ïing i kong Mih Rynjah haduh Riat Laban, Kynjat Phutbol la jer Dennis Dunn. Ka surok na Madan Laban Bridge lyngba ka ïing i Kong Tngen Rynjah shaduh ka ïing i )L) Hamlet Rani la jer Moshondro Roy. ïa ka surok na ïing mane Unitarian, Madan Laban shaduh Kench’s Trace la jer Brington Mylliemngap. ïa ka surok na Main Gate jongka Shrimanta Sankardev Cultural Centre Bishnupur shaduh ba lait ka Shimanta Sankardev College la jer Sankardeva. Ka surok naduh Secred Heart Secondary , Lumparing shaduh Dongsiej la jer Sacred Heart bad surok na Sigzag la jer Ardhendu Chaudhuri (Bablu Da).