Shillong, Nohprah 12 : Ka Dorbar Shnong Mission Compound kan pynlong ïa ka jingpynkhuid shnong hapoh ka shnong ha ka 14tarik u Nohprah, 2024 naduh ka por 7:00 baje mynstep.
Kumta, la ong ba na bynta ban ïaid beit ka prokram, yn khang shipor ïa ka jingïaid ïa ki kali kynthup ïa ki kali ar shaka,lai shaka bad saw shaka ha katei ka sngi ha shnong na ka bynta katto katne por.
Na ka liang ka Dorbar Shnong ha ka kyrwoh ba la phah da u Secretary Shnong, Prof.Don Kupar War la kyntu ïa ki paidbah ba kin ïai shah lang ban ïoh pyndep kham kloi na ka bynta ka jingbit jingbïang lang jong baroh.
