Shillong, Naiwieng 11: Baroh ki ophis sorkar bad ki jaka pule kiba don ha ka thaiñ 56-Gambegre (ST) Assembly Constituency jong ka Meghalaya kin khang khyrdep ha ka 13 tarik mynta u bnai, 2024 khnang ban pynlah ïa ki nongthep vote ba kin leit ban thep ïa ki vote ba kordor jong ki ha kaba ïadei bad ka elekshon shiteng samoi sha ka Meghalaya Legislative Assembly.
Manla u briew ne ka briew kiba trei ha ki kam khaïi ki kam kam karkhana ne kino kino ki jaka treikam kiba hab hapoh ka NI Act, 1881, ki dukan bad kito kiba trei ha ki kam ba la phiah, ki nongbylla bad ki casual worker kiba hap ban thep vote ha kane ka constituency kin ïoh shuti ha ryngkatlang bad ka jingsiew kumba la buh hapoh ka kyndon jong ka Section 135B of RP Act, 1951.
Ïa kane la ïathuh da u Secretary jong ka sorkar Meghalaya, General Administration Department.
