Jowai, Rymphang 24: Ka ïingkashari ba don burom jong P. Syngkon, Special Judge (POCSO), West Jaiñtia Hills, Jowai, ha kane ka 24.02.2026 ka la rai pynrem da kaba set patok 12 snem ïa u Duh Timung uba shong basah ha ka Shnong Barato hapoh ka kyndon 5(m) (n) jong ka POCSO Act bad ka kyndon 506 IPC.
Ïa kane ka mukotduma la ujor FIR da kawei ka kong ha ka 22.09.2018, la kynnoh ba u Duh Timung ula leh beijot ar sien ïa la ka khunruid kaba dang 11 snem ka rta, ula maham ruh ïa kane ka khynnah ba kam dei ban ïathuh briew hano hano ruh lym kumta un sa pynïap ïa ka.
Ïa utei u briew la kem noh ha ka 17.09.2019 bad la register case ha Nartiang PS Case No. 34 (09) 2018 U/S 5(1)(m)(n) POCSO Act R/w Section 506 IPC hapoh ka jingpeit jong ka WP SI kong I. Kharpran.
Hadien ka jingbishaar kaba khatduh jong ka ïingbishar Special Judge (POCSO), West Jaiñtia Hills, Jowai la lap ïa ka jingdonkti jong u Duh Timung bad la rai set phatok ïa u 10 snem ryngkat bad ka kuna kabaT .10,000/- hapoh ka aiñ POCSO. Kumjuh sa 2 snem ryngkat bad ka kuna kaba Rs.25,000/- namar ka jingmaham pynïap briew katkum ka Section 506 IPC. Kumta ka por ban set patok ïa u Duh Timung ka long haduh 12 snem lynter. Kane ka long katkum ka khubor ba la pyllait da u S P ka West Jaiñtia Hills District.
