New Delhi, Nailar, 04: U Myntri Khynnah ka Sorkar Pdeng uba khmih ïa ka tnat Science & Technology, ka tnat Earth Sciences, MoS PMO, Personnel, Public Grievances, Pensions, Atomic Energy and Space, u Dr. Jitendra Singh u la ong ba ka North Eastern Space Applications Centre (NESAC), Shillong kan pyntreikam 110 tylli ki projek ha phra tylli ki Jylla jong ka thaiñ Shatei Lammihngi hapoh u snem 2024.
Ha ka jingai jingtip ha Iingdorbar Thawaiñ ka Rajya Sabha, u Dr. Jitendra Singh u la ong ba ka NESAC ka la pynkhreh ïa ka Plan of Actions (PoA) bad ki tnat ba dei khmih jong phra tylli ki jylla. Kine ki projek ki ïadei bad ka kam rep, Water Resources, Forestry & Ecology, Planning & Development, UAV Remote Sensing bad Disaster Management Support, da ka jingbei tyngka na ka MoDONER, DoS bad ki Sorkar jylla.
Ka NESAC ka la wanrah bad kot sha ki mawmer kiba khraw na ka bynta ka thain shatei lammihngi ba kynthup ïa ka jingpyntreikam ïa ka North Eastern Spatial Data Repository (NeSDR), ka jingithuh ïa ki jaka ba lah ban kyntiew ïa ka sericulture & horticulture, ka Remote Sensing katkum ki kam ba ïadei bad ki khlaw & ka river atlas, ka Geospatial system ban peitngor ïa ki projek ba bei tyngka da ka MoDONER & ka jingjurip ïa ka Record of Forest Rights (RoFR), ka Flood Early Warning System (FLEWS) na ka bynta ka Assam, bad ka jingai jinghikai pyntbit, kynthup ïa ki riewshemphang na ka thain BIMSTEC bad ka jinglum jingtip lyngba ka Satellite imaging ban pynbeit ïa ki jingïakajia pud hapdeng ki jylla ka thaiñ Shatei Lammihngi ba la sdang katkum ka jingai jingmut ka MHA.
Ïa ka North Eastern Space Applications Centre (NESAC), Shillong la seng ha u snem 2000, ryngkat bad ka North Eastern Council (NEC), ka NESAC ka dei ka kynhun laitluid hapoh ka Dept. of Space (DOS) ban ai jingtip ba ïadei bad ka Space Technology bad ki kam ai jingshakri na ka bynta ka roi ka par jong ka thaiñ Shatei Lammihngi.
Ka NESAC ka pyntreikam ïa ki projek Remote Sensing Application na ka bynta ki lad jingïada ïa ki jingdon jingem ka mariang & ka jingkyntiew ïa ki jingdon jingem, ki Application katkum ka Satellite Communication ha ka pule puthi, ka jingkyrshan ha ka koit ka khiah & ka jingïada na ki jingjia lynshop ka mariang, bad ka jingai jinghikai ha ka Space Technology & Application.
