106 tylli ki case kiba ïaid lait ban siew khajna ïoh khyllie biang ka sorkar 0.19 klur tyngka

Shillong, Nailur 25 : Ka tnad ba dei peit ïa ka jinglum khajna ( Taxation Department) ka la lap ba ki don haduh 106 tylli ki case kiba pyrshang ban ïaid lait ïa ka jingsiew khajna hapoh u snem 2020-21.
Na kine 59 tylli ki dei kiba la dep tohkit bniah bad lum jingkheiñ bad ka sorkar kala ïoh kyllie biang sa 0.19 klur ka pisa , pynpaw ka kaiphod CAG.
Kat haduh u Lber 2021 ki dang don sa 47 tylli ki case kiba ka jingtohkit bad bud dien ka dang ïaid.
ïa kane ka jingpyrshang ban ïaid lait ka jingsiew khajna la lap hi da ka tnad Taxation bad na kitei kiba la lap ka sorkar ka la lah ban khyllie biang ïa ka khajna.
La lap ba na ki 19 tylli ki case kiba hap ban pynphai ki long tang saw tylli kiba dei na ka Sales Tax /VAT bad 113 tylli na ki 233 tlli ki dei na ka GST.Kane ka jingphai kloi ïa ka pisa hadien ba la lap ba ka dei ka jingbakla ka pynpaw ïa ka jingtreikam hok jongka tnad.
Ka Meghalaya Value Added Tax Act ka pynpaw ba hap ban siew ïa ka sut 8 % ha ka shisnem lada ym lah ban pynphai ïa ka pisa hapoh 90 sngi.
Ka CAG ka lap ruh ba ka jingïoh lum na ka bym dei ka khajna naduh u snem 2016-17 haduh 2020-21 ka la hiar bha haduh 23.65 % kata na ka 685.24 klur ha u 2016-17 sha ka 523.17 klur ha u 2020-21.
Ha u snem 2020-21 pat ka don ka jingkiew da 6.94 %.. Ka la don ruh ka jinghiar na ka khajna haduh 7.39 % kaba long hapoh ka thong ba la buh da ka Finance Commsion ba 15 kaba long 12.81 % katba ka jingïoh lum na ki bym dei khajna ka long 10.61 % bad kane pat ka heh ïa kaba la bu thong da ka Finance Commission ba 15.