Delhi, Nailur, 24: “Ka ri ka dang sakhi ba katba dang wanrah ïa ki jingdon jingem katkum ka juk ba mynta, kiba duk ba suk bad kiba pdeng ka ïoh ka kot ki dang shah pynkupbor lyngba ka jingkiew ki lad kamai jakpoh.”
-Myntri Rangbah Duh, Narendra Modi
Ka jingieng skhem ka Sorkar India na ka bynta ka bha ka miat jong ka imlang sahlang ka dang kyntiew ïa ka jingim jong ki briew jong ka ri. Lyngba ki sienjam ba bun kiba thmu ban pynbeit ïa ki jingeh kum ka jingduk, ka pule puthi, bad ka hk ha ka imlang sahlang, ka Sorkar ka la wanrah ïa ka rukom treikam kaba la saiñdur ban kyntiew ïa ki jaitbynriew kiba shem jingeh bad kyntiew ïa ka roi ka par kaba ryntih ïa baroh ha ki 100 sngi ba nyngkong jong kane ka Sorkar. Kane ka jingkut jingmut ka paw lyngba ki skhim bad ki polisi bapher bapher kiba pyrshang ban pyndap ïa ki jaka ba suda hapdeng ki bynta ka imlang sahlang, da kaba pynthikna ba ka roi ka par ka wan ïa baroh bad ka long kaba ïaineh.
Pradhan Mantri Janjatiya Unnat Gram Abhiyan
Ka Kynhun Myntri jong ka Sorkar Pdeng ba la khlieh da u Myntri Rangbah Duh, Narendra Modi ka la ai jingmynjur ïa ka Pradhan Mantri Janjatiya Unnat Gram Abhiyan ha u Nailur 2024 ha kaba ka jingmang tyngka ka long T.79,156 klur (Bynta ka Sorkar Pdeng: T.56,333 klur bad bynta ki Sorkar Jylla: T. 22,823 klur) ban kyntiew ïa ka jinglong jingman jong ka imlang sahlang jong ki riewlum, da kaba pdiang ïa ka jingpynpoi pura sha ki longiing ha ki shnong ba bun ki riewlum bad ki aspirational distrik.
Kane kan peit ïa kumba 63,000 tylli ki shnong bad kan ai jingmyntoi ïa palat 5 klur ki riewlum kumba la pynbna ha ka Jingai Jingkren shaphang ka Mang Tyngka 2024-25. Kan peit ïa 549 tylli ki distrik bad 2,740 tylli ki block kiba don ha baroh ki jaka rilum ha 30 tylli ki Jylla / UT.
Kane ka Mission ka kynthup 25 tylli ki sienjam ban pyntreikam da 17 tylli ki tnad Sorkar Pdeng. Man ka Tnad kan peit ïa ka jingpyntreikam ïa ka skhim kaba ïadei bad ka jong ka ha ka por ba la buh lyngba ka pisa ba la ai ïa ki hapoh ka Development Action Plan for Scheduled Tribes (DAPST) ha kine ki 5 snem ban pynurlong ïa kine ki thong harum:
Thong-I: Ka jingwanrah ïa ki jingdon jingem kiba plie lad:
Ki iing ba bha na ka bynta ki longiing ha ryngkat kiwei kiwei ki jingmyntoi: Ki longiing ST kiba dei ban ïoh ïa kane kin ïa ka iing kaba bha hapoh ka PMAY (Gramin) ha kaba la pynbiang lang ïa ka kor um (Jal Jeevan Mission) bad ka bording (RDSS). Ki longiing ST kiba dei ban ïoh ïa kane kin ïoh ruh ïa ka Ayushman Bharat Card (PMJAY).
Ka jingkyntiew ïa ki jingdon jingem ha ki shnong: Ka jingpynthikna ïa ka surok ba bha kaba pynïasoh sha ki shnong ba bun ki riewlum (PMGSY), pynbiang ka jingïoh ïa ka mobile network (Bharat Net) bad internet, ki jingdon jingem ban kyntiew ïa ka koit ka khiah, ka bam kaba tei met, bad ka pule puthi (NHM, Samagra Shiksha bad Poshan).
Thong-2: Ka jingkyntiew ïa ka jingpynkupbor ha ka ïoh ka kot:
(iii) Ka jingkyntiew ïa ka jingpyntbit ban seng kam lajong bad ka jingkyntiew ïa ka jingkamai (jingai kam ïalade) – Ka jingplie lad ban ïoh jinghikai (Skill India Mission/ JSS) bad jingpynthikna ba ki khynnah ST ki ïoh ïa ki jinghikai ba jrong samoi hadien ka klas 10/12 man u snem. Shuh shuh, ka jingkyrshan ha ka jingpynïaid iew lyngba ka Tribal Multipurpose Marketing Centre (TMMC), Ki Home Stay ïa ki nonghngohkai bad ka jingkyrshan ha ka kam rep, kam ri jingri bad kam ri dohkha na ka bynta ki trai jaka ba don kot khyndew FRA
Thong-3: Ka jingïoh lang baroh ïa ka pule puthi kaba bha:
(iv) Ka pule puthi – Ban kyntiew ïa ka GER sha ki kyrdan jong ka ri ha ki skul bad ki jaka pule ba kham halor bad ban plie lad ïa ki khynnah ST ba kin ïoh ïa ka pule puthi kaba bha ha ka dor kaba biang (Samagra Shiksha Abhiyan) da kaba seng ïa ki hostel na ka bynta ki riewlum ha ki skul kiba don ha ki distrik / block.
Thong-4: Ki jingim ba koit ba khiah bad ka jinglong tymmen ba don burom:
Ka koit ka khiah – Ban pynthikna ba ki longiing ST ki ïoh ïa ki lad jingsumar kiba bha, ba ki poi sha ki kyrdan jong ka ri ha ka IMR, MMR bad ka jingïoh pura ïa ki dawai tika lyngba ki Mobile Medical Unit ha ki jaka ba ki sub centre ki jngai palat 10 km ha ki jaka ri thor bad 5 km ha ki jaka rilum (National Health Mission).
Skhim NAMASTE
Ka National Action for Mechanized Sanitation Ecosystem (skhim NAMASTE) ka pyni ïa ka jingkut jingmut ka Sorkar ban peit shuwa ïa ka bha ka miat jong ki briew da kaba pynduh ïa ka jingpynkhuid da ki briew ïa ki nala bad ki septic tank. La sdang ïa kane da ka Tnad Social Justice and Empowerment bad ka tnad Housing and Urban Affairs, bad kane ka sienjam kaba pyntreikam da ka National Safai Karamcharis Finance and Development Corporation (NSKFDC), ka treikam naduh u snem mang tyngka 2023-24 haduh u snem mang tyngka 2025-26 ha kaba ka jingmang tyngka ka long T 349.73 klur.
Kane ka skhim ka ai jingmyntoi ïa ki nongtrei Sewer and Septic Tank Worker (SSW) da kaba ai jingithuh ïa ki lyngba ka application digital bad ka jingpynbiang ïa ki personal protective equipment (PPE), ki tiar ba ai jingïada, ka health insurance hapoh ka Pradhan Mantri Jan Arogya Yojana, bad ki lad kamai ja kpoh lyngba ka jingai subsidy ban thied ïa ki kali bad ki kor. Ka kyntiew ruh ïa ka jingpynbiang ïa ki sanitation enterprise (sanipreneur), ki ban peit ïa 100,000 ngut ki SSW ha 4,800 tylli ki kynhun pynïaid jaka sor ha India.
Ka jingshim jingtip shaphang ki SSW ka thmu ban ïoh ïa ka database jong ka ri shaphang ki SSW. Yn ai ka NAMASTE ID ba kyrpang ïa baroh kine ki SSW. Khnang ban sdang ïa ka jinglum jingtip, la sdang ïa ka jingai jinghikai online bad ka jingpyni ïa ka NAMASTE Mobile Application ha 30 tylli ki Jylla / UT ha baroh san tylli ki thaiñ haduh ka 6 tarik u Lber, 2024. 2367 tylli ki kynhun pynïaid jaka sor ki la ïashim bynta ha kane ka jingai jinghikai.
La pynmih palat 2.9 lak ki ID ba kyrpang na ka bynta kito kiba don jingduna ha ki dkhot met
Ka projek “ID ba kyrpang na ka bynta kito kiba don jingduna ha ki dkhot met ” ka thmu ban pynbiang ïa ka database jong ka ri shaphang kito kiba don jingduna ha ki dkhot met bad ai ïa ki Disability Identity Card ïa ki. Kane ka sienjam ka kyntiew ïa ka jingshai, jingseisoh bad jingryntih ha ka jingai ïa ki jingmyntoi na ka Sorkar, bad pynïaid ryntih ruh ïa ka jingbuddien ïa ka jingkiew shaphrang ha ki bynta bapher bapher naduh ki shnong haduh baroh kawei ka ri.
Haduh ka 15 tarik u Naitung, 2024 la dep sam haduh 10,955,968 tylli ki Unique Disability Identity (UDID) card, ba kynthup 7,97,698 tylli ki card ïa ki Scheduled Tribe (ST) ba don jingduna ha ki dkhot met, kumba la ai jingtip ha ka rynsan (https://www.swavlambancard.gov.in/). Na ki UDID card ba la ai ïa ka thup ki ST, 1,17,541 ki dei na ka bynta kito kiba don jingduna ha ki dkhot met kiba la palat 60 snem ka rta. Haduh mynta ka ithuh ïa 21 jait ki jingduna ha ki dkhot met ha kaba don ruh ka lad ban pynïar ïa kane. Kane ka sienjam ka kyntiew ïa ka jingïoh bynta bad ka jingshai ha kaba ïadei bad kito kiba don jingduna ha ki dkhot met ha kylleng ka ri.
Ka UDID card ka wanrah shibun ki jingmyntoi ïa kito kiba don ïa ki jingduna ha ki dkhot met. Kito kiba don ïa ki jingduna ha ki dkhot met kim donkam ban rah shibun ki kot ki sla, bad buh ïa ki kot ki sla ba bun namar ka card kan don lut ki jingtip ïa kiba lah ban pule da ka kor. Ka UDID card kan long kawei ka lad ban ïoh jingtip bad pynshisha ïa kito kiba don ïa ki jingduna ha ki dkhot met ba kin ïoh ïa ki jingmyntoi ha ki por ban wan.
Ka UDID Card kan ïarap ban pynïaid ryntih ïa ka jingbuddien ïa ka jingkiew shaphrang jong kito kiba don ïa ki jingduna ha ki dkhot met ha baroh ki bynta jong ka jingpyntreikam – naduh ki shnong, ki block, distrik, jylla bad ha baroh kawei ka ri.
Ka jingwanrah ïa ka Waqf (Amendment) Bill, 2024: Ka Waqf ka ïadei bad ki jaka ba la buh kyrpang na ka bynta ki kam niam ne ki kam trei mon sngewbha hapoh ka aiñ Islam bad ym shah ban pyndonkam na ka bynta kiwei kiwei ki kam ne ka jingdie ïa kine ki jaka.
Ka Waqf (Amendment) Bill, 2024 kaba la wanrah ha ka Parliament ka thmu ban pynbeit ïa ki jingduna bad kyntiew ïa ka jingseisoh jong ka jingpeit bad jing-pynïaid ïa ki jaka waqf.
Kine ki jingpynkylla ki thmu ban pynbeit ïa ka jingshai, jingbahkhlieh bad jingpynïaid ba seisoh ïa ki jaka waqf, kaba pynthikna ka jingpynïaid bad jingïada ba kham bha ïa ki jingdon jingem waqf.
Ka The Waqf Amendment Bill, 2024, ka dei kaba la phah sha ka Joint Committee of Parliament on Waqf (Amendment) Bill, 2024 ban peit kham bniah bad twad ïa ki jingmut jong kito kiba ïadon bynta ha kane ka kam.
