10 tarik Iaïong ka elekshon MDC ha GHADC, 14 tarik yn ñiew vote

Shillong, Rymphang 16 : Ka Sorkar Jylla ha ka sngi Nyngkong ka la pynbna ba ka elekshon MDC ha Garo Hills Autonomous District Council (GHADC) kan long ha ka 10tarik u Iaiong mynta u snem katba ka jingñiew vote pat kan long ha ka 14tarik u Iaiong, 2026.
Haba kren bad ki lad pathai khubor hadien ka jingialang jong ka Kynhun Myntri, u Myntri ka tnad ka Koit ka Khiah Bah Wailadmiki Shylla u la ong, “Ka jingthep vote kan long ha ka 10tarik Iaiong katba ka sngi ñiew vote pat kan long ha ka 14tarik Iaiong.”
U Myntri u la pyntip ruh ba ka tarik ban pynmih ia kane ka jingpynbna kan long ha ka 09tarik u Lber katba ka tarik ba khatduh na ka bynta ban thep kyrteng pat kan long ha ka 16tarik Lber.
Shuh shuh la pyntip ba ka jingbishar ia ki kot ki sla jong ki kyrtong kan long ha ka 16tarik Lber hadien ka por 3:00 baje janmiet bad ka tarik ba khatduh ban weng kyrteng kan long ha ka 17tarik. La pyntip ruh ba ka jingaiti ia ki symbol kan long ha ka 18tarik Lber.