New Delhi Ïaïong 08: U Myntri Rangbahduh, Narendra Modi mynta ka sngi u la ïaroh ïa ka jingdap 10 snem ka Pradhan Mantri MUDRA Yojana, da kaba khot ïa ka kum ka jingïaid lynti jong ka “jingpynkup bor bad ka jingsengkam.” U la ong ba da ka jingkyrshan kaba biang, ki briew jong ka ri ki lah ban leh ïa ki kam ba phylla.
Naduh ba la sdang ïa ka, ka MUDRA Yojana ka la ai palat 52 klur ki ram khlem da donkam ban buh bynda ba shongdor T. 33 lak klur, ha kaba jan 70% na ki ram ki leit sha ki kynthei bad 50% ki ai jingmyntoi ïa ki nongseng kam ba dei ki SC/ST/OBC. Ka la ai bor ïa ki trai jong ki kam kiba nyngkong eh da kaba ai ram T.10 lak klur bad ka la pynmih lad ïoh kam palat 1 klur ha ki lai snem ba nyngkong. Ki jylla kum ka Bihar ki la long kum ki nongïalam, ha kaba la mynjur haduh 6 klur tylli ki ram, kaba pyni ïa ka jingngeit kaba khlaiñ jong ka jingseng kam seng jam ha kylleng ka ri India.
Haba jubab ïa ki X thread jong ka My Gov India shaphang ka bynta ba kongsan jong ka Mudra Yojna ha kaba pynkylla ïa ki jingim, u Myntri Rangbahduh u la ong; “#10Years of MUDRA ka la long shaphang ka jingpynkupbor bad ka jingseng kam seng jam. Ka la pyni ba lada ai jingkyrshan kaba biang, ki briew jong ka ri ki lah ban leh ïa ki kam ba phylla!”
