Mawkyrwat, Naiwieng 17, 2025: Ha ka 19 tarik u Kyllalyngkot, 2024, la ïoh pdiang ïa ka jingthoh ne ka ehjahar (FIR) na u Irfan Bashir Magrey, Assistant Commandant, 193 Bn, ha kaba ha katei ka juh ka sngi ha ka por kumba 10:30 mynstep, ka kynhun NAKA ka la peit bniah ïa ka jingïaid jong ki lai ngut ki briew kiba la suba ba ki don ha ki ar tylli ki thuk thuk ba wan na ka phang Ranikoe bad la kem noh ïa ki.
Katba u Duty Magistrate, u bah S. Marweiñ, BDO ka Ranikor C&RD Block ryngkat ka kynhun pulit jong ka Ranikor Police Station ki la poi sha katei ka jaka ba jia ka jingjia. Ha ka jingkhynra kaba bniah ïa ki briew kiba la suba jur, la ïoh kurup haduh khyndai (09) tylli ki song kiba don 1,728 tylli ki dawai dawai, kiba la suba ba ki dei ki dawai Yaba.
Katkum kane, la register ïa ka cognizable case kum ka Ranikor PS Case No. 03(01) 2024 katkum ka kyndon 22(C)/29 jong ka aiñ NDPS, bad ïa ka jingtohkit la pynkhamti ha u ABSI A. Syiemlieh. Ia kane ka mukotduma la pynngat mukotduma ha ka 3 tarik u Jymmang, 2024 bad la phah sha ka Kashari ba donburom jong u nongbishar ba kyrpang (NDPS), Mawkyrwat, ban bishar.
Ha ka 11 tarik Naiwieng, 2025, ka Ïingkashari ba donburom jong u nongbishar ba kyrpang (NDPS), South West Khasi Hills, Mawkyrwat, ka la pynrem ïa ki briew kiba shah kynnoh—u Somison Sangma 24 snem, u Gopal Borman 24 snem, bad u Jenel D. Sangma 22 snem ha kaba baroh kine ki lai ngut ki briew kiba la shah rai pynrem la rai pynrem da ka jingshah set phatok kaba 10 (shi phew) snem bad ka kuna kaba T1,00,000/- (Rupee Shi Lak) uwei uwei.
