Shillong, Naiwieng, 19: Ka Executive Committee jong ka Khasi Jaintia Presbyterian Girls’Hr.Sec.School Past Pupils Association, Shillong ka la pynpaw ïa ka jingsngewnguh kaba khraw ïa ki nongïalam jong ki Zone bapher bapher ka Association bad ïa ki para dkhot kiba la trei shitom bad kumjuh ruh ïa kito kiba la donkti ban noh ïa u synniang u bynhei ban pynlong ïa ka Carnival kaba la long ha 19 tarik, Nailur 2025 ha phyllaw skul kaba jop.
Ka Secretary jong ka Association ka Kong DD Riwan ha u kyrwoh ka la pyntip ba ka pisa ba la ïoh lum na ka jingpynlong ïa ka Carnival ka long T.10,71,691 lak bad ïa ka pisa ba la aiti lut sha ka School Management ha kajuh ka sngi.
La kyrpad ruh ïa ki dkhot jong ki Zone ba kin shim ïa kane ka jingpyntip kum ka jingai khublei kyrpang ïa baroh, la pynpaw ka Kong Riwann.
