««|Kynnoh u Bah Shylla ban ļaleh bye-election u Bah Pynshngaiń na ka Congress ha Ranikor    ««|Phi ibeiń bad khot ļa nga u khynnah, hynrei ngam isih ļaphi, kdup u Rahul ļa u Modi    ««|Sangeh ka khot hajir, pylleit jingmut ļa ka HLC, kyntu ka SNSBH ļa u HM    ««|Ai por ka MHA shibnai ļa ka Sorkar Jylla ban jubab halor ka Soskular ļasuk ka ANVC    ««|Ļaid paidbah ki khynnah skul ka Nongstoiń ban pyrshah Drok    ««|Tyrwa ki nongialam UDP, BJP bad PDF ban treilang bad ka NPP ha Ranikor    ««|Jop suk u MDC ka Mairang kum u Dy Chairman ka KHADC    ««|Pynap shrip ka shnong Lummawbah bad KSU, ļohkem ļa u snar khaii drok    ««|Rai ka jingļalang ka MUPSTA ban pynlong ļa ka ‘25th State Annual General Conference’    ««|Leit jurip kyndit ka KSU ļa ka Vety ha Dangar, lap bym don doktor    ««|Khot ļakren u Myntri ka tnat Pule ļa ka MSSASA halor ka tulop bad D.El.Ed    ««|Treikam bha ka Swacch Bharat Mission sha ki Nongkyndong


Pynhap pyrda u DSO ka Ri Bhoi ļa ka AIFF D. License Course ka RBDSA ha Madan Kurkalang

14 November, 2017

Nongpoh, Naiwieng 13: U District Sport Officer ka Ri Bhoi u Bah P.M Marbaniang mynta ka sngi kum u kongsan u la leit ban pynhap pyrda noh ļa ka AIFF D. License Course ba la pynlong da ka Ri Bhoi District Sport Association ha Madan Kurkalang, Lumdaitkhla, Bhoirymbong ha Ri Bhoi District.

Kum ban pynkynmaw, kane ka AIFF D. License Course ka dei kaba la pynlong da ka Ri Bhoi District Sport Association (RBDSA) na ka bynta ban ai jinghikai ļa ki samla Kynthei bad shynrang na Ri Bhoi District ban pyndep ļa katei ka AIFF D. License kaba dei kawei na jingai jinghikai bad ban pyndep ļa ka examina-tion na ka bynta ban ioh ļa ka kyrdan nonghikai (In-structor) ba la ithuh da ka All Indian Football Federation ba la tip kum kata ka Kyrdan D. License.

Kane ka jingai jinghikai ļa ki samla Kynthei bad shynrang ka la sdang naduh ka 8 tarik u Naiwieng bad la pynhap pyrda noh mynta ka sngi kaba dei ka 13 tarik u Naiwieng da u District Sport Officer, u Bah P. M Marbaniang kum u kongsan.

La sakhi lang ruh ha kane ka sngi da ka jingdon lang u Bah C.L Masharing, President ka RBDSA, u Bah Dipshon Ryntathiang, Gene-ral Secretary ka RBDSA, u Bah Riban Nongrum, Se-cretary ka Referee Board ka RBDSA bad kynthup ļa u Bah Khlain Syiemlieh, uba dei u nongai jinghikai ļa ki samla bad uba dei ruh u Instructor ka AIFF.

Kumba 23 ngut ki samla kynthup ļa ki kynthei bad shynrang ki la wan ban shim bynta ha kane ka prokram ai jinghikai ban thoh ļa ka examination bad ruh ban ioh ka jinghikai (Practical) da u Instructor ka AIFF, uba dei u Bah Khlain Syiemlieh.

Kum ban pynpaw hangne, kane ka AIFF D. License ka dei ka Course ne ka jingai jinghikai ba ki khynnah samla kin ioh ļa katei ka kyrdan ban long kita ki nonghikai ha ka jingļalehkai phutbol bad dei tang lada ki la pyndep ļa ka examination kaba dei ha ka liang ka Theory bad kumjuh ruh ka Practical ba kin sa ioh ļa ka jingithuh da ka AIFF ba ki la don ka bor ban ai ka jinghikai ha ka liang ka kam ban kyntiew ļa ka kam ļalehkai phutbol.

Haba kren ha kane ka sngi ba la pynhap pyrda ļa kane ka prokram ai jinghikai ļa kitei ki samla, u Bah P. Marbaniang kum u kongsan u la pynpaw ļa ka jingkmen ba ki khun samla ka District ki la mih shakhmat ban shim bynta ha kum kine ki prokram ai jinghikai bad ban ioh ruh ka jingithuh na ka AIFF ba ki la pyndep ļa katei ka kyrdan D. Licesne ha kaba kane ka long shi bynta ban kyntiew ļa ka kam ļalehkai phutbol ha ka District.

U la ong ruh ba ka jingļaroh ka leit ruh sha ki nongļalam ka RBDSA bad kumjuh ruh ļa u Bah Khlain Syiemlieh, uba dei u Instructor ka AIFF, bad dei namar ka jingtrei shitom kine ki nongialam ki samla ki la ioh ļa kane ka lad ban wan pyntbid na ka bynta ban ioh ļa katei ka kyrdan nonghikai (Instructor) ba la ithuh da ka AIFF lada ki la pyndep ļa katei ka prokram ai jinghikai kaba ki hap ban pyndep ļa ka Examination bad ryngkat ka Practical.

Khnang ba kane ka prokram ai jinghikai kan nym long kaba sepei kumba la pynlong da ka RBDSA bad ka AIFF, u Bah Marbaniang kum u phisar ba peit ļa ka tnad Sport u la kyntu ruh ļa ki samla da kaba ong, “ Ba kim dei ban hun tang ba la ioh ļa ka Certificate ne kata ka kyrdan ha katei ka kyrdan D. License, hynrei ki samla haba ki la pas ļa katei ka kyrdan ki dei pat ban don kata ka thong ban ai jinghikai kyrpang ļa ki samla ba kin pyntbid ha ka kam ļalehkai phutbol khnang ba ka jingangnud ban kyntiew ļa ki samla ha ka kam ļalehkai phutbol kan long kaba myntoi bad kaba jop” u la ong.

U la ong ruh ngi dang donkam shibun ki samla ialehkai kiba la tbit ha ka kam ļalehkai phutbol bad kyrmen skhem ba da ka jingmih kine ki samla kiba la pyndep ļa katei ka kyrdan kin dang lah ban pynmih shibun ki samla ļalehkai phutbol ki ban rah ļa ka nam bad ka burom ļa ka District bad ka jylla lyngba ka kam ļalehkai phutbol.

Namarkata, khnang ban ioh jingmyntoi ki samla ha ka District, u Bah Marbaniang u la kyntu ruh ba kitei ki samla kim dei ba hun tang ba la ioh ļa katei ka kyrdan D. License ba la pynkup bor ba ki long kita ki nonghikai, hynrei ki dei ban dang pyntbid shuh shuh na ka bynta ban ioh sa kiwei pat ki kyrdan kum ka B. License bad kiwei kiwei ki kyrdan kiba kham shalor bad ban ithuh ruh ļa ki da ka ri hi baroh kawei ba ki la bid ban ai jinghikai halor ka kam ļalehkai phutbol, u la bynrap.



Mynjur u Lat ia ka thup ki EM, 24 tarik yn jied Chairman ha KHADC

Shillong, Naitung 20 : U Lat ka Jylla ha ka sngi Thohdieng u la buh ba ka jingjied ļa u Chairman ba thymmai jong ka Khasi Hills Autonomous District Council (KHADC) kan long ha ka 24 tarik mynta u bna...MORE

Iap jyllop u rangbah ha wah Namlang

Shillong, Naitung 20 : Uwei u rangbah ba tip kyrteng kum u Tailar Kharkylliang u la ngam jyllop noh ha ka wah Namlang kaba don ha Mawton Thwei Sihum.
Katkum ka khubor na ki pulit la ong ba ļa ...MORE

Pan jingpynshai ka PDF na ki MDC ba kyrshan ļa ka KHDA

Shillong, Naitung 20 : Ka People's Democratic Front (PDF) ha ka sngi Thohdieng ka la rai ban pan jingpynshai na ki lai ngut ki MDC jong ka party, kata ia u Bah Latiplang Kharkongor, Bah James Sylliang...MORE

Sor jamin ban shna nur bah ha Jowai

Jowai, Naitung 20: Ban pyntreikam ļaka hukum jong ka National Green Tribunal (NGT), ka Jowai Municipal Board (JMB) haryngkat bad ki nongwad buit jong ka; kala sdang ban sor jamin na ka bynta ban shna ...MORE

Pynjlan tarik ai khusnam ka TSMSWO

Shillong, Naitung 20: Ka Tirot Sing Memorial Social Welfare Organisation (TSMSWO) ka la pynjlan biang ļa ka tarik ban shimti ļa ki Mark Sheet haduh 27 tarik mynta u bnai na ka bynta ban sam ļa ki khus...MORE

Pynkut ka KSU Mawkyrwat ļa ka taļew jingpynjyrngam Mei Mariang

Mawkyrwat, Naitung : Ka Khasi Student’s Union, Mawkyrwat Circle ka la ?oh ban pynkut noh ļa ka taļew jingpynjyrngam ļa ka Mei Mariang kaba la sdang naduh ka 16 tarik Naitung haduh mynta ka sngi ka 20 ...MORE