««|Hadien ka BJP takraiń tyngeh sa ka NCP ďa ka Congress ha rilum Garo    ««|90 pyrton ki CAPF pyllait ka Sorkar ban pahara Election ha Meghalaya    ««|Ki nongďalam NPP ki shu leh mynleh bym don jingďadei bad ka BJP: Ardent    ««|Rah lama ďong ki paidbah ka Wapung ban pyrshah ďa ka Sorkar MUA-II    ««|U synniang u Bah LH Pde kum u nongbiria    ««|Mudui ka KSU ha u DC ba shah ktah ki jaka rep bad surok na ka New Umtru HEP    ««|Dawa plie SSLC Centre ka SRS tnat Pule Puthi ha Mawhati    ««|Kynnoh ka nongtrei ďing ba shah leh be-ijot, pynbor ki trai ďing ban ai briew ďa i khunrit    ««|Tur ki longkmie ha Shella sha u Kyrtong BJP    ««|Halor ka Battalion BSF : 24 tarik yn tur ka KSU sha ophis DC Mawkyrwat    ««|Phetrieh u C-in-C ka GNLA bym ďoh jaka ha Bangla    ««|Wer paidbah ka Warsanlyngdoh sha ka Public Hearing halor ka kam District


Kynnoh ka Heh Mahila Congress ba phiah ka BJP ďa ka jaidbynriew lyngba ka Niam

13 January, 2018

Nongpoh, K’lyngkot 12: Haba kren mynta ka sngi ha ka jingďalang ba ďa kynduh lang ki nongďalam ka Congress ha Ri Bhoi ban pynkup burom ďa u Dr. Celestine Lyngdoh kum u President ba thymmai ka MPCC ha ka jylla, ka heh nongďalam ka All India Mahila Congress bad kaba dei ruh ka nongpeit pyrman ka AICC ďa ka election ha Meghalaya, ka Nita D Souza ka la kynnoh paidbah ba ha ka BJP ha ka jingsynshar jong ka kum ka sorkar ha ka ri ka la kynnoh ba ka BJP ka la phiah ďa ki jaid bynriew ha ka ri lyngba ka niam.

Kum shi bynta ban ďalap ruh ďa ka election ban pan ka jingkyrshan na ki paidbah, katei ka heh nongďalam Mahila ka Congress ka la ong ruh ba naduh ba la synshar da ka BJP la mih ka jingshah pynshitom ďa ki Kristan bad bun ki jaid bynriew ba dang rit paid ki don hapdeng ka jingsyier mynsiem ba ha ka jingsynshar ka BJP la mih ka jingshah pynshitom ki Krisitan bad ki rit paid ha kylleng ka ri.

Ka la ong ruh ha ka por ba synshar ka Congress ha ka ri kam don kano kano ka huri hira bad baroh ki paidbah ha ka ri ki don hapdeng ka shongsuk shongsain, namar ka Congress ka dei ka party kaba ieng ban shakri na ka bynta baroh ki jaid bynriew ha ka ri khlem da niew la ki wan na kano ka jaid bynriew ne na kano ka jaid niam bad kum ki paid ka ri ki ďoh ďa ka mon kaba laitluid ban mane Blei katkum ka jingngeit jongki.

“Ka Congress ha ka jingďalam na ka longing Gandhi ka don ka jingieit kaba kyrpang na ka bynta ka thaiń Shatei Lam Mihngi bad kumjuh ruh ďa ka jylla Meghalaya bad namar ba ha ka jingsynshar ka Congress ki wan shibun ki jingkylla mynta tang shu poi ka election kiwei ki party kiba thmu ban shim kabu ki la kynnoh lai phewjaid ďa ka Congress bad khamtam kito ki nongďalam kiba la mih na ka Congress namar ba ki sngewthuh ba kim poi shuh shaei shaei ruh ba ki paidbah haduh mynta ki dang shaniah ďa ka Congress”ong ka Nita D. Souza kum ka heh nongďalam ka Mahila Congress ha ka ri.

Ka la ong ruh tang shu wan ka Election ki party riewlum ki la sdang ban khohreh ban pynbiej ďa ki paidbah bad kumjuh ruh ka NPP bad ka BJP kiba ong ba ki dei la ka jong ka party, hynrei ki ďa trei lang bad ka BJP ki la mih ban kynnoh ba ka Congress ka synshar donbor bad kam don ka jingkitkhlieh ďa ki paidbah bad kumba long haduh mynta hi baroh ki jingkylla kiba wan ha ka jylla Meghalaya ki dei ki matti jong ka Congress suda.

Ka la kynthoh jur ruh da kaba kynnoh ba ki party riewlum bad kynthup ruh ka NPP bad ka BJP ki mih ban pynbiej ďa ki paidbah da kaba thaw wat ďa ki bor ba bakla ban pynbiej ďa u paidbah bad kum ki paidbah pat kim dei ban biej namar kitei ki dei tang ki buit thok ki buit shukor ha kaba khlem pep lada ki wan ha ka bor kin ďa trei lang bad ka BJP kaba dei ka party kaba khnioit bein ďa ki rit paid bad khamtam ki Khristan, ka la ong.

Ka la ong ruh ba ka Congress ha Meghalaya kan dang wan biang ha ka bor, namar ki paidbah ka jylla Meghalaya ki dei kiba stad bad kiba bishar ďa ki kam bad ym donkam ba kitei ki party khwan myntoi ki hap ban kynthoh ha kaba ki paidbah hi ki la dep ban bishar ba dei tang ka Congress party kaba don kata ka jingkitkhlieh naduh u duk u rangli bad kaba kdup lang ďa baroh khlem da don kano kano ka jingďapher ha ka jaid ka khong ne ha ka niam ka rukom.

Da kaba ai mynsiem ruh ďa ki nongkyrshan ba radbah ka Congress ha Ri Bhoi, katei ka heh nongďalam Mahila ka Congress ka la ong ruh ba ki dei ban wah ďa ka lama Congress ha man la ki ing ki sem khnang ba kitei kiwei ki party ba shim kabu kim nud shuh ban wan pynbiej ďa ki paidbah bad ban dang ďoh synshar ka Congress ka la kyntu ruh miet la bad sngi ba ki nongďalam bad ki nongkyshan ki dei ban trei shitom khnang ba lada ka Congress ka ďoh synshar biang yn dang wan rah ďa shibun ki jingkylla kiba dangsahteng kiba dei katkum ka jingdonkam ki paidbah, ka la bynrap.

U Ma Vincent H. Pala, uba dei u MP bad u Working president ka MPCC haba kren ruh ha kane ka sngi u la buh ka jingkyrpad jur ďa ki paidbah ka Ri Bhoi ban kyrshan borbah ďa ka Congress bad kumjuh ruh ďa u Dr. Celestine Lyngdoh, namar ka Ri Bhoi ka donbok ba u Dr. Celestine Lyngdoh tang ha ka jinglong MLA ha ka sien kaba nyngkong u la ďoh ban bat kum u Myntri hapoh ka sorkar bad la shah jied ruh kum u President ka MPCC kaba long ka jingsarong ďa ki paidbah ka Ri Bhoi.

U la ai mynsiem ruh ďa ki hajar ngut ki paidbah nongkyrshan ka Congress ba lada ki pynjop ruh ďa u Dr. Celestine Lyngdoh kan don ruh ka kabu ba u Dr. Celestine Lyngdoh kum u nongďalam na Ri Bhoi un poi ruh wat ha ka kyrdan Myntri Rangbah lada ka Congress ka dang ďoh ban synshar ha ka jylla.

U la ong ruh ha kine ki sngi ba la jan ka election la mih ruh ki jingkynnoh ba lai phewjaid ďa ka Congress ba ka synshar donbor bad leh donbor, hynrei ku ki paidbah kim dei ban sngap bad ki hap ban bishar ďa ka lawei ka jylla, namar ka lawei jong ka jylla ka shong ha ka shi vote jongki.

U la pynshai ruh ba ki paidbah ba pyrshah Congress bad khamtam kiwei kiwei ki party riewlum ki la kynnoh ruh ba wat ďa ka jingkhang dewiong bad ka Village Administration Bill (VAB) la leh donbor da ka Congress, hynrei kim tip pat ba ka VAB ka sorkar Congress ka la dep ban pass ďa ka Bill ba kaba sah mynta sa tang ha ka kti u Governor ba la thung da ka sorkar BJP bad wat ka jingkhang dewiong ruh la ujor da ki Samla na Assam sha ka High Court bad ka rai ban pynlait biang ďa u dewiong ka shong ha ka kti ka sorkar kmie namar u Dewiong u hap ha ka Union list bad ym ha ka State List, u la ong.

U Ma Pala u la ong ruh kum u MP U la leit mih ruh la bunsien sha ka Home Ministry ka sorkar pdeng ban ďa kren halor ka VAB bad kaba sngewsih pat u la shah pynshad shrieh na kawei ka department sha kawei pat namar ki don haduh lai department kiba dei shaphang ka Law bad kaba sngewsih pat ki paidbah ki kynnoh khlem nongrim ďa ka Congress, namar ban pynlong ain ďa katei ka Bill ka dei sa tang lada u Governor u ai ďa ka jingmynjur ban pynlong ain ďa katei ka ain.

Namarkata, u la ong ruh baroh kitei ki jingkynnoh ki dei kiba kwah tang ban pynthlot bor ďa ka Congress, hynrei kim sngewthuh pat ba ki paidbah mynta ki la stad ban bishar,namar kumba long ha ka jylla ka dei tang ka Congress hi kaba trei na ka bynta ka jingkylla ha ka ri bad ki jylla bad kumjuh ruh ban peit kyrpang ďa ki duk ki suk bad ki rangli ki juki khlem da shahliang, u la bynrap.

Na ka liang u hehduh ka Congress, u Dr. Celestine Lyngdoh uba dei u president ka MPCC haba kren ha kane ka jingďakynduh lang ki para nongtrei Congress ba la pynkup burom ďa u, u la pynpaw ďa ka jingkmen ďa ki para nongtrei ba ki nongkyrshan ka Congress bad u la pynpaw ruh kumba long haduh mynta wat lada ki nongďalam kiba bun ki la mih na Congress hynrei kiwei pat ki nongďalam kiba dang tbid shuh naduh ki IAS bad Engineer ki rung hapoh ka Congress ban shim pat ďa ka lyngkor nongďalam bankyntiew ďa ka jylla.

U la ong ruh baroh kito ki MLA ne ki nongďalam kiba la mih na Congress ki dei tang ki riew shim kabu kiba kwah ban ďoh jingmyntoi shimet bad ki long ruh kum kito ki Bsein ba la pynsyaid bad hadien ba la pynsyaid pat kip uh kylla ba kumno ki paidbah kin shaniah ďa kum kita ki nongďalam.

Lyngba kane ka jingďakynduh lang ki nongďalam ba ki nongtrei ka Congress na Ri Bhoi ban pynkup burom ďa u Dr. Celestine Lyngdoh la pynphuh pynphieng ruh da ka jingdon lang ki nongďalam ba ka District bad ki Constituency ba kynthup ďa u Bah Min Makri, Working President ka Congress ha Ri Bhoi, u Bah Marald Born Syiem, Kyrtong na Nongpoh, u Bah Charles Marngar, kyrtong na Mawhati, u Bah Najim Kharmalki, President ka Jirang Block, u bah W. Syngkli bad ka Kong Sarita Laitphlang kiba pan ticket na Jirang bad kynthup ruh kiwei kiwei ki nongďalam bad ki da ki hajar ngut ki paidbah nongkyrshan ka Congress na Ri Bhoi.



Hukum ka Kashari ban set along 3 snem ďa u nongleh be-ijot Khynnah

Shillong, K’lyngkot 17: Ka Ďingkashari POCSO ka West Jaińtia Hills, kala hukum ban set phatok haduh lai snem ryngkat ka kuna ba T.1000 ďa u Samla ba leh be-ijot ďa ka Heprit ba dang 11 snem ha West J...MORE

Dang ďaid ka jingbishar ďa u MLA ka Mawhati; ong u DGP

Shillong, Kyllalyngkot 17 : U Director General of Police (DGP) u S.B Singh mynta ka sngi u la ďathuh ba ka jingbishar ďa u MLA jongka Mawhati u bah Julius K Dorphang ka dang ďaid shaphrang.
L...MORE

Pynbna ka AAP sa 4 ngut ki kyrtong

Shillong, K’lyngkot 17: Ka Aam Aadmi Party (AAP) hynne ka sngi kala pynbna ďa ka thup kyrteng ba ar jong ki saw ngut ki kyrtong ki ban aireng ha ka elekshon MLA ha Jylla ban long ha u bnai ban wan. ...MORE

Mudui u Rangbah ha ka NGT ba thang ńiut ka SMB ha Marten

Shillong, K’lyngkot 17: Uwei u Nongshongshnong ka Nongbah Shillong, ula ujor sha ka National Green Tribunal (NGT) halor ka jingthang ńiut jong ka Shillong Municipal Board (SMB) ha Marten, kaba pynmih ...MORE

Ďakynduh lang ki samla Congress

Shillong, K’Lyngkot 17 : Ki samla Congress hapoh ka lama jong ka Meghalaya Pradesh Youth Congress ki la pynlong ka jingkynduh lang hynne ka sngi ha Congress Bhavan ban ďa syllok bad ďa thir sani halor...MORE

Ym don Auto ban kamai 20 tarik ha Mairang

Shillong, K’Lyngkot 17 : Ka synjuk ki Autorickshaw ba kamai ha Mairang hapoh ka lama jong ka MaTODARA ka la pynbna ba ha ka 20 tarik yn ym don ki Auto ban kamai ha kato ka sngi ha Mairang Town.
...MORE

Yn bei ka DoT 10743 klur ban pynbha ďa ka Telecom ha NE

Shillong, Kyllalyngkot 17 : U myntri khynnah ka sorkar pdeng uba dei peit iaka tnad ne Department of Telecommunication (DoT) u Manoj Sinha u la ďathuh ba ka sorkar pdeng kan bei haduh 10,743 klur ty...MORE

Ai tin sop ďing ka NADA sha ki lanot shah shoh phria ha Nongnah

Mawkyrwat, K'Lyngkot 17: Ka Nongnah Area Development Association (NADA) kaba dei ka seng trei mon sngewbha jong ka thaiń Nongnah ha ka sngi Saitjaiń ka la ďoh ban noh synńiang da ki tin sop ďing sha ...MORE

Shimkhia ka Transport Deptt ďa ka jingdawa jong ka KHNAM

Shillong, K’Lyngkot 17 : Ka tnad Transport jong ka sorkar jylla lyngba u Under Secretary ka la phah da ka shithi sha u Commissioner of Transport jong ka sorkar jylla ban shimkhia ďa ka jingdawa jong k...MORE

Maham ka FKJGP ďa ki trok kit dewďong ba kit palat 9 ton

Mawkyrwat, K’lyngkot 17 : Ka FKJGP jong ka South West Khasi Hills District ka maham ďa ki trok kit dewďong, kiba kit palat pud namar ka jingkit palat jong ki trok ka la pynsniew ďa ki jingkieng khamta...MORE

Rai ka Shillong City BJP Distrik Komiti ban pynkut shwa ďa ka jingtreikam ka Mandal barim

Shillong, K’Lyngkot :Ka Shillong City BJP Distrik Komiti kala khot pynlong ďa ka jingďalang ba kyrkieh jong ka BJP Mandal Komiti ka Pynthorumkhrah ban ďa kren pyrkhat kam hadien ka jingiehnoh kam kaba...MORE

Phah dorkas halor ka jingslem ka jingwan ki department sorkar hapoh SWKHD :: HNYF

Mawkyrwat, K'lyngkot : Ka Hynńiewtrep National Youth Front (HNYF) Unit Nonglang kumba ka la ďai angnud ban ďa kynduh ďa ki bor sorkar, kumta ha kaba ďa dei bad kane ka bynta ka la phah syndon da ka do...MORE