««|Yn kyrshan ka KHADC ďa ka Sorkar ban ďa khun mukotduma pyrshah ďa ki Khar Metor    ««|Palat spah ki dukan dang khang khyrdep, khńium ki nongshong dukan bym ďaid ďew    ««|Plie u Myntri ka Koit ka Khiah ďa ka Health Sub-Center ha ka shnong Laitkor Rngi    ««|Pyrshah ka KSU ďa ka Nagaland House ďakren para CM    ««|Yn ďohnong ki nongrep kait ha ri lum Garo ba ďoh pynďaid ďew ďa ki mar    ««|Ther u Bah Shylla ďa u Bah James: dei ba kwah shuki CEM ba mudui mukotduma    ««|Ngan thung beit ďa ki EM ka KHDA ha KHADC: Shylla    ««|Plie u Bah PT Sawkmie ďa ka skul hikai shad jong ka Step 2 Step Dance School


Sin ka President ka Mahila Congress ďa u Amit shah da u ‘Syiem ka Black Money’

Kham shalak ki Khristan ban ďa u KJ Alphons: MP

12 January, 2018

Shillong, K’lyngkot, 11: Ka Sushmita Dev, kaba long ka Nongďalam bahakhliehduh ka All India Mahila Congress (AIMC) ka la khot sin kyrteng ďa u Amit Shah, National President ka BJP kum u ‘Syiem ka Black Money’ bad kynnoh ruh ba un sa pyndonkam ďa kane ka pisa ha ka elekshon MLA 2018 sha ka Ingdorbar Thawaiń ka Jylla Meghalaya.

“U Amit Shah uba ju kren pyrshah ďa ka bamsap u dei u ‘Syiem ka Black Money” bad da ki phew byrni ka pisa un sa pyndonkam (ha ka elekshon sha ka Ingdorbar Thawaiń ka Jylla Meghalaya),” ong ka Sushmita haba ha jingďalang jong ki longkmie ka Seng Congress kaba la long ha Soto Tham Auditorium mynta ka sngi palei.

Haba kyrpad ďa ki paidbah ka Jylla Meghalaya ban ym lait ha ka jingshahriam, ka la long, “nga kyrpad ďa phi ba phin ďathuh sha ki paidbah ka Jylla lada ngi pdiang ďa ka pisa jong ka BJP, ka Meghalaya kan sa ingkhong. Nga pynthikan ruh sha phi namarba ba kane ka ladep jia kumba ki la leh ha Assam.”

Haba takraiń ďa u Amit Shah uba kynnoh ďa ka Sorkar MUA-II ka Congress ba la ďalam da u Mukul Sangma ba ka dei ka Sorkar bamsap, kane ka nongďalam jong ka AIMC ka la ong, ‘hynrei nga kwah ban ong ba uno uno uba la leh ďa kam bamsap kaba heh tam ha ka ri u dei u Narendra Modi, Myntri Rangbahduh ha ka jingthied ďa ki jet thma Rafale na ka ri France.”

Ka Sushmita, kaba long ka MP na Silchar, Assam ka la pynkynmaw ba u Amit Shah u la dei ban ďathuh sha ki paidbah ka Jylla Meghalaya ha ka jingwan iuhkjat jong u dang shen ba kumno u khun jong u tang hapoh 3 snem u la kylla long u Multi-Millionaire bad bynrap, “daleilei ruh em un ym lah jubab ďa kata.” Haba ďaroh ďa ka Sorkar Congress kaba la synshar ha ka Jylla Meghalaya, ka la ong, ba kane ka Sorkar hapoh ka jingďalam jong u Mukul Sangma ka la ai ďa kaba bha tam bad ďa kaba ka Jylla kam pat ju mad satia ha ki snem baladep bad kata ka dei ka ‘shongsuk shongsaiń.”

Ka la ong, kiwei kiwei pat ki seng saińpyrthei kiba la bat ďa u lakam synshar ha ki snem ba la leit noh ki la phiel ban ai ďa ka shongsuk shongshngaiń ha ka jylla Meghalaya.

Ka la kynnoh shuh shuh ba u Amit Shah bad ka kynhun jong u bad ki shipai RSS ki angnud ďa ka Meghalaya bad kiwei kiwei ki jylla ka thaiń Shatei Lammihngi kum ka Tripura, Nagaland tang na kawei ka daw namar ki tip ba shen kin sa duh ďa ka bor synshar ha kiwei kiwei ki jylla ka thaiń Shatei Lammihngi hadien ka Elekshon 2019 sha ka Lok Sabha.

“Ki (BJP) tip ba 60-70 seats kin sa duh noh ha North India bad kin hap ban ďakhun ban ďoh bujli ďa ki Seat ha Meghalaya, Nagaland, Assam, Arunachal Pradesh bad kiwei kiwei ki Jylla,” ong ka Sushmita. Haba kynnoh ba ka BJP ka la pyrshang ban wanrah ka jingďapait hapdeng ki paidbah ka Jylla Meghalaya, ka la ong, “ka kam ba ka BJP kan sa leh ha Meghalaya, kan long da kaba phiah ďa ki Khristan bad ki bym dei ki Khristan. Kin pynsniew ďa ka shongsuk shongsaiń ba ka Congress ka la trei shitom la katta snem.”

“Ka BJP kan sa pynsniewdur ďa ka imlang sahlang jong phi bad kan pynduh ruh ďa ka lariti jong phi. Mynta ka BJP ka dei ka Party kaba hukum ban pynsangeh ďa ka jingrakhe ďa ka lehniam Khristmas ha ki Kolej bad kyntu ban rakhe ďa kane ka sngi kum ka ‘Good Governance Day,’ ka la bynrap.

Haba kynthoh halor ka khubor ba la pathai da ka World Watch kaba kdew ďa ka jingshah thombor ki ritpaid ha India, ka Sushmita ka la ong, ki Lyngdoh Niam ha Madhya Pradesh ki la shah ktah kti tang namarba ki la ďaid Christmass Carol bad kynnoh ruh ba u Phadar u la pyrshang ban pynkylla niam jubor ďa ki paidbah. Ka la ong shuh shuh, “ka kyrduh kam kyrduh jam ka la jur bha ha Gujarat, ki kynthei ki im hapdeng ka jingduk jingkyrduh, ki skul pule ki long kiba remdor haduh katta katta, ym don kano kano ka hospital kaba bha bad kata ka dei ka Gujarat Model kaba u Modi u ju ďathuh khyllew sha ka ri baroh kawei,” ka la ong bad bynrap, “u (Modi) wan sha Meghalaya ban ong ba un pynkylla Gurajat ďa kane ka Jylla? Nga kwah ban ong ďa ka BJP ba ka dei ka Sorkar u Mukul Sangma kaba la wanrah ďa ki skul pule kum ka NEHU, IIM, NIFT bad kiwei kiwei.”

Ha kajuh ka por, kane ka nongďalam jong ka AIMC ka la pynpaw ďa ka jingkyrmen ba ka Congress kan dang wan phai biang sha ka bor synshar ha Delhi ha u snem 2019 da kaba pynrem ďa ka Sorkar NDA ba la ďalam da ka BJP.

“Ngin ďakhun ha ban da ďap ban pynher krad ďa kane ka seng pynpharia jaidbynriew shabar na ka ri. Nga pynthikna sha phi, ha u snem 2019 ka Congress kan sa wan phai biang sha ka bor synshar ha Delhi bad nga kyrpad ďa ki paidbah ka Meghalaya ban ym plie jingkhang ďa ki bor badum kum ka BJP ha Meghalaya,” ka la ong. Haba kyrpad ďa ki longkmie ha ka Jylla, ka Sushmita ka la ong, ‘dei ka Sorkar u Narendra Modi kaba pyrshah ďa ka jingpynkup bor ďa ki kynthei bad ki buit barieh ka RSS.

Ka la ong ba ka RSS kam la shym ngeit ďa ka jingaibor kyrpang ha ki kynthei bad ka nuksa kaba paw shynna ka dei ka 33percent jong ka Women Reservation Bill ďa kaba ka Sorkar u Modi ka la kyntait ban ai ďa ka bhah kyrpang ďa ki Kynthei ha ka Ingdorbar Thawaiń jong ka ri bad ki Assembly.

“Hynrei nga sngewsarong ba ka Sorkar Meghalaya ka la ai bhah kyrpang sha ki kynthei haduh 25 percent ha ka Kynhun Myntri,” ka la ong. Haba kynthoh ba ka BJP ka la pyntroiń ďa ka shongsuk shongsaiń ha Assam bad ong ruh ba kane kan sa jia ha Meghalaya, kane ka MP na Assam ka la ong, “ka jingma bashyrkhei kaba ap ďa ki Jylla ka thaiń Shatei Lammihngi ka dei ka China bad ka Foreign and Defence Policy jong u Myntri Rangbahduh ka ri ka la phiel

“U (Modi) la phliel ban ai jingďada ďa ki jylla ka North East bad buh jingma ďa ngi ha ka ri China bad une u juh briew uba leit sha Arunachal Pradesh bad ong nga nud ban aireng pyrshah ďa ka China hynrei mynta ka China ka la ai jingsneng ďa u Modi bad wanrah ka jinglehraiń ďa ka thaiń Shatei Lammihngi baroh kawei,”ka la ong bad bynrap, “ka Meghalaya ka dei ban phah ďa u kyrwoh bad ym dei satia ban ďalehkai bad ngi bad ďa ka shongsuk shongsaiń jong ngi.”

Ha kajuh ka por ka la takraiń tyngeh ďa ka jingpynbna ba dang shen da u KJ Alphons, Myntri Khynnah ka Sorkar NDA ban bhah pisa 80 klur na ka bynta ki kam pynroi ban maramot ďa ki Ingmane bad ki jaka lehniam ha ka Jylla

Haba kynnoh ba ka Sorkar NDA ba la ďalam da ka BJP kam ju pynbna satia kum kane ka skhim ha kiwei kiwei ki jylla, ka la ong, “lada dei ďa ki Scheduled Caste ne Schedule Tribe, la ju niew ďa ki kum ki nongshong shnong ‘Second Class’ bad ha Madhya Pradesh ki la ong dei ban leh Puja hapoh ka Ingmane. Namarkata, don jingmut aiu ban ai sngewbha ďa kata ka pisa ban shna ďa ki ingmane”

Ha kawei ka liang, u Bah Vincent H. Pala, MP ka Shillong u la kynnoh ba ka BJP ka la pyrshang ban pyndonkam bakla ďa ka pisa jong ka Sorkar tang na ka bynta ka jingmyntoi ban ďoh khroh vote ha ka elekshon ha ka jylla.

“Ka BJP ka la pyrshang pyndonkam bakla ďa ka pisa jong u paidbah (Sorkar) tang ban ďoh jingmyntoi ďalade ha kane ka elekshon bad ngam tharai ba ka BJP kan kam shalak ban ďa ki Khristan ha kane ka Jylla. Ngam tharai ba u KJ Alphons un kham shalak ban ďa ki nongďalam niam jong ki Balang ha kane ka Jylla,” ula ong. U ong ba u Myntri Khynnah ka tnat Jngohkai Pyrthei u lah ban don ďa ka song pisa ban ai sha ki Kynhun Niam bapher bapher bad ďa ki Temple hynrei ka pisa ka dei jong ka Sorkar Pdeng kaba long ka pisa u paidbah ka Jylla Meghalaya.

“Kaba paw shai ka dei ba ki (BJP) kwah ban pyndonkam da ka pisa jong ka Sorkar ban thied ďa ki vote jong ki paidbah hynrei kane kan ym treikam satia. Kumno tang 80 klur u (Alphons) pynďoh ďa ka jylla Meghalaya baroh kawei, nga tharai kata ka dei ka kam ka bym lah ban long,” u la bynrap.



Yn pynďeng kyrtong ka UDP pyrshah ďa u CM ha South Tura

Shillong, Naitung 14 : Wat la ka United Democratic Party (UDP) ka ďatrei lang bad ka National People’s Party (NPP) ha kane ka sorkar MDA hynrei na ka liang ka UDP ka la rai ban pynďeng kyrtong beit ba...MORE

Mynsaw ka longkmie ba shah dung tari

Shillong, Naitung 14: Kawei ka longkmie ba la tip kyrteng kum ka Shirley Lim kaba shong basah ha Lower Lachumiere, Shillong ka la mudui da ka ejahar pyrshah ďa uwei u briew uba la tip kyrteng kum u Jo...MORE

Jah rngai u rangbah na jaka ai jinghikai

Shillong, Naitung 14: U Principal jong ka Meghalaya State Fisheries Research & Training Institute, Mawpun, Umďam, Ribhoi District u la mudui da ka ejahar ban pyntip ba ha ka 10 tarik mynta u bnai uwei...MORE

La plie Website jong ka tnat Housing

Shillong, Naitung, 14: Ka Kong MN Nampui, kaba long ka Secretary jong ka tnat Housing ka Sorkar Jylla hynnin ka sngi thohdieng ka la plie paidbah ďa ka Website jong ka tnat Housing ba la pynkhreh bad ...MORE

Ha i jingpyrshang barit yn mih thup sur jingrwai ka Moneyracer

Shillong, Naitung, 14: Ka Moneyracer ka dei ka kynhun tem na Shillong. La lum ďa kane ka kynhun ha ka tlang jong u 2014 da ka mat ban thaw bad tem ďa la ki jong ki jingrwai.
Ki dkhot jong kane...MORE

Pynjlan thep aplikeshon ka IGNOU

Shillong, Naitung, 14: Ka IGNOU ka pyntip ba ka tarik ba khatduh ban thep ďa ki aplikeshon naka bynta ka online bad offline fresh admission jong ki Masters, Bachelors bad Diploma Programmes lait noh c...MORE

Mynsaw u rangbah ba hap kali

Shillong, Naitung 14: Hynnin ka step sngi thohdieng, kawei ka Maruti Swift car (ML-05Q-0964) ka la hap sha kawei ka liew muri ha Shangbangla, Ribhoi District. Ha kane ka jingjia, u nongniah jong kane...MORE

Shah shoh u rangbah ha ki runar

Shillong, Naitung 14: Uwei u rangbah ba la tip kyrteng kum u Muktadir Rahman uba ap pahara ha Mahendraganj Forest Check Post, South West Garo Hills District u la mudui da ka ejahar pyrshah ďa ki runar...MORE

Pynthymmai Nongkitkam ka Umsning Town Durbar

Shillong, Naitung 14: ka Umsning Town Durbar kaba dei ka synjuk jong ki hynriew tylli ki Durbar Shnong hapoh Umsning, ha ka 6 tarik Naitung, kala pynthymmai ia ki Nongkitkam jong ka na ka bynta u snem...MORE