««|Yn kyrshan ka KHADC ďa ka Sorkar ban ďa khun mukotduma pyrshah ďa ki Khar Metor    ««|Palat spah ki dukan dang khang khyrdep, khńium ki nongshong dukan bym ďaid ďew    ««|Plie u Myntri ka Koit ka Khiah ďa ka Health Sub-Center ha ka shnong Laitkor Rngi    ««|Pyrshah ka KSU ďa ka Nagaland House ďakren para CM    ««|Yn ďohnong ki nongrep kait ha ri lum Garo ba ďoh pynďaid ďew ďa ki mar    ««|Ther u Bah Shylla ďa u Bah James: dei ba kwah shuki CEM ba mudui mukotduma    ««|Ngan thung beit ďa ki EM ka KHDA ha KHADC: Shylla    ««|Plie u Bah PT Sawkmie ďa ka skul hikai shad jong ka Step 2 Step Dance School


Hadien san snem ba pynslem, yn tei ďa ka Medical College ba nyngkong ha Shillong

Yn trei noh mar dep pynkynriah ďa ka TB Hospital

7 December, 2017

Shillong, Nohprah 06 : U Myntri Rangbah ka Jylla, Dr. Mukul Sangma hynne ka sngi u la buh ďa u mawnongrim ban tei ďa ka Medical College kaba nyngkong eh, ka Shillong Medical College kaba la thmu ban tei ha ka jingďatrei lang ka sorkar bad ki riew shimet ba la tip kum ka Private Public Partnership (PPP) mode ha Mawprem.

Katei ka jingbuh ďa u mawnongrim na ka bynta katei ka Medical College ka la urlong hadien san snem naduh ba thmu nyngkong. Lah ban pynkynmaw hangne ba kadei naduh u 2012 ba ka sorkar jylla ka la soi ďa ka soskular (MOU) bad ka KPC Group na Kolkatga ban shna ďa ka hospital ba 500 jingthiah kaba don bad ka Medical College ha kane ka nongbah.

Katkum ka jingtyrwa ha kitei ki snem,na ki 100 ngut ki samla pule doktor, haduh 40 ngut kin dei na kane ka jylla kiban ďoh pule ha katei ka Medical College.

La ďoh jingtip ruh ba ka jingpyntrei ďa katei ka Medical College kan urlong tad hadien ba la dep ban pynkynriah noh ďa ka TB Hospital sha ka jaka ba thymmai kaba don ha New Shillong.

Na ka liang u Myntri Rangbah haba kren kum u Kongsan ha kane ka sngi la ong, “Ki ar tylli ki Medical College kiban don ha Shillong bad Tura, kidei shwa tang ka jingsdang hynrei kin dang don bun ki medical college kiban sa nang mih hadien.”

Da kaba kdew ďa ka NEIGRIHMS kum ka jaka ba ki paidbah na kylleng ki jylla ka thaiń shatei lam mihngi jong ka Ri ki wan phah sumar kynthup naduh Bangladesh, u Myntri Rangbah u la ong ba ka jingpynlut ha ki kam ba ďadei bad ka koit ka khiah kam dei satia ban bakla.

“Ngin ďai bteng ban pynmih shuh shuh ki hospital bad ban pyntikna ba ngin don khambun ki nongtrei kiba biang,” u la bynrap biang.

Ha kajuh ka por u ong ruh ba katei ka projek kam dei satia tang na ka bynta ki samla pule doktor hynrei ruh ban long kum ka jaka ai jingsumar kaba paka tam na ka bynta ki paidbah ka jylla.

U la ďathuh ruh ba ha ki snem 1993 ba u jop nyngkong kum u MLA u la kren halor ka jingdonkam ka Medical College hynrei bun ki ďa rkhie pynban da kaba ong ba kin sa duh noh ďa ka bhah pule doktor. “Dei na katei ka rukom pyrkhat ba ki samla pule jongngi ki duh noh ďa ki jingmyntoi bad ki hap ban leit pule doktor shabar ka jylla. Haba kiwei kim lah ban leh ha kine ki 45 snem ba la dep, ngi pat ngi la leh mynta.”

Da kaba banjur halor ka jingdonkam ban don ki specialist bad ka jingbiang ki nongtrei ban ai ka jingsumar kaba paka tam, u Dr. Mukul u la ďathuh ruh ba ki don haduh kumba 110 tylli ki kam doktor specialist kiba shong thylli katba ka jingduna ki doktor ha ka jylla pat ka la kot sha ka 100 ngut.

U la bynrap ruh ba ka kyntien bonded bad non-bonded doktor kan ym mih shuh ha ki snem ban wan namar ka Medical College ka la don ha ka jylla lajong.

Haba kren pat halor ka jingslem ban pyntrei noh ďa katei ka college, u Myntri Rangbah u la pynpaw ďa ka jingbynńiaw halor kiba bun ki jingeh kiba mih.

U Myntri Rangbah u la kyntu ruh ďa ki paidbah ba kim dei satia ban ailad ďa ki ‘ksuid’ ban khanglad ďa ki jingkyrkhu kiba wan ha ka jylla bad ďa kito kiba kwah ban pynphriang ďa ka jingisih bad ka jingpynďapher jait para nongshong shnong.

“Hato kidei kidei ki briew (agent) jongno ba ki pynphriang ďa u symbai ka jingisih para briew,” u la ong. U Myntri u la pynpaw ruh ďa ka jingbynńiaw halor ka jingmih ki kynhun kiba thmu ban pynďapait ďa pra wat hapdeng ki Jaidbynriew Khasi, Jaińtia bad Garo. “Kine ki briew ki trei borbah 24x7 ban pynrung ďa katei ka pyrkhat kaba sniew ban ďa pait ďa pra.”

U la pynpaw ruh ka jingkyrmen ba ka jingpyntrei ďa katei ka projek kan dep ha ka por kaba biang kaban ďahap bad ka por kaba la dep duh. “Nga kyrmen ba ka KPC kan pyntikna ba ďa kane ka projek yn pyndep ha kata ka rukom kaban ďahap bad ka por ba la ngi la duh ei. Nga kyrmen ruh ba ka KPC ka lah ban leh ďa kata, “ u la bynrap biang.

U la ong ruh ba kin pyntikna ba baroh ki nongpang ba sah ha TB Hospital kin ďoh ďa kaba bha tam, u Dr. Mukul u la ong ruh ba u la ai jingmut ďa ka tnad ka Koit ka Khiah ba kan wanrah noh da ka jingtyrwa ban don ki lad ba kham paka ban sumar ďa ki nongpang kiba ďoh ďa ki jingpang kiba kham jur.

“Kitei ki jingpang ki donkam khambun ka por ban koit. Kumta donkam ban don ki jaka ai jingsumar kiba don ďa ka jaka kaba da ki spah akar bad ruh ban don ki iing barit ba rit kyrpang na ka bynta jong ki nalor ki nongsumar kiba la pyntbit ha kitei ki jingpang.

U la ong ruh ba ka long kaba donkam bha haduh katta katta ba kitei ki jaka ai jingsumar kin long kiba pynjuh ďa ki nongpang khnang ba ki nongpang kin ym kwah leit iing katba ym pat dep ka jingsumar.

Haba kren bad ki lad pathai khubor pat, u Director Finance ka KPC, u Uttam Chakraborty u la ong ba ka dor jong katei ka projek kan long kumba 350 - 400 klur. U la ong ruh ba kin ym pat lah ban sdang ďa ka kam katba ym pat pynkynriah ďa ka TB Hospital na katei ka jaka. La buh thong ruh ba ďa katei ka college yn pyndep noh hapdeng 3-5 snem.

Shwa kane, na ka liang u Myntri ka tnad Urban Affairs, Bah Ronnie V Lyngdoh u la ong ba mynta la 40 snem ki paidbah ki la ud halor ka jingduna ki doktor ha ka jylla hynrei ym don mano mano ba leh ei ei. “Hynrei une u Myntri Rangbah u shim ďa ka jingkitkhlieh ban shim ďa ka sienjam da kaba wanrah shwa ar tylli ki medical college ha ka jylla.

U la ong ruh ba ka jingdon ki medical college kan weng noh ďa ka jingduna kiba bun kiba mih na ka jingbym don ki doktor ha ki jaka ai jingsumar.

Na ka liang ka Myntri ka tnad PWD (Buildings) Dr. Ampareen Lyngdoh ka la ďaroh ďa ka sienjam ba la shim da ka sorkar jylla ban tei ďa katei ka medical college ha ka PPP mode da kaba ai nuksa ruh ba bun ki hospital ba pawnam ha ka ri kidei kiba pynďaid da ka jingďatrei lang ka sorkar bad ki kynhun shimet ne PPP mode.

Ha katei ka sngi, shwa ba u Myntri Rangbah un poi ha TB Hospital, ki nongkitkam ka Shillong West Block Congress Committee hapoh ka jingďalam jong u Bah Mohendro Rapsang ryngkat ki paidbah ka thaiń ki la pynkup burom ďa u namar ka jingwan iuhkjat ha katei ka jaka.



Yn pynďeng kyrtong ka UDP pyrshah ďa u CM ha South Tura

Shillong, Naitung 14 : Wat la ka United Democratic Party (UDP) ka ďatrei lang bad ka National People’s Party (NPP) ha kane ka sorkar MDA hynrei na ka liang ka UDP ka la rai ban pynďeng kyrtong beit ba...MORE

Mynsaw ka longkmie ba shah dung tari

Shillong, Naitung 14: Kawei ka longkmie ba la tip kyrteng kum ka Shirley Lim kaba shong basah ha Lower Lachumiere, Shillong ka la mudui da ka ejahar pyrshah ďa uwei u briew uba la tip kyrteng kum u Jo...MORE

Jah rngai u rangbah na jaka ai jinghikai

Shillong, Naitung 14: U Principal jong ka Meghalaya State Fisheries Research & Training Institute, Mawpun, Umďam, Ribhoi District u la mudui da ka ejahar ban pyntip ba ha ka 10 tarik mynta u bnai uwei...MORE

La plie Website jong ka tnat Housing

Shillong, Naitung, 14: Ka Kong MN Nampui, kaba long ka Secretary jong ka tnat Housing ka Sorkar Jylla hynnin ka sngi thohdieng ka la plie paidbah ďa ka Website jong ka tnat Housing ba la pynkhreh bad ...MORE

Ha i jingpyrshang barit yn mih thup sur jingrwai ka Moneyracer

Shillong, Naitung, 14: Ka Moneyracer ka dei ka kynhun tem na Shillong. La lum ďa kane ka kynhun ha ka tlang jong u 2014 da ka mat ban thaw bad tem ďa la ki jong ki jingrwai.
Ki dkhot jong kane...MORE

Pynjlan thep aplikeshon ka IGNOU

Shillong, Naitung, 14: Ka IGNOU ka pyntip ba ka tarik ba khatduh ban thep ďa ki aplikeshon naka bynta ka online bad offline fresh admission jong ki Masters, Bachelors bad Diploma Programmes lait noh c...MORE

Mynsaw u rangbah ba hap kali

Shillong, Naitung 14: Hynnin ka step sngi thohdieng, kawei ka Maruti Swift car (ML-05Q-0964) ka la hap sha kawei ka liew muri ha Shangbangla, Ribhoi District. Ha kane ka jingjia, u nongniah jong kane...MORE

Shah shoh u rangbah ha ki runar

Shillong, Naitung 14: Uwei u rangbah ba la tip kyrteng kum u Muktadir Rahman uba ap pahara ha Mahendraganj Forest Check Post, South West Garo Hills District u la mudui da ka ejahar pyrshah ďa ki runar...MORE

Pynthymmai Nongkitkam ka Umsning Town Durbar

Shillong, Naitung 14: ka Umsning Town Durbar kaba dei ka synjuk jong ki hynriew tylli ki Durbar Shnong hapoh Umsning, ha ka 6 tarik Naitung, kala pynthymmai ia ki Nongkitkam jong ka na ka bynta u snem...MORE