««|Kwah ka NFR ban tuklar ka Sorkar MDA halor ka jingpyrshah lynti rel ha Jylla    ««|Iehkam u Yeddyurappa kum u CM ka Karnataka, yn thaw Sorkar ka Congress bad JD(S)    ««|Mar ďakhun dohiap u Dr Mukul bad u Conrad ban jop ha Ampati    ««|Pynsangeh kamai ki nong shong shnong Lumshyiap ďa ki kali Saw Maxi Cab    ««|Da ka ktien Garo ďalap election u Bah HM Shangpliang ha Ampati    ««|Ka ILP, ka ďohkam ďohjam, ka pule puthi bad ban ďada mariang ka thong jong ka HYC    ««|Da ki tiar tynrai u Khasi dawa pynphriang ka KSU ha ka Shillong Street Festival    ««|Pynkup burom ka skul Mary Mount Mawtawar ďa u MLA ka Mawlai


Buh jingkylli u Mukul ba leit Kolkata khah khah ki Myntri ryngkang dieng kper

Don aiu sha Kolkata?

7 December, 2017

Shillong, Nohprah 06: U Myntri Rangbah ka Jylla Dr Mukul Sangma hynne ka sngi ula ther tyngeh ďa ki Myntri barim ka Congress ba la ryngkang dieng kper sha kiwei pat ki Political Party haba buh dak jingkylli ruh ‘Don aiu sha Kolkata kaba pynlong ďa ki ban smat leit kai khah khah”.

“Ka kam Myntri Sorkar ka dei ka kam kaba don ka jingkitkhlieh bad kam dei satia ďa kito kiba leit Shillong-Kolkata bad Kolkata-Shillong. Phi wad bniah yngba ka RTI shaphang kine ki Myntri ba haduh katno sien kila leitkai sha Kolkata...Kaei ka kam ba ki don ban leh ha Kolkata? ong u Dr Mukul Sangma haba ďakren bad ki Nongthoh khubor hynne ka sngi.

U Myntri Rangbah ka Jylla ula ong “Phi peit ďa ka jingleitkai jong u Bah Prestone Tynsong bad phin sa lap ďa ka jingshisha. Katno sien ba ki hap ban leit sha Kolkata..Mano ba don bad mano ba ap ďa ki ha Kolkata?”. U Myntri Rangbah ka Jylla ula kynthoh ďa kane halor ka jingiehnohkam ba dang shen jong u Bah Comingone Ymbon kum u Myntri Sorkar.

U Dr Mukul ula ong ba ka kam Myntri Sorkar ka dei ka kam kaba khia bha kaba hap ban don bad ka jingkitkhlieh naba ka dei ka kam ban shakri na ka bynta ka lawei jong ka Jylla, ka lawei jong ki Nongshongshnong, ki Khun ki Kti bad ki Khun Ksiew Khun Miaw.

Haba pynpaw ba kam dei satia ka kam kaba suk hynrei kaba khia bha, u Dr Mukul ula ong “Namar kata lada u Myntri Rangbah ka Jylla um lah ban sngewthuh ďa ka jingkhraw jong ka kam, ka Jylla kan leit sha ka nurok ka ksew bad ngan nym shah satia ďa kino kino ki briew katba nga dang bat ďa ka shuki Myntri Rangbah ka Jylla ba kin ďalam ďa ka Jylla sha ka nurok ka ksew. Nga ieid ďala ki jong ki briew..nga ieid ďala ki khun bad ki khun ksiew..Nga ieid ďa kane ka pateng bad ďa kaban dang wan ruh kumjuh”.

Haba kylli la ula don jingtip lypa ďa ka sienjam bala shim da u Bah Comingone Ymbon, u Myntri Rangbah ula ong ba kum u Nongďalam ka Sorkar, u tip bha ďa kaei kaba jia bad kiei kiba leh ďa kiei ki jait kam. U ong ba ka shuki Myntri Sorkar ba khmih ďa ki tnad treikam bapher bapher ka dei kaba khia haduh katta katta bad kaba lah ban saindur ha kano kano ka rukom ďa ka lawei jong ka Jylla bad ďa u paid nongshongshnong.

“Namar kata, kaei kaba bha na ka bynta u paidbah bad kaei kaba lah ban ďohi kum kaba kham bha shuh shuh, ka long kaba kham kongsan ban ďa kaei kaba don jingďadei bad myntoi shimet” ula ong.

Haba kylli la u babe ďa ka jingkyntiew kyrdan ďa u Bah Comingone kum u Myntri Sorkar, u Dr Mukul ula ong “Balei ba ngan babe namar lada ngam thung ďa u kum u Myntri, ki briew kin ong ba u phet ba ngam thung ďa u kum u Myntri..Mynta ki paidbah kin tip ba ula ďoh ďa ka lad, ula ďoh ďa ka rynsan ban shakri, ula ďoh lut kat kaba u kwah hynrei u dang phet..Namar kata nga la pyndep ďa ka kamram lajong”.

U Bah Comingone Ymdon uba bat ďa ka shuki Myntri ka Tnad Bording, C&RD bad GAD ula kynnoh ba ka jingiehnoh kam Myntri jong u ka dei tang namar ka jingbym sngewtynnad ďa ka rukom treikam jong u Myntri Rangbah ka Jylla. Ula kynnoh ruh ďa uMyntri Rangbah ba ula khot pynlong sopsop ďa ka jingďalang jong ka Tnad Bording khlem da pyntip sha u kum u Myntri.

Haba kyntait ďa kane ka jinglong arsap, u Dr Mukul ula ong ba ďa kane ka jingďalang la pynlong kat kum ka lynti ba dei bad haba ki Myntri kim don satia hapoh Nongbah, kino kino ki kam kiba kyrkieh la hap ban tuklar beit da u Myntri Rangbah ka Jylla.

“Lada phi dei u Myntri hynrei phim don ha Nongbah, bad haba ka kam ka dawa kyrkieh ban rai, ka long ka rukom treikam ba hap ban thoh ďa ki file noting (jingthoh ha ki file) ba u Myntri u dang leit jingleit bad kumta la phah ďa ka file sha u Myntri Rangbah kat kum ka lynti ba dei. Ngim lah ban shu ap ďa ki briew kim bym wan Ophis” ula ong.

Kat kum ka jingong jong u, ka Ophis jong ki Myntri Sorkar ka dei ka Ophis ba kongsan...ka dei ka Ophis jong ki Nongthaw Polici bad ki Nongshim rai.

“Kaei ka jinglong jingman ba mynta na ka jingsam bording, batai ďa nga lada kam long kaba la palat liam?. Hato kam dei ka Sorkar kaba siew shibun ka pisa sha ka MeECL haba ka donkam pisa bad don ha ka khim khait...Lada u Myntri um don satia ha Ophis hato kam dei ďa nga ban khot ďa ka jingďalang?” ula buh jingkylli.



Ďatyngkhuh ka kali Sumo bad ka Trok ha Umdishit Mawsawa, ďap 2 ngut

Shillong, Jymmang, 19: Ar ngut ki mynsiem briew ki la duh ei ďa la ka jong ka jingim mynta ka step sngi saitjaiń ha kawei ka jingjia ďatyngkhuh kali ha ka shnong Umdishit Mawsawa kaba don hajan Mairan...MORE

Haka sien kaba nyngkong ďakynduhlang ki Red Cross Jaińtia

Jowai, Jymmang 19: Ka Indian Red Cross Society Jaińtia Hills District Branch kila pynlong ďaka jingďakynduhlang haka sien kaba nyngkong eh ha Lion Mission Compund Hall haka sngi Saitjaiń.
Kane...MORE

Sha u DG ujor ejahar u hymmen pyrshah ďa u SI

Shillong, Jymmang 19 : U bah Fanklin Shyrkon na Nongstoin, Tiehsaw u la ai ka jingujor ejahar sha u DGP pyrshah ďa u Sub Inspector u Goera T Sangma da kaba kynnoh ba u pynshitom ďa u para jongu.
...MORE

Dang bteng ka jingjur slap ha ki jylla NE

Shillong, Jymmang 19 : Ka jingjur slap ha ki jylla kane ka thaiń shatei lam mihngi ka ri India kan dang ďai bteng .Kumba long hi mynta u snem ka jingjur slap ka la sdang naduh ba sdang ka aiom Pyrem b...MORE

Lashai yn pyndem 2 ngut ki dkhot ka HNLC

Shillong, Jymmang 19 : Ar ngut ki dkhot ba la rim jongka seng HNLC kin wan ban pyndep lashai ka Sngi U Blei (20.5.08) ha khmat ki heh pulit ha Police Head Quarter. Kine arngut kin wan pyndem ha ka po...MORE

Kem ki Pulit ia u snar Nongkhaii droks

Shillong, Jymmang 19: Ki Pulit ka Tura hynne ka sngi kila ioh ban kem ia u snar Nongkhaii Droks bad kurup bun bah u droks ha ka jingkhynra ia ka Iingsah jong u ha Upper Babupara jong ka sor Tura.Une u...MORE