««|Yn kyrshan ka KHADC ďa ka Sorkar ban ďa khun mukotduma pyrshah ďa ki Khar Metor    ««|Palat spah ki dukan dang khang khyrdep, khńium ki nongshong dukan bym ďaid ďew    ««|Plie u Myntri ka Koit ka Khiah ďa ka Health Sub-Center ha ka shnong Laitkor Rngi    ««|Pyrshah ka KSU ďa ka Nagaland House ďakren para CM    ««|Yn ďohnong ki nongrep kait ha ri lum Garo ba ďoh pynďaid ďew ďa ki mar    ««|Ther u Bah Shylla ďa u Bah James: dei ba kwah shuki CEM ba mudui mukotduma    ««|Ngan thung beit ďa ki EM ka KHDA ha KHADC: Shylla    ««|Plie u Bah PT Sawkmie ďa ka skul hikai shad jong ka Step 2 Step Dance School


Ka Jaidbynriew bad ka Nongbah Shillong ki don hapdeng ka Nemsniew:

Pastor T. J Moksha

14 October, 2017

Shillong, Risaw, 13: “Ka Jaidbynriew ka don hapdeng jong ka Nemsniew, kan ioh iaka jing pyllait tang lada kan phai sha u Blei ” ong u Pastor T.J Moksha haka jingkren jong u haka sngi sdang jong ka Jingiaseng KA KHUBOR U BLEI SHA KI JAIDBYNRIEW kaba la long ha Polo Ground Shillong, mynta ka janmiet 13tarik, kane ka Jingiaseng ka dei kaba la pynkhreh kyrpang daka Christ Tabernacle Church kaba la sdang naduh mynta ka janmiet 13 tarik bad pynkut haka Sngi U Blei 15 tarik naka bynta ia baroh ban iohsngew iaka Ktien u Blei.

Haka jing sam iaka Ktien u Blei u Pastor T.J Moksha, u la sot naka Ktien u Blei naka Kitab Syiem kaba ar 6:24-26 ter ter, kaba iathuh shaphang ka ka jingdon jong ka Nemsniew ha Samaria, ha kaba ka Nemsniew ka la long kaba jur haduh katta katta kaba la kerkut iaka Samaria kat haduh bala die Phraphew Shekel Rupa iaka khlieh Kada bad Shipawa Kab ka eit paro kaba shongdor San Shekel Rupa, ka jingkyrduh ha kane Nemsniew kala pynlong iaki kynthei wat ban pynlong jingbam da la ki khun. Haba don ka nemsniew ka don ka jingiap bad haba don ka jingiap ka don ka jingiambriew, Kane ka la pyni nuksa iaka jingshyrkhei jong ka nemsniew lada kan jia ruh ha kano kano ka ri, ong u Pastor Moksha.

U la pharia iaka jingkren jong u da kaba kdew ba ka jaidbynriew jongngi ruh kumba ka jinglong jingman jongka ha kine ki sngi ka pyni shai kdar ba ka la don hapdeng jong ka nemsniew, ka donkam kloi lan iaka kti jong u Blei ban pynkhiah bad pyllait iaka, la kdew shuh shuh na ka ktien u Blei iaka jingiam jong u Habakkuk na ka bynta ka nemsniew ha Judah, Habakkuk 1 namar ki pop ba bun jait jongka, bad haba peit iaka jing long jingman jong ki jait pop ha nongbah Shillong ha kine ki sngi, ka long thik kum ka jingbymman ki ba don ha Judah, ka Kitab u Joel 1:4 ka pyni iaka wei pat ka nemsniew shaphang ki jait puit kaba U Trai U la dep ban kren lyngba u Prophet Joel kaba ong “ kata kaba la pynsah u Niangbamjhur, u la bam u Puit Kluin bad kaba la pynsah u Puit Kluin, u la bam u Niang dkoh bad kata kaba la pynsah u Niang Dkoh u la bam u Puit Khlam”, ki puit ki kren iaka Nemsniew. Kine ki juh ki jait puit ki don ruh haka nongbah Shillong bad haka jaidbynriew jongngi ong U Pastor Moksha.

Ka jingbamsap ka dei u wei naki jait puit u ba bam iaka ri bad ka jaitbynriew, kane ka jingbamsap ka la jur than eh ha kine ki sngi bad ka la kylla long ka jinglehrain ia ka jylla Meghalaya ka ba dei ka khristan state hynrei kaba la syrtap pat daka bamsap naduh u barit haduh ki nongsynshar, ka la long thik kum u niangbamjhur, ka jingbamsap ka pynbieij ia u bastad, ka pynsting ia ka jingbishar, ka rai rem ia u bahok bad ka rai pynksan ia u bymman, ka jingbamsap ka pynmatlah, ong u Pastor Moksha, Kata kaba la pynsah u Niangbamjhur, u la bam u Puit Kluin kaba kren ia ka Reservation policy lane ka bhah kyrpang jong ki samla pule bad ki samla wad kam, ka Reservation policy jong ka State Meghalaya ka la long thik kum u Puit Kluin, ha kaba u ne u kynja Puit Kluin u la bam khoit iaka hok jong ki samla pule ha ka jingiadei bad ka jingpule bad kumjuh haka iohkam iohjam, ngi la kylla long ki nongwei ha la ka jong ka ri, ong u Pastor Moksha. Shuh shuh kata kakaba la pynsah u Puit Kluin, u la bam u Niang dkoh, ki samla pule nalor ba la syngit skhak iaki da ka reservation policy, la knieh kynthet pat sa ki nongwei iaka hok haka khaii ka pateng, namar ka jingbymlah ban khang lad iaka jingwan tuid jong ki wei pat ki jaidbynriew shapoh ka jylla, ha ka Kitab u Nongiathuhlypa Jeremaiah 1:13-15 kaba ong “ Ka Ktien u Trai ka la wan ha nga sa shisien pat, kaba ong, Me iohi aiu? Nga te nga la ong, nga iohi u khiew uba dang thnam; bad ka khmat jong u ka long na shatei, ynda kumta u Trai u la ong ha nga, ka jingsniew na shatei kan wan shlei halor baroh kiba shong haka ri, naba ha khmih, ngan khot iaki jaid baroh ki hima kiba na shatei, ong u Trai; bad kin iawan, bad kin iabuh mar la ka jong ka khet ha mar ba rung sha ki khyrdop ka Jerusalem, bad pyrshah ia ki kynroh jong ka baroh sawdong bad pyrshah ia ki shnong ka Judah baroh”. U Pastor Moksha u la ong ba u Blei u la dep kren lypa ia ka jingma bad ka jingmynsaw jong ka nemsniew iaka Judah baroh kawei, ka Nongbah Shillong kumba ka long ka nongbah pdeng jong ka State Meghalaya ka la long ruh kum ka khyrdop iaka jaidbynriew, hynrei ha kata kaba rung sha kata ka khyrdop, ki don ki jaidbynriew kiba khraw paid, kiba donbor kiba pynieng iala ki khyrdop khaii ki jongki ban bat iaka khaii ka pateng hapdeng ka jaidbynriew, bad ka jaidbynriew ka don hapdeng ka jingma, U Blei u kwah iangi ba ngin sumar ia la ka nongbah bad u kwah iangi ba ngin man kyrhai, bad u ne u dei u wei pat u kynja khniang u ba bam ia ka jaidbynriew, u Niangdkoh, ong u Pastor Moksha.

Ka bynta kaba khatduh u Pastor Moksha u kren shaphang u Puit Khlam u ba bam ia kaba la iehnoh da u Niangdkoh, u la pharia da ka ong, ki nongsynshar kiba bymman ki long kum ki Puit Khlam ki ba bam duh iaka jaidbynriew ka jongngi, ka kitab Proverb 29:2 ka iathuh “ba lada u bahok u don haka bor, u paidlang u shad kmen ; hynrei lada u riew bymman u shynshar, ki paidbah ki ud”, ka jaidbynriew ka jongngi ka ud namar ba ka pang, kane ka pyni ba ka jingsynshar ka long kaba sniew bad ba ki don ki nongsynshar ki ba bymman. Shuh shuh u la ong, Mynta ba ka la wan ka election, sdang paw pyrthei biang kine ki nongsynshar ki ba bymman kiba don ia ka ba kum kane ka dur kaba phi lah ban bishar, ki ba don ia ka ba kum kane ka jinglong kaba paw, ki riew pynkhein ain, kaba kynthup ia ki kaikhlaw, kaba kynthup iaki officer kiba bamsap kiba kwah ban rung sha ka kam synshar, ki nongkhaii ki ban khaii iaka kam kaba kyntang jong ka jingsynshar, ki bym stad, ym don kyrdan, ym kot bor ban thaw ain, ki ba khmieh lynti tang da ka vote isynei, ngi donkam iaki statesman kiba iohi jngai na ka bynta ka jingbha jong ka jaidbynriew, ngi donkam iaki legislator, ki nongthaw ain kiba stad, ngim donkam satia iaki politician tang ban jop election, ong ka kitab jong u Isaiah 1:23 ka kren iaki jait nongsynshar kumne; “Ki nongsynshar jongpha ki leh kiat, bad ki long ki lok ki nongtuh, uwei uwei baroh u ieit iaka bamsap, bad u beh iaka myntoi ”. kita ki dei ki nongsynshar jong ka ri ka jongngi kaba pyni ba ki kwah iaka ba iohnong, ia kata ka myntoi ka jongki, ka jaidbynriew ka jongngi ka don ha them ka syrngiew ka jingiap, ka don ha ki byntha jong ki shyieng kiba tyrkhong, Esekiel 37: 1 hato lah mo ba kin tei pat ? ka long ka jingkylli, ha ka 7tarik u bnai January 2008 ong u Pastor Moksha ba u Trai u la pynpaw ha u kumne, “iathuh ia ka jaidbynriew ba nga long u Trai bad u Nongthaw jongka”. Ka jingkylla kam wan na u briew hynrei ka wan na u Blei u ba long u nongthaw, u bym ju kylla bad u ta u dei u Jisu Khrist.

Ha u Blei don ka jingkyrmen kaba im, dei na kane ka daw ka kitab Salm 127:1 ka ong “ Lano u Trai un sumar iaka nongbah; u nongap u peit lehnohei”, pleng, ka jing kyrmen ka don bad u Blei, ong u Pastor Moksha, u syiem ki Isreal u jubab ia kata ka kynthei kaba iam, nangno ngan iarap iapha, lada u Trai um iarap iapha? Pynban hapdeng jong ka nemsniew ha Samaria, u Elisha u jubab daka jubab ka jong u Blei bad hapdeng jong ka nemsniew la pyniohpat ia ki iaka jingbha bad ki la lait shilliang da kaba u Blei u la beh krat noh ia ki nong Syria ki ba long ki nongshun jong ka Isreal da kata ka iktiar Blei ka jong u, ka Baible ka ong haka kitab Salm 33:12 “ Suk kata ka jaidbynriew kaba u Trai u long u Blei jong ka” Ka Baible ka kren shai ba dei tang ka kti ka jong u Blei kaba lah ban shna, ban thawdur, ban thaw thymmai pat iaka nongbah Shillong bad iaka jaidbynriew ka jongngi, namar ba u dei u nongthaw u jong ka. “Hato don ka bym lah bad nga” ong u Blei “nga long u Trai u Blei jong ka doh baroh”, Jerimaiah 32:27 bad u Blei u lah ban thaw thymmai pat iaka jaidbynriew ka jongngi lada ka kwah ban im pat sashisien, ka jaidbynriew kan ioh iaka jingpyllait bad ka jingpynim lada ka phai sha u Blei, “ Suk kata ka jaidbynriew kaba u Trai u long u Blei jong ka”, khot u Pastor Moksha iaka jaidbynriew sha ka jingkylla kaba mut bad phai sha u Blei naka bynta ban ioh lait na ka nemsniew.

Shuh shuh la pynrhem iakane ka jingiaseng daki jingrwai iaroh ia u Blei, ha ka juh ka por ka Balang Christ Tabernacle Church ka pynbna paidbah ba ia kane ka jingiaseng la pynkhreh kyrpang naka bynta ia baroh ki khristan ne ki bym pat long khristan, ka khot ka wer ia ki paidbah naki kynhun balang bapher bapher ban wan khnang sha kane ka jingiaseng naka bynta ban ioh mad iaki jingkyrkhu lyngba ka Ktien U Blei.



Yn pynďeng kyrtong ka UDP pyrshah ďa u CM ha South Tura

Shillong, Naitung 14 : Wat la ka United Democratic Party (UDP) ka ďatrei lang bad ka National People’s Party (NPP) ha kane ka sorkar MDA hynrei na ka liang ka UDP ka la rai ban pynďeng kyrtong beit ba...MORE

Mynsaw ka longkmie ba shah dung tari

Shillong, Naitung 14: Kawei ka longkmie ba la tip kyrteng kum ka Shirley Lim kaba shong basah ha Lower Lachumiere, Shillong ka la mudui da ka ejahar pyrshah ďa uwei u briew uba la tip kyrteng kum u Jo...MORE

Jah rngai u rangbah na jaka ai jinghikai

Shillong, Naitung 14: U Principal jong ka Meghalaya State Fisheries Research & Training Institute, Mawpun, Umďam, Ribhoi District u la mudui da ka ejahar ban pyntip ba ha ka 10 tarik mynta u bnai uwei...MORE

La plie Website jong ka tnat Housing

Shillong, Naitung, 14: Ka Kong MN Nampui, kaba long ka Secretary jong ka tnat Housing ka Sorkar Jylla hynnin ka sngi thohdieng ka la plie paidbah ďa ka Website jong ka tnat Housing ba la pynkhreh bad ...MORE

Ha i jingpyrshang barit yn mih thup sur jingrwai ka Moneyracer

Shillong, Naitung, 14: Ka Moneyracer ka dei ka kynhun tem na Shillong. La lum ďa kane ka kynhun ha ka tlang jong u 2014 da ka mat ban thaw bad tem ďa la ki jong ki jingrwai.
Ki dkhot jong kane...MORE

Pynjlan thep aplikeshon ka IGNOU

Shillong, Naitung, 14: Ka IGNOU ka pyntip ba ka tarik ba khatduh ban thep ďa ki aplikeshon naka bynta ka online bad offline fresh admission jong ki Masters, Bachelors bad Diploma Programmes lait noh c...MORE

Mynsaw u rangbah ba hap kali

Shillong, Naitung 14: Hynnin ka step sngi thohdieng, kawei ka Maruti Swift car (ML-05Q-0964) ka la hap sha kawei ka liew muri ha Shangbangla, Ribhoi District. Ha kane ka jingjia, u nongniah jong kane...MORE

Shah shoh u rangbah ha ki runar

Shillong, Naitung 14: Uwei u rangbah ba la tip kyrteng kum u Muktadir Rahman uba ap pahara ha Mahendraganj Forest Check Post, South West Garo Hills District u la mudui da ka ejahar pyrshah ďa ki runar...MORE

Pynthymmai Nongkitkam ka Umsning Town Durbar

Shillong, Naitung 14: ka Umsning Town Durbar kaba dei ka synjuk jong ki hynriew tylli ki Durbar Shnong hapoh Umsning, ha ka 6 tarik Naitung, kala pynthymmai ia ki Nongkitkam jong ka na ka bynta u snem...MORE