««|Khlad ka longkmie mynsaw 6 ngut ba shah tynrah kali ha Mookyndur    ««|Kynnoh ka BJP ba dei ka Congress ba rhah ban pynkhyllem ďa ka PDF ha KHADC    ««|Kem ki pulit ia u Finance Secy bad ar ngut ki dkhot ka KSU North Khasi Hills    ««|Ďa kren u CM ban pynkhlaiń kam khaďi bad ka Bangladesh    ««|Pynhap pyrda ka Shillong Commerce College ďa ka jingrakhe Jubili 50 snem    ««|Rai kyrshan ka Nongsohphoh ďa u Bah Paul Lyngdoh ha ka elekshon MLA-2018    ««|Dawa ka BJP ban tohkit halor ka jingsaphriang khubor pynthohbria ďa ka Party


Diaw ki Sengbhalang bym aibor ka Sorkar ban thaw ďa ka District Task Force

21 April, 2017

Shillong, Ďaiong, 20: Ka kynhun ki sengbhalang ba kynthup ďa ka KSU, FKJGP bad HNYF ka la pynpaw ďa ka jingsngewsih halor ka jingbym pat bthah na ka Sorkar Jylla ďa ki Deputy Commissioner ban thaw ďa ka District Task Force ka ban tehlakam ďa ka jingwanrung kyrthep ki bad jylla bad ki mynder sha ka Jylla.

Lah ban kdew hangne, ka Ingdorbar Thawaiń jong ka Jylla ha u Nailur 2016 ka la mynjur ban pynlong aiń ďa ka Meghalaya Residents Safety and Security Bill, 2016, ban pynthikna ďa ka jingshong shngaiń ki nongshnong shnong na ka jingwanrung kyrthep ki mynder ba wan riehtngen sha ka Jylla.

U Samla Daniel Khyriem, uba long u Nongďalam barim ka KSU haba kren sha ki lad pathai khubor u la ong, “ba ki sengbhalang ki dawa ba ka Sorkar ka dei ban pynmih noh ďa ka jingpynbna (notification) ba ki Deputy Commissioner ha ki District ki dei ban thaw noh ďa ka District Task Force katkum ka Section 5(1) jong ka Meghalaya Residents Safety and Security Act, 2016 khnang ban tehlakam ďa ki bar ri bad bar jylla ban wan shong be-aiń ha ki shnong Khasi”.

U ong ruh ba ki Sengbhalang ki sngewkyndit ban tip na u Bah P. S Dkhar, Deputy Commissioner ka East Khasi Hills District ha ka jingďakynduh ďa u mynta ka sngi ba ka Sorkar kam pat ai satia kano kano ka hukum ne ka jingbthah ban thaw ďa ka District Task Force ha East Khasi Hills District ne wat sha kiwei kiwei ki District ha ka jylla watla ka Sorkar ka ladep pynlong aiń ďa ka Meghalaya Residents Safety and Security Act, 2016 ha u Nailur, 2016.

“U DC u la ďathuh ďa ngi ba ka Sorkar kam pat ai satia kano kano ka jingbthah ban ďaid shaphrang ban thaw noh ďa ka District Task Force ka ban peitngor ďa ka jingwan rung kyrthep ki bar jylla bad ki mynder ha ka Jylla,” ong u Samla Daniel bad bynrap ruh ba u DCu la pyntip ba um lah ban ďaid shakhmat namar ka jingbym pat ďohbor na ka Sorkar.

U la ďathuh ba ki Sengbhalang kin sa ďakynduh ruh ďa kiwei kiwei pat ki Deputy Commissioner jong kiwei pat ki District ban ďoh ďakren sani bad hadien kane yn sa ďakynduh ruh ďa ka Sorkar Jylla ban pynsngew halor ka jingdonkam kyrkieh ban pyntreikam ďa ka District Task Force ha ka Jylla.

“Ngin sa leit ďakynduh ruh ďa u DC ha Jowai bad Ri-Bhoi lashai ka sngi ban tip ďa ki jingsngew jong ki halor kane ka kam shwa ba ngin shim ďa kiwei pat ki rai,” ong u Samla Daniel. U ong shuh shuh, na ka por sha ka por, ki sengbhalang ki ju kyntu ďa ki Deputy Commissioner ba kin thaw noh ďa ka District Task Force hynrei kaba sngewsih ka long ba ki DC kim lah ban leh eiei namarba ka Sorkar kam pat aibor bad ai jingbit ba kin ďaid shakhmat. “Dei tad ynda ngi la ďakynduh ďa u DC mynta ka sngi ngi sngewdiaw ban ďoh jingtip ba ka Sorkar Jylla kam pat leh eiei watla ha ka jingshisha ka ladep thaw ďa ka aiń,” u la bynrap. Haba bynrap halor kane, u Bah Sadon Blah, General Secretary ka HNYF u la ong, “ngi sngewlyngngoh ba ka Sorkar kam pat lah ban thaw ďa ki Rule wat hadien ba ladep pynlong aiń ďa ka Meghalaya Residents Safety and Security Act, 2016 ha u Nailur, 2016.”

U ďathuh ruh ba ka Sorkar Jylla ka ladep ai jingkular ha ka jingďalang kaba ladep long dang shen ba kan pynstet ďa kane ka kam hynrei kumba ka paw, haduh mynta ka Sorkar hi kam pat leh eiei.



Wat hapdeng ka jingpynthut ka mariang yn bteng beit ka jingkhynra ďa ki GNLA

Shillong, Jylliew 24 : Wat hapdeng ka jingpynthut jong ka mariang hynrei ka jingkhynra ďa ki dkhot ka seng Garo National Liberation Army (GNLA) kan ďai bteng beit nangne shakhmat.Halor kane ki bor ba ...MORE

Pynkup burom ka Red FM ďa i samla Sylviana

Shillong, Jylliew, 24: Ka Red FM 93.5 Shillong ka la pynkup burom ďa i Samla Sylviana L. Mawlong i ba dei na Shnong Mairang,West Khasi Hills,iba la wanrah ďa ka nam ka burom ďa ka jylla Meghalaya lyn...MORE

Pynkup burom ka St. Dominic Savio’s HSS ďa ki samla pule

Shillong, Jylliew, 24: Ka St. Dominic Savio's Higher Secondary School, Mawkhar, Shillong ka la pynkup burom ďa ki khynnah skul kiba wan shakhmat ha ka result SSLC bad HSSLC jong ka MBOSE mynta u snem ...MORE

Ďoh kem nongkhaďi drok ki BSF

Shillong, Jylliew 24: Ki shipai BSF kiba don ha Borsora jong ka South West Khasi Hills District haba ki la ďohi ďa kawei ka thuk thuk kaba ďaid sha rum shaneng bad ki la i suba bad haba ki la bat ďa ...MORE

Pynsaphriang ki pulit ďa ka dur ba shu dro jong u nonglute ksiar ha Smit

Shillong, Jylliew 24 : Ki pulit ka jylla ki la pynsaphriang sha kylleng ki jaka ďa ka dur ba la shu dro jong uwei u bar jylla uba la ot shympriah kti, pajut ďa ki sohshkor bad loket jong iwei i long k...MORE

Ha ka kyrdan Grade-B ďoh pdiang ka Nongtalang College na ka NAAC

Shillong, Jylliew, 24: Ka Nongtalang College, kaba long kawei na ki kolej kaba ai jingshakri ďa ki samla pule ha ka thaiń War Jaińtia ka la ďoh ďa ka jingithuh da kaba ďohpdiang ďa ka kyrdan ' Grade- ...MORE