««|Rai ka HYC ban pyntreikam ďa ka Inner Line Permit (ILP) da ka jingkyrshan lang ki Dorbar Shnong    ««|Jur ka dheng kali da ka thuk thuk shong u Kohli na Umďam ban poi Shillong    ««|Pyllait im ki Pulit ďa u Manager bad Cook ba shah rahbor ha ki riew kiengatiar    ««|Pynkup burom ka UDP ďa ki samla pule bad tymmen 70 snem ha Nongmali    ««|Ka jingďaleh pyrshah ďa ka jingpang pneumonia    ««|Kynmaw burom ka SSSS ďa ka lyngkhuh sngi ďap u Syiem Tirot Sing    ««|Sei ka KHNAM da u Bah Sakhari Shadap ban aireng na Mawhati Constituency    ««|Kynnoh ka BJP ba buaid bor u Dr Mukul Sangma, klet ban phaikhmat sha ka roi ka par


Ba ďaid pyrshah ki MDC ďa ka CEC, dawa ki Nongďalam ka UDP ban pan jingshai

21 April, 2017

Shillong, Ďaiong 20: Ki Nongďalam jong ka United Democratic Party (UDP) kila dawa ďa ka Party ba kan pan jingshai (show cause) na ki 4 ngut ki MDC namar ka jing ďaid pyrshah ďa ka rai jong ka Central Executive Committee (CEC) ba phah weng noh ďa ka jing ďa treilang bad ka kynhun Peoples Democratic Forum (PDF) ha Khasi Hills Autonomous District Council (KHADC).

“Nga la phah ďa ka jingtyrwa sha u President ka Party ban khot ďa ka jing ďalang bad lada donkam ban khot kyrkieh ďa ka CEC na ka bynta ban ďakren ďa kane ka kam” ong u Bah Bindo M Lanong, Senior Working President ka UDP.

U Bah Bindo ula ong ba kat kum ki kyndon pynshitom jong ka Riti Treikam ka Party, dei ban phah show cause ďa ki MDC bad lada kim lah ban pynshai, dei ban beh seng noh ďa ki.

“Ngin nym ailad ďa ki ba kin pynjot ďa ka party kumne” ong u Bah Bindo haba bynrap ba ki MDC ki dei ban kren shai ha ka jing ďalang jong ka CEC, kaba ki don bynta lang haba shim ďa ka rai ban weng noh na ka PDF.

Lah ban kdew hangne ba ka UDP ha ka jingďalang CEC ba long ha ka 17 tarik Ďaiong, kala bthah ďa baroh ki 6 ngut ki MDC ba kin mih noh na ka jingiatreilang bad ka PDF ha KHADC, kaba la ďalam da u Bah PN Syiem namar ka jingkynnoh donkti bamsap.

Hynrei jakhom khait ďa ka UDP haba saw ngut ki MDC ba kynthup ďa u Bah Teinwell Dkhar, Donkupar Sumer, Albinus Lyngdoh bad Bah Equator Nongrang kila rai ban ai beit ďa ka jingkyrshan ďa ka PDF haduh ba kut ka samoi treikam.

Kaba ithamula ka long ba kine ki MDC ha ka shithi ba phah sha u Chief Executive Member (CEM) Bah PN Syiem hynnin ka sngi kila pynpaw ba ka daw halor kane ka rai jong ki ka dei na ka jingpyni nuksa ha ki snem bala leit noh da u Bah Bindo M Lanong myn ba u dang long u MDC ha KHADC, uba la iatreilang ha ka EC jong u Bah HS Shylla katba uwei pat u MDC ka Party Bah Harding Massar ula hap shong marwei shabar.

“Hadien ka jingbishar bad phai diew ďa ki jingjia bala jia ha ki snem bala leit haba u Bah Bindo M Lanong, u MDC barim ka Party ula leit kyrshan ďa ka EC u Bah HS Shylla halor ka nongrim ba ula kren shai ba ka Party kam lah ban tuklar ďa ka rai ba shimet jong ki MDC, namar ka District Council ka dei ka bor treikam ba laitluid. U paralok MDC jong u Bah H Massar ula don shabar jong ka EC ha kane ka por” ong ka shithi.

Haba kyntait ďa kane ka jingkynnoh, u Bah Bindo ula ong “Kam pat ju don kum kane ka jingjia bala kynnoh da ki MDC. Ngam pat ju don ha ka Executive Committee ba ďalam da u Bah HS Shylla (Uba dei mynshuwa na ka Congress). Hynrei hooid ngi la leh shibun kiei kiei ban phiah ďa ka Congress”.

“Ki MDC kin hap ban pynshai mynno kane ka jia. Ngam pyrshah satia ďala ujong ki paralok Bah Harding Massar uba ha kato ka por u don daw shimet bad u Bah Shylla” ula ong haba bynrap ‘Ki MDC kim lah satia ban pynďadei ďa kane ka kam ha kane ka rukom namar ha katei ka por ha KHADC, ym shym la don satia ka rai na Party lane ka jingbthah ďa u”.

U Bah Bindo u ong “Lada ki MDC ki biej kam pynroi, pisa bad ka bor, kim dei ban ďalam bakla ďa u paidbah da kaba ai nuksa ďa ka bym jia satia ha ki snem bala leit. Lada phi ďakwah ďa kine kiei kiei, ngim khang ďa phi hynrei ym dei ban thok ďa u paidbah”.

Ha kajuh ka por, u Vice President ka UDP Bah Allantry Dkhar ula ong ba ka jingbym ďasngewthuh jingmut bala mih ka dei na ka jingbym ďakren shai. “Kane kala pynlong ďa ki MDC ban sngewthuh bakla ďa kiei kiei” ula ong haba kdew ba ka jingbakla hi ka dei na ka jingleh jong u General Secretary ka Party Dr Jemino Mawthoh namar ka jingphah ďa ka shithi ban weng ďa ka jingkyrshan beit beit sha u CEM”.

Kat kum ka jingong jong u, kane kala pynkha ďa ka jingďapyrshah hapdeng ki MDC ka Party naba ki sngew ba ka jingleh jong ka Party ka long kum ka jingbym suidniew ďa ki. Ha ka jingshisha, u PP Leader ha KHADC Bah Teinwell Dkhar ula khot ďa ka jing ďalang ban phah ďa ka shithi kaba pyntip ďa ka jingweng noh ďa ka jingkyrshan.

Haba kylli, u Vice President ula ong ba ka Party kan sa shong jingďalang shen ban pynbeit ďa kane ka kam. Hynrei ula ong ruh ba ka Party ka dei ban pan jingpynshai na ki MDC bad lada ki jubab jong ki kim long satia kiba huh, ka sienjam kaba bud hi ka dei tang ka jingbeh seng ďa ki.



Ďoh bat ka BGB ďa u Samla Ricky Marweiń ha Bangladesh, la aiti sha ki BSF

Shillong, Naitung 22: Ki shipai Border Guards Bangladesh (BGB) bad ki Pulit, hynne ka sngi kila ďohbat ďa u samla Ricky Marweiń ha Bangladesh bad tang hadien katto katne por, la aiti noh ďa u mar mar ...MORE

Katba dang shah kem katta dang jur khaďi tuh ďa ki masi sha Bangladesh

Shillong, Naitung 22 : Katba dang shah kem katta nang jur shuh shuh ka khaďi tuh ďa ki masi sha Bangladesh bad kane ka pynpaw ba ki nongkhaďi tuh kim salia shuh ďa ki shipai ďada khappud. “ Ki nongk...MORE

Shah pyntrei jubor ka samla na Meghalaya ha Telangana

Shillong, Naitung 22 : Ha ka jingkyrduh kam kyrduh jam ki samla kim banse ban thom ďa ka ma tang ban ďoh kam hynrei hadien ki sa tip ba ki ďoh da ki kam ki bym ďahap ďa ki ba kin trei.
Kawei k...MORE

Ujor ki Sengbhalang ba ďoh kam da ki nong Assam ha NGH

Shillong, Naitung 22 : Ha ka 21 tarik mynta u bnai ki seng bhalang ha ri lum Garo ba kynthup ďa ka GSU, FKJGP,FAF,AAYF ki la ďa kynduh ďa u Deputy Commissioner jongka North Garo Hills ban ai ha u ďa k...MORE

Ai khublei Behdeińkhlam ka SWSRJ bad JSU

Shillong, Naitung, 22: Ka Synjuk Waheh Shnong Ri Jaińtia (SWSRJ) lyngba u kyrwoh na u Ma R.Harvis Phawa, Publicity Secretary ka Synjuk ka la phah ďa ka jingai khublei Behdeińkhlam basuk bakmen ďa baro...MORE

Mudui ki Sengbhalang ka Phulbari sha ki Pulit ba shah kynnoh lum pisa

Shillong, Naitung, 22: Ki sengbhalang ka thaiń Phulbari kiba kynthup ďa ka GSU, FKJGP, ASWA, AYWO AAYF, FAF bad kiwei kiwei ki la mudui da ka ejahar sha ki pulit ka Phulbari PS pyrshah ďa u Sengkambal...MORE