««|Kynnoh u Bah Shylla ban aleh bye-election u Bah Pynshngai na ka Congress ha Ranikor    ««|Phi ibei bad khot a nga u khynnah, hynrei ngam isih aphi, kdup u Rahul a u Modi    ««|Sangeh ka khot hajir, pylleit jingmut a ka HLC, kyntu ka SNSBH a u HM    ««|Ai por ka MHA shibnai a ka Sorkar Jylla ban jubab halor ka Soskular asuk ka ANVC    ««|aid paidbah ki khynnah skul ka Nongstoi ban pyrshah Drok    ««|Tyrwa ki nongialam UDP, BJP bad PDF ban treilang bad ka NPP ha Ranikor    ««|Jop suk u MDC ka Mairang kum u Dy Chairman ka KHADC    ««|Pynap shrip ka shnong Lummawbah bad KSU, ohkem a u snar khaii drok    ««|Rai ka jingalang ka MUPSTA ban pynlong a ka 25th State Annual General Conference    ««|Leit jurip kyndit ka KSU a ka Vety ha Dangar, lap bym don doktor    ««|Khot akren u Myntri ka tnat Pule a ka MSSASA halor ka tulop bad D.El.Ed    ««|Treikam bha ka Swacch Bharat Mission sha ki Nongkyndong


Mano ban ada a ki khlaw bad ki mrad ki mreng?

12 April, 2018

Ka jingpynneh pynsah a ki khlaw ki btap ka dei ka kamram jong uwei pa uwei u nongshong shnong. Ban pynjyrngam a ki khlaw ki btap da kaba thung dieng manla ka por kam dei satia ka kamram jong ka tnat Forest and Environment ne jong ka Soil and Conservation.

Ka jingpynjari ka Supreme Court a ka ai khang pomdieng ha u snem 1996 ka la treikam bha haduh katta katta ha ki shiphew snem baladep namar ki paidbah kim nud shuh ban pom pathar a ki dieng ki siej bad pynjulor a ka mariang. Hynrei mynta ka jingpynjari kane ka Iingbishar bahakhliehduh jong ka ri India a ka ai khang pomdieng ka la pynsmiej tang a ki trai jaka katba ki nongkhaii tuh (smuggler) kim riej satia ban pynngat bad khet naphang a ki diengbah haduh ki dieng rit kat haduh ba ki khlaw kylleng ka jylla ki la syllen ploi.

Ka jingwanrung ki kharkhana ba laiphew jait sha kane ka ka jylla ka la nang pynsyllen shuh shuh a ki khlaw ki btap. Peit nuksa ym tang sha rilum Jaitia kat haduh ba ki karkhana ki oh ban pom a ki dieng ki siej katba mon bad oh shna karkhana ha ka Reserve Forest.

Ka jingpom pathar a ki dieng ki siej ha ki khlaw ki btap, ka la pynduh a ka iing shong iingsah jong ki sim ki doh, ki mrad ki mreng kiba la sdang ban duhjait ha kane ka jylla namar ka jingsyllen jong ki khlaw. Haba phai sha ki Reserve Forest lehse dang i don jingkyrmen bad ka jingdon ki Law kyntang ha ki shnong bapher bapher ka rilum Khasi ka dang wanrah a ka jingjyrngam ka mariang. Khlempep ka jingpynlong law kyntang a ki khlaw ki btap ka dei ka jingohi jngai jong ki longshwa ki manshwa kiba la ohi ba kane ka jaidbynriew ba shong basah ha kane ka khyndew Meghalaya ha kawei kawei ka sngi kan sa nang roi kat u shyiap bad kan sa don ruh ka jingkyntur sha ki khlaw bad kane kan wanrah a ka jingpom pathar a ki dieng ki siej ha kaba ka jylla kan sa kylla ri shyiap.

Ha manla ki shnong, la lap ba ki don ki riew ieid mariang kiba thaw a ki kynhun ban akhun na ka bynta ban pynneh pynsah a ki khlaw ki btap namar ki pyrkhat a ka lawei ka ban sa wan bad a ki khun ki ksiew jong ka pateng ba dang sah. Ngi sngewthuh bad ngi da tip shai ba ki khlaw ki btap ki long ka jingkyrkhu a u briew namar ki pynmih a ka um, ki pynmih a ka lyer khuid ban ring mynsiem, ki pynpyngad a ka mariang, ki long ruh ki tyllong um bad ki pynmih ruh a ki kynbat dawai bad kiwei kiwei ki jingmyntoi ba pynmyntoi a u briew uba long u kynrad halor ki jingthaw bad ka khyndew ka shyiap.

Ka long pat kaei kaei kaba sngewsih namar ki don ki riewdusmon kiba pynjot pynjulor a ki khlaw ki btap da kaba wiangding bad thang khlaw pathar tang ban pynsngewbha a ka mynsiem lajong khlem da pyrkhat shuh pat a kiwei. Ka tnat Forest ka dei ban buddien bad thwet a ki nongthang khlaw kiba pynjulor a ki khlaw ki btap da kaba kem bad pynngat ha ki kyndon ai kiba pyrkhing.

Ym tang ka jingpynjot a ki khlaw ki btap, hynrei donkam ruh ban tehlakam a ka jingwieh dawai bad shoh khariew ha ki wah khnang ban ada a ka jingap pathar ki dohum dohwah. Ha kane ka juk, ki don tang ki riew khwan lalot kiba shu kwah tang ka bam-ei bad ka bamsuk bad kiba shu muja tang ha ki kam bym phoida.

Ka la dei a ki Dorbar Shnong ba kin pynmih a ki Adong bapyrkhang a ki riewshim kabu bad ki riewdusmon kiba ju pynap a ki mrad bad wieh dawai ha ki Wah tang namar ka jinglalot ban oh myntoi tang shipor khlem da don shuh a ka mynsiem ban pyrkhat na ka bynta ka lawei jong ka pateng ba dang wan.

Wat ha ki shnong nongkyndong ki don ki kynhun bapher bapher kiba ju ada a ki khlaw ki btap bad a ki dohum ki dohwah hynrei ki riewshim kabu kim riej satia ban pynkhei a ki Adong ba la mana.

Ka jingpyntreikam bad ka jingpynjari ka Sorkar a ka Wildlife Act, kam shym la pynsmiej a ki riewdusmon namar kim salia ban pynhun a ka jingkwah lajong katba khlem da pyrkhat pat a ka jingbha lang jong kiwei pat.

Ka Sorkar ka la dei ban thaw da ki ai ba kham pyrkhing shuh shuh ban tehlakam a ki riewdusmon khnang ba kin sngewthuh haduh katno ki bniat jong ka ai ki nep har har bad ki thar ynda ki la shah pynngat ha ki shrip jong ka ai.

Ka jingpyrta ki khynnah skul shi sien shisnem ha ka World Environment Day ban pynneh pynsah a ki khlaw ki btap ha kylleng ka jylla bad ha ka pyrthei baroh kawei kam don jingmut satia lada ki snar nongkhaii bad snar tuh dieng kim riej satia ki bniat jong ka ai namar lada hiar jurip ha ki phew tylli ki kharkhana otdieng ba don tang ha Umam yn lap da ki lak tylli ki dieng la pynpoi man ka sngi sha kine ki karkhana kiba la sha lan shabar ka jylla bad kumjuh yn lap ruh a ka jingpynjaboh mariang ki karkhana.



Mynjur u Lat ia ka thup ki EM, 24 tarik yn jied Chairman ha KHADC

Shillong, Naitung 20 : U Lat ka Jylla ha ka sngi Thohdieng u la buh ba ka jingjied a u Chairman ba thymmai jong ka Khasi Hills Autonomous District Council (KHADC) kan long ha ka 24 tarik mynta u bna...MORE

Iap jyllop u rangbah ha wah Namlang

Shillong, Naitung 20 : Uwei u rangbah ba tip kyrteng kum u Tailar Kharkylliang u la ngam jyllop noh ha ka wah Namlang kaba don ha Mawton Thwei Sihum.
Katkum ka khubor na ki pulit la ong ba a ...MORE

Pan jingpynshai ka PDF na ki MDC ba kyrshan a ka KHDA

Shillong, Naitung 20 : Ka People's Democratic Front (PDF) ha ka sngi Thohdieng ka la rai ban pan jingpynshai na ki lai ngut ki MDC jong ka party, kata ia u Bah Latiplang Kharkongor, Bah James Sylliang...MORE

Sor jamin ban shna nur bah ha Jowai

Jowai, Naitung 20: Ban pyntreikam aka hukum jong ka National Green Tribunal (NGT), ka Jowai Municipal Board (JMB) haryngkat bad ki nongwad buit jong ka; kala sdang ban sor jamin na ka bynta ban shna ...MORE

Pynjlan tarik ai khusnam ka TSMSWO

Shillong, Naitung 20: Ka Tirot Sing Memorial Social Welfare Organisation (TSMSWO) ka la pynjlan biang a ka tarik ban shimti a ki Mark Sheet haduh 27 tarik mynta u bnai na ka bynta ban sam a ki khus...MORE

Pynkut ka KSU Mawkyrwat a ka taew jingpynjyrngam Mei Mariang

Mawkyrwat, Naitung : Ka Khasi Students Union, Mawkyrwat Circle ka la ?oh ban pynkut noh a ka taew jingpynjyrngam a ka Mei Mariang kaba la sdang naduh ka 16 tarik Naitung haduh mynta ka sngi ka 20 ...MORE