««|Kynnoh u Bah Shylla ban ļaleh bye-election u Bah Pynshngaiń na ka Congress ha Ranikor    ««|Phi ibeiń bad khot ļa nga u khynnah, hynrei ngam isih ļaphi, kdup u Rahul ļa u Modi    ««|Sangeh ka khot hajir, pylleit jingmut ļa ka HLC, kyntu ka SNSBH ļa u HM    ««|Ai por ka MHA shibnai ļa ka Sorkar Jylla ban jubab halor ka Soskular ļasuk ka ANVC    ««|Ļaid paidbah ki khynnah skul ka Nongstoiń ban pyrshah Drok    ««|Tyrwa ki nongialam UDP, BJP bad PDF ban treilang bad ka NPP ha Ranikor    ««|Jop suk u MDC ka Mairang kum u Dy Chairman ka KHADC    ««|Pynap shrip ka shnong Lummawbah bad KSU, ļohkem ļa u snar khaii drok    ««|Rai ka jingļalang ka MUPSTA ban pynlong ļa ka ‘25th State Annual General Conference’    ««|Leit jurip kyndit ka KSU ļa ka Vety ha Dangar, lap bym don doktor    ««|Khot ļakren u Myntri ka tnat Pule ļa ka MSSASA halor ka tulop bad D.El.Ed    ««|Treikam bha ka Swacch Bharat Mission sha ki Nongkyndong


La jingpynsan jubor da ki dawai ļa ki marbam ka ktah ļa ka koid ka khiah

11 November, 2017

Ym lah ban len ha kane ka juk ba mynta ngi im ha ka juk ba la ktah jur ļa ka koid ka khiah namar ngi la im ha ka juk ba la pynheh pynsan jubor ļa ki jhur ki jhep, ki doh ba ngi bam naduh ki dohkha, doh masi, doh sniang, doh syiar bad kiwei kiwei ki jait jingbam tang da ki dawai suda. ļa kane la sakhi ruh na ka jing san ka rynieng jong ki khun ki kti jongngi tangba kaba sngewsih ka long ba kim don bor satia ban ļakhun la ha ka liang ka koid ka khiah ne wat ha ki jingļalehkai sport ne wat ha kino kino ki bynta ruh. Balei ba ong kumne ha ka por mynshwa haba ki briew ki dang im beit ha ka jingrep tynrai kata khlem ki dawai dashin, tang da ki sboh eit masi, syiar ne sniang, wat la kim ļoh bam ļa ki jait jingbam ba bun vitamin ha kum kane ka juk ba mynta ki long kiba khiah krat, bad ki khlaiń ruh ha ka bor met bor phad.

Hynrei mynta lada ļa nujor bad kito ki briew ha ki por ba mynshwa bad kiba ha kane ka juk mynta te la i sangsot haduh katta katta namar ka daw ka long ba la bam beit da ki jingbam kiba la pynheh pynsan da ki dawai.

Ban pynshisha ia kane, wat na ka liang ka National Human Rights Commission (NHRC) ka la lap ha ki jingtohkit jongka ba ļa ki bam ki dih, ki jhur ki jhep, ki soh ki pai, ki doh ba la die ha kylleng ki bynta ka ri ki dei kiba la shu pyndonkam beit da ki dawai. Kumta halor kane ka NHRC ka la shim khia khamtam eh hadien ka jingpynmih khubor jong ki tnad pathai khubor halor ka jinglap jongka tnad kam rep kam riang jongka sorkar pdeng ba ļa ki jaid jingbam bapher bapher la shu ai beit da ki dawai kiba palat ļa kyndon ba la buh ne permitted maximum residue leval (PMRL) kata la ka dei ha ki jhur ki jhep, ki soh ki pai, ki doh bad kiwei kiwei ki jait jingbam bad kane ka jingjur ka jingpyndonkam palat ļa ki dawai ka la jia hapoh kine ki hynriew snem ba mynta.

Kum ka jingshim khia halor kane ka kam kaba ktah ia ka koid ka khiah ki paidbah, ha ki khyndiat snem bala leit na ka liang u Nongbishar Justict D Murugesan, u dkhot ka NHRC u la ai da ka jingthoh sha ka Chairperson ka Food and Safety Standard Authority of India ((FSSAI) Secretary, Union Ministry of Food Processing Industries bad ki Secretary ba dei peit ļa ka Food and Agriculture jong baroh ki jylla ka ri India ba ki dei ban ai ļa ka kaiphod halor kaei ka kamram kaba ki la leh halor kane ka jinglap jongka NHRC ha ki jylla jongki halor ki jingbam ba ki pyndonkam .

Kumba ka long wat ka ļing Bishar ba hakhlieh duh jongka ri ka Supreme Court ka la hukum ļa ka sorkar pdeng bad sorkar jylla ka dei ban bud dien bud ryntih ļa ki kyndon aiń jongka riti synshar jongka ri ba dei ban bishar bniah ļa ki jait jingbam ba la die ne pynpoi sha ki paidbah namar lada lap ļa kino kino ki jingbam kiba ktah ļa ka jingkhoid jingkhiah jong ki paidbah ka long pyrshah ļa ki kyndon aiń bad dei ban rah ļa kiba leh beaiń hahmat jongka aiń khamtam ļa kito ki kompani ne ki nongpyn mih jingbam kiba pyndonkam da ki kynjah dawai ba ktah pat ļa ki paidbah.

Haba phai sha kane ka jylla Meghalaya kat haduh mynta lah ban ong ba ki bor ba dei peit kim pat lah ban teh lakam ļa ka jingdie ne jingpynmih ne jingshet ļa ki jingbam kiba pynbun da ki dawai, kawei na ki daw ka long ka dei ka jingduna jong ki ophisar ne food inspector ha ka jylla. Wat hapdeng ki jingduna ki don ki Food Inspector kiba shim khia na ka por sha ka por ban leit talasi ļa ki dukan bad lap ruh ļa kiba bun ki jingdie beaiń hynrei kumba ka paw kat haduh mynta ka sorkar hi kam pat shim khia ban pynshitom ļa kiba kum kitei ki dukan.

Hooid ka sorkar ka buh ļa ka thong ban wanrah ļaka jingkoid jingkhiah ļa baroh, hynrei kumba ka long mynta kane hi ka dei tang ha ka ktien khlem ka kam. Kumta lada ka sorkar ka dei ka sorkar kaba shimkhia da shisha ban wanrah ka jingkoid jingkhiah ka dei ban pynbun ļa ki ophisar ne ki Inspector ki ban leit talasi ha ki dukan, ki jaka pynmih mar bam bad ki jaka shet jingshet namar dei tang lyngba ka jingbun ki ophisar ba lah ban tem bad wanrah ļa ka jingkhuid jingsuba ha kaba dei ļa ki mar bam. Nalor kane ka sokrar ka dei ban thung ruh pat ļa ka Kynhun ka ban peit halor kane namar lehse kin don ki ophisar ki ban leh tam hynrei lada don ka kynhun ba kyrpang kito ki ophisar ne inspector ki ban leit talasi ruh kin nym nud ban leh tam ne shim kabu.



Mynjur u Lat ia ka thup ki EM, 24 tarik yn jied Chairman ha KHADC

Shillong, Naitung 20 : U Lat ka Jylla ha ka sngi Thohdieng u la buh ba ka jingjied ļa u Chairman ba thymmai jong ka Khasi Hills Autonomous District Council (KHADC) kan long ha ka 24 tarik mynta u bna...MORE

Iap jyllop u rangbah ha wah Namlang

Shillong, Naitung 20 : Uwei u rangbah ba tip kyrteng kum u Tailar Kharkylliang u la ngam jyllop noh ha ka wah Namlang kaba don ha Mawton Thwei Sihum.
Katkum ka khubor na ki pulit la ong ba ļa ...MORE

Pan jingpynshai ka PDF na ki MDC ba kyrshan ļa ka KHDA

Shillong, Naitung 20 : Ka People's Democratic Front (PDF) ha ka sngi Thohdieng ka la rai ban pan jingpynshai na ki lai ngut ki MDC jong ka party, kata ia u Bah Latiplang Kharkongor, Bah James Sylliang...MORE

Sor jamin ban shna nur bah ha Jowai

Jowai, Naitung 20: Ban pyntreikam ļaka hukum jong ka National Green Tribunal (NGT), ka Jowai Municipal Board (JMB) haryngkat bad ki nongwad buit jong ka; kala sdang ban sor jamin na ka bynta ban shna ...MORE

Pynjlan tarik ai khusnam ka TSMSWO

Shillong, Naitung 20: Ka Tirot Sing Memorial Social Welfare Organisation (TSMSWO) ka la pynjlan biang ļa ka tarik ban shimti ļa ki Mark Sheet haduh 27 tarik mynta u bnai na ka bynta ban sam ļa ki khus...MORE

Pynkut ka KSU Mawkyrwat ļa ka taļew jingpynjyrngam Mei Mariang

Mawkyrwat, Naitung : Ka Khasi Student’s Union, Mawkyrwat Circle ka la ?oh ban pynkut noh ļa ka taļew jingpynjyrngam ļa ka Mei Mariang kaba la sdang naduh ka 16 tarik Naitung haduh mynta ka sngi ka 20 ...MORE