««|Kynnoh u Bah Shylla ban ļaleh bye-election u Bah Pynshngaiń na ka Congress ha Ranikor    ««|Phi ibeiń bad khot ļa nga u khynnah, hynrei ngam isih ļaphi, kdup u Rahul ļa u Modi    ««|Sangeh ka khot hajir, pylleit jingmut ļa ka HLC, kyntu ka SNSBH ļa u HM    ««|Ai por ka MHA shibnai ļa ka Sorkar Jylla ban jubab halor ka Soskular ļasuk ka ANVC    ««|Ļaid paidbah ki khynnah skul ka Nongstoiń ban pyrshah Drok    ««|Tyrwa ki nongialam UDP, BJP bad PDF ban treilang bad ka NPP ha Ranikor    ««|Jop suk u MDC ka Mairang kum u Dy Chairman ka KHADC    ««|Pynap shrip ka shnong Lummawbah bad KSU, ļohkem ļa u snar khaii drok    ««|Rai ka jingļalang ka MUPSTA ban pynlong ļa ka ‘25th State Annual General Conference’    ««|Leit jurip kyndit ka KSU ļa ka Vety ha Dangar, lap bym don doktor    ««|Khot ļakren u Myntri ka tnat Pule ļa ka MSSASA halor ka tulop bad D.El.Ed    ««|Treikam bha ka Swacch Bharat Mission sha ki Nongkyndong


Katba dang shaniah ha kiwei

13 September, 2017

Ka jingduh ki samla pule ka jylla ban ioh ban leit pule doctor ha ki skul bah Medical ba don ha ka jylla Assam, mynta ka kren briew bha ba katba dang shaniah ha kiwei, ka long kaba eh ļa ki khun samla ba proh jabieng ban shaniah ha la ka jong ka sorkar jylla, kaba dei tad haba ka um ka kot ha u ryndang ba ka sdang kyndit bynriew bad khohreh naka bynta ban ļakhun ļa ka bhah ba dei hok ka jong ka ban pynioh ļa kine ki samla pule ban ioh pyndep ļa kaei kaba ki kwah ha ka jingim.

Ka jingbym salia ka sorkar Assam ba kan pynduh jubor ļa ka bhah kaba ka Meghalaya ka dei ba kan ioh ka pynpaw ba ki nongļalam kane ka jylla kim salia ne tieng ļa ki nongļalam jong kane ka jylla, namar ki la tip, shem bad iohi ļa ka jinglong nongļalam ki jong ki ha kaba ki long ki jait briew kiba kumno, lym kumta balei ba kin nud ban shu knieh im-im peit-peit ļa ka bhah, kaba man la ki jylla ka thaiń kidei hok ban ioh phah pule ļa la ki khun samla ki jong ki.

Kaban kham ktah lei lei nangne shakhmat ka long ba ka bhah duh pule lehse kan nym kut tang ha Assam, hynrei mano ba lah ban tip ba kane kan sa nang pur ruh wat sha kiwei kiwei ki skul bah pule ba don ha ka ri, namar kumba ļa sngewthuh ka ļew ban pule ha kane ka laiń ka jur bha, ha kaba kiba don ka spah ki pynhun ļa ka jingthrang ki khun ban phah pule shabar ri, hynrei ka mat ba ļakren hangne ka long ļa kito pat ki samla ba proh jabieng hynrei ki bym kot bor ban sei ka lak ka putit ka jong ki ban phah pule ļa la ki khun shabar.

Kane ka jingduh ki samla pule mynta ka kynti kam dei ban shu kut noh tang ban kynnoh ļa ka sorkar ba mynta, hynrei sngew ruh ban ong hangne ba ļa ka jingbah khlieh dei ruh da baroh ki 60 ngut ki nongmih khmat jong kane ka jylla, kaba lada dei ba uwei ne ar napdeng jong ki u la shem bad iohi jngai un jin da la pynbor ļa ka sorkar ba kan pynkhreh shakhmat naka bynta ban pan na ka sorkar kmie ban seng ļa kum kine ki skul bah pule hangne ha ka jylla.

Phewse ka bniat dang ha khlaw, la mutdur ne phohsniew lypa shwa ļa ka jingkhwan myntoi shwa ba shimet ba lada nga ioh ba ngan wanrah hangno ngan seng ļa ka, ngan da kwah shwa ba ngan da put turoi shwa ļalade ba dei tang ma nga ba la leh ļa kat kane ka kam bah, hynrei ka kam pat khlem pat nud ban sdang satia ļa ka.

Kum ki paidbah kiba ia khreh ban ļa leit lem sha ka jingjied ļa la ki nongmih khmat, ka ishu duh pule jong ki shiphew ngut kti samla, dei ban shim khia ļa ka, namar lymda pynpaw ha kum kane ka por, ym nym ioh shuh satia ļa ka kabu ksiar kaban wan biang hadien, lada donkam ban pynhiar khet ruh imat kane ka dei ka por, hap ruh ban tynruh ļa ka dieng tyllaw naka bynta ba dei ban pynbor ļa ka sorkar jylla kaba mynta bad ia baroh ki nongmih khmat ba ka mat ba kidei ban pynurlong haba la dep ban jied ļa ki ka long mardor ban ļaleh ban wanrah na ka sorkar kmie ia ki skul bah pule doctor bad kiwei kiwei dei ki laiń ha kane ka jylla, lym kumta kum u paidbah u don ka hok ban khalah noh ļa ki sharud bad jied da kiwei pat kiba koi shisha ban shakri bad wanrah ļa ki ka pynroi ba shong hok ļa u paidbah hi salonsar.

Paidbah ka por ka la poi ba ym dei shuh ban dang ļa shah pynbiej ha u thylliej ba khlem shyieng jong ki nongmih khmat, hynrei ka por ka donkam ba dei ban jied ļa ki briew,klet noh ka jingsngew ļeit parti, ļeit seng ne sngew don jingļajan bahaļing ha sem, hynrei hap shisha ban long kiba kloi ban jied ļa ki briew kiba don shisha ha ki ļa kata ka mynsiem ban trei naka bynta ka bha ka miat u paidbah.

Ha kiba bun ki jingļalang, juh iohnsgew ļa ka tyngam jong kane ka sorkar kaba mynta, ba man la ki kam ba thmu ban pyntrei da kwah de ban ong ba kidei kiba kham palat liam ka rukom pyntrei ha kane ka ri, phewse kine ki kyntien baroh ki shu long shisha tang kum ki kyntien pynbiej briew, namar khlem da sngewthuh bha naduh tynrai la shu shah pynkylla kada kit blei thaw pat da ki briew kiba nabar.

Kumta ban lait noh shi syndon ha ka liang ban shaniah tylli ha kiwei, ka sorkar kaban wan, kan hap ban long kaba iohi jngai ban ļaleh katba lah ban pan na ka sorkar kmie ļa kiba bun ki skul bah pule, ha ka juh por kum ki paidbah kin hap ruh ban mih noh de ļalade shabar na kata ka jylli long khim jingmut, khohńioh ne kuhiw ka mynsiem bad bym iohi jngai, ha kaba donkam ban ļa snoh kti lang bad ka sorkar lada jia ba ka donkam ļa ki jaka ki puta, ka khydew ka shyļap ban seng ļa ki skul bah ai jinghikai, namar ha kaba kut jong ka sngi ka jingmyntoi kan nym kut tang ha kane ka pateng kaba mynta hynrei kan dei junom la junom haduh ki pateng kiban dang ļai wan.



Mynjur u Lat ia ka thup ki EM, 24 tarik yn jied Chairman ha KHADC

Shillong, Naitung 20 : U Lat ka Jylla ha ka sngi Thohdieng u la buh ba ka jingjied ļa u Chairman ba thymmai jong ka Khasi Hills Autonomous District Council (KHADC) kan long ha ka 24 tarik mynta u bna...MORE

Iap jyllop u rangbah ha wah Namlang

Shillong, Naitung 20 : Uwei u rangbah ba tip kyrteng kum u Tailar Kharkylliang u la ngam jyllop noh ha ka wah Namlang kaba don ha Mawton Thwei Sihum.
Katkum ka khubor na ki pulit la ong ba ļa ...MORE

Pan jingpynshai ka PDF na ki MDC ba kyrshan ļa ka KHDA

Shillong, Naitung 20 : Ka People's Democratic Front (PDF) ha ka sngi Thohdieng ka la rai ban pan jingpynshai na ki lai ngut ki MDC jong ka party, kata ia u Bah Latiplang Kharkongor, Bah James Sylliang...MORE

Sor jamin ban shna nur bah ha Jowai

Jowai, Naitung 20: Ban pyntreikam ļaka hukum jong ka National Green Tribunal (NGT), ka Jowai Municipal Board (JMB) haryngkat bad ki nongwad buit jong ka; kala sdang ban sor jamin na ka bynta ban shna ...MORE

Pynjlan tarik ai khusnam ka TSMSWO

Shillong, Naitung 20: Ka Tirot Sing Memorial Social Welfare Organisation (TSMSWO) ka la pynjlan biang ļa ka tarik ban shimti ļa ki Mark Sheet haduh 27 tarik mynta u bnai na ka bynta ban sam ļa ki khus...MORE

Pynkut ka KSU Mawkyrwat ļa ka taļew jingpynjyrngam Mei Mariang

Mawkyrwat, Naitung : Ka Khasi Student’s Union, Mawkyrwat Circle ka la ?oh ban pynkut noh ļa ka taļew jingpynjyrngam ļa ka Mei Mariang kaba la sdang naduh ka 16 tarik Naitung haduh mynta ka sngi ka 20 ...MORE