««|Kynnoh u Bah Shylla ban ļaleh bye-election u Bah Pynshngaiń na ka Congress ha Ranikor    ««|Phi ibeiń bad khot ļa nga u khynnah, hynrei ngam isih ļaphi, kdup u Rahul ļa u Modi    ««|Sangeh ka khot hajir, pylleit jingmut ļa ka HLC, kyntu ka SNSBH ļa u HM    ««|Ai por ka MHA shibnai ļa ka Sorkar Jylla ban jubab halor ka Soskular ļasuk ka ANVC    ««|Ļaid paidbah ki khynnah skul ka Nongstoiń ban pyrshah Drok    ««|Tyrwa ki nongialam UDP, BJP bad PDF ban treilang bad ka NPP ha Ranikor    ««|Jop suk u MDC ka Mairang kum u Dy Chairman ka KHADC    ««|Pynap shrip ka shnong Lummawbah bad KSU, ļohkem ļa u snar khaii drok    ««|Rai ka jingļalang ka MUPSTA ban pynlong ļa ka ‘25th State Annual General Conference’    ««|Leit jurip kyndit ka KSU ļa ka Vety ha Dangar, lap bym don doktor    ««|Khot ļakren u Myntri ka tnat Pule ļa ka MSSASA halor ka tulop bad D.El.Ed    ««|Treikam bha ka Swacch Bharat Mission sha ki Nongkyndong


Ka samoi leh isynei ha ki constituency ka la sdang...

12 September, 2017

Ka samoi leh isynei jong ki MLA ha ki 60 tylli ki constituency jong ka Meghalaya ka la sdang bad don ruh ki jaka kiban dang sdang nangne shakhmat khnang ba kin ļoh ban wan shong biang ha ka shuki san snem sa shisien pat.

Man ka san snem, ki paidbah ha ki constituency bapher bapher ki la ju tip lypa ba ka snem ba khatduh jong ka san snem ka jinglong MLA jong u ne ka, kadei ka snem ba ki hap ban pynlut ļa ka jinglum tyngka kaba ki la pynlang baroh saw snem. Kane kadei ruh ka samoi ba ki sdang ban pynlut por kham bun ha ki ļing ļapbriew, ka jingleit peit nongpang, ka jingleit leh bunkam lang wat ha ki kam khawai dawai ruh. Nalorkata, kadei ruh ka por ba ki sdang ban tyrwa hi wat ban leh ļa ki kam isynei ha ryngkat ka jingput bikur pat ļalade.

Kaba kham i thamula kadei ba kitei ki juh ki briew kiba ju kiar ha ki saw snem mynshwa mynta pat ki sdang ban jan sha ki paidbah da kaba ki leit ban kam kum kita ki Kńi, ki kynja kpa, ne leit ban kam hynmen para ha ki jingjia ba sngewsih tang ban ļoh khring ļa kito ki bahaing kiba ļa kynduh ļa kum kitei ki jingjia.

Ka jinglehkiar jong ki nongmihkhmat paidbah ha ki saw snem ki pynsian ruh ļa ki paidbah nongkyrshan kumno ba kin pynap shrip kylla ļa ki ha kum kane ka por. Haoid ka don ka jingļalap ban ļaleh pyrshah ļa ka jingpyndonkam ļa ka pisa ha ka por elekshon hynrei shano ki paidbah kin pynsngew ļa kita ki jingļalap haba ki ļohi ļa ki lut saw bad ki lut stem kiba wan shisien ha ka san snem.

Bun ki paidbah khamtam ha ki bynta ba kham long kyndong (ym baroh), ki ju ap kmang ļa kum kane ka samoi ban ļoh kamai namar kane kadei ka por kaba paka eh ba kin ļoh ei ei na ki nongmihkhmat.

Ha kawei pat ka bynta, ki nongmihkhmat kiba la ju jop bunsien ki ju shim ba lada kim ai ļa kino kino ki jingļarap ha ki saw snem, hynrei lada ki theh lut ha ka snem kaba san khlem artatien ka jingjop ka la ap lypa. Bun kiba pyrshang bad jop na kane ka rukom bad kane kadei ruh ka jingshisha ba ki paidbah kiba byrngem baroh saw snem ļa ka jingkuman ki nongmihkhmat hynrei tang shu ļoh mluh (pisa) ha ka snem kaba san i pynban kumnba ki la klet lut ļa kiei kiei baroh bad dei kitei ki juh ki briew kiba nyngkong nyngkong ban leit kiew ha rynsan ļalap elekshon haba la poi ka samoi.

Ka jing nang bun ki heh spah kiba jop kum ki nongmihkhmat kadei ka dawbah kaba wanrah ļa ka jingsahdien jong ka jylla Meghalaya ha baroh ki liang. La bun sa tang ki politician hynrei la duna ki statesman, kumba la ong da uwei na ki nongmihkhmat paidbah na kane ka nongbah.

Ka jingduna ki riewshemphang kiba mih shakhmat ban ļakhun na ka bynta ka ishu jong ka jaidbynriew ka la ktah haduh katta katta ļa ka roi ka par, ka burom bad ka dur jong ka jylla baroh kawei. Ka jylla katba nang ļaid ki por ka la nang duh nangduh ļa kita ki nongmihkhmat kiba paka kiba ka don ha ki 10, 15 snem mynshwa.

Ban ļa kren ļa ka roi ka par ha kane ka jylla khamtam ha ki thain nongkyndong bunsien ka shu kut beit tang ha ka jingkular tang namar ba ki nongmihkhmat ki la pynleit jingmut palat na ka jingmyntoi shimet khamtam eh ļa ka shuki.

Ka jingbym ļoh surok, ka jingbym biang ki jaka ai jingsumar naduh ki Dispensary, ki CHC ne ki PHC kiba dei na ka bynta ka jingmyntoi u paidbah ym ju don ba nud ban ang shi kyntien ruh ha Ļingdorbar Thawain ka jylla hynrei haba dei pat na ka bynta ka jingmyntoi shimet imat ym ju don jinglehrain. Hato kum kitei ki briew ki long kiba bit seh ban khot ļa ki ki nongmihkhmat paidbah?. Ka jubab kaba paka eh kadei ha u paidbah ban jubab ha ka samoi ban wan jong u 2018, kata lada kim ngop ne shah pynbiej ha ki lut 500 ne ki lut 2,000 jong ki.

Bunsien ha Ļingdorbar la ju ļa kren ļa ka daw ka jingpynslem ban shna ļa ki jaka ai jingsumar, ki ļingskul ne ki jingtei bapher bapher pynban ym ju don ba kren pat ne buh jingkylli balei ba ki nud ban leit plie ļa u mawnongrim haba ka pisa ban shna kam pat don.

Ym lah ban len ļa ka jingshisha watla ki nongmihkhmat kim da patiaw than ļa ka roi ka par pynban da ka jingdon jong ki department kiba trei radbah shisha ban wanrah ļa ka jingkylla, ka kylla long ka jingkyrkhu kaba khraw bad ka roi ka par na ka bynta ka jylla. Hynrei ka long pat kaei kaei kaba sngewsih ba ha kum ka sngi pynkut ne sngi sdang dei ki lei san snem kiba nakhmat nakhmat ban wan ot ribon.



Mynjur u Lat ia ka thup ki EM, 24 tarik yn jied Chairman ha KHADC

Shillong, Naitung 20 : U Lat ka Jylla ha ka sngi Thohdieng u la buh ba ka jingjied ļa u Chairman ba thymmai jong ka Khasi Hills Autonomous District Council (KHADC) kan long ha ka 24 tarik mynta u bna...MORE

Iap jyllop u rangbah ha wah Namlang

Shillong, Naitung 20 : Uwei u rangbah ba tip kyrteng kum u Tailar Kharkylliang u la ngam jyllop noh ha ka wah Namlang kaba don ha Mawton Thwei Sihum.
Katkum ka khubor na ki pulit la ong ba ļa ...MORE

Pan jingpynshai ka PDF na ki MDC ba kyrshan ļa ka KHDA

Shillong, Naitung 20 : Ka People's Democratic Front (PDF) ha ka sngi Thohdieng ka la rai ban pan jingpynshai na ki lai ngut ki MDC jong ka party, kata ia u Bah Latiplang Kharkongor, Bah James Sylliang...MORE

Sor jamin ban shna nur bah ha Jowai

Jowai, Naitung 20: Ban pyntreikam ļaka hukum jong ka National Green Tribunal (NGT), ka Jowai Municipal Board (JMB) haryngkat bad ki nongwad buit jong ka; kala sdang ban sor jamin na ka bynta ban shna ...MORE

Pynjlan tarik ai khusnam ka TSMSWO

Shillong, Naitung 20: Ka Tirot Sing Memorial Social Welfare Organisation (TSMSWO) ka la pynjlan biang ļa ka tarik ban shimti ļa ki Mark Sheet haduh 27 tarik mynta u bnai na ka bynta ban sam ļa ki khus...MORE

Pynkut ka KSU Mawkyrwat ļa ka taļew jingpynjyrngam Mei Mariang

Mawkyrwat, Naitung : Ka Khasi Student’s Union, Mawkyrwat Circle ka la ?oh ban pynkut noh ļa ka taļew jingpynjyrngam ļa ka Mei Mariang kaba la sdang naduh ka 16 tarik Naitung haduh mynta ka sngi ka 20 ...MORE