««|Kynnoh u Bah Shylla ban ļaleh bye-election u Bah Pynshngaiń na ka Congress ha Ranikor    ««|Phi ibeiń bad khot ļa nga u khynnah, hynrei ngam isih ļaphi, kdup u Rahul ļa u Modi    ««|Sangeh ka khot hajir, pylleit jingmut ļa ka HLC, kyntu ka SNSBH ļa u HM    ««|Ai por ka MHA shibnai ļa ka Sorkar Jylla ban jubab halor ka Soskular ļasuk ka ANVC    ««|Ļaid paidbah ki khynnah skul ka Nongstoiń ban pyrshah Drok    ««|Tyrwa ki nongialam UDP, BJP bad PDF ban treilang bad ka NPP ha Ranikor    ««|Jop suk u MDC ka Mairang kum u Dy Chairman ka KHADC    ««|Pynap shrip ka shnong Lummawbah bad KSU, ļohkem ļa u snar khaii drok    ««|Rai ka jingļalang ka MUPSTA ban pynlong ļa ka ‘25th State Annual General Conference’    ««|Leit jurip kyndit ka KSU ļa ka Vety ha Dangar, lap bym don doktor    ««|Khot ļakren u Myntri ka tnat Pule ļa ka MSSASA halor ka tulop bad D.El.Ed    ««|Treikam bha ka Swacch Bharat Mission sha ki Nongkyndong


La leh ka ļing bishar High Court ļa kaba dei eh

9 September, 2017

Ka jingthung jongka ļing bishar High Court ļa ka Commissioner bad khamtam eh ļa ka Advisory Commitee na ka bynta ban peit bad bishar bniah ļa kino ki dieng ba la dei ban pom bad ļa kino kiba ym pat dei ka long kaba dei eh. Namar lyngba kane kan khang lad ļa ka jingpom pathar ruh ļa ki dieng ha kane ka nongbah .

Ym lah ban len hadien ka jingjia jongka jingkhyllem u dieng ha Raj Bhavan ha kine ki khyndiat taiew ba la dep ne ha ka 12 tarik u bnai ba la dep kaba la wanrah ka jingiap ļa ki lai ngut ki mynsiew briew ka tnad forest thret kumba ļuh tdong bseiń ka la khih khohreh ban pom ļa ki dieng ha sawdong jongka nongbah Shillong khlem da bishar bniah la ki dei kiba la tor ne kiba dang biang ka rta kin im. Lah ban pynkynmaw ba ka tnad ka la kyntu ruh ļa ki paidbah ba kin pyntip sha ka tnad Forest lada ki ļohi ļa kino kino ki dieng kiba la i buh ha ka jingma ļa ka ļaid ka ļeng ki paidbah. Halor katei ka jingkyntu kyndit kyndit la shu pynbna da ka sorkar ba ki don haduh 500 tynrai ki dieng kiba la tor bad hap ban pom noh.

Halor kane uwei na ki nongļasaid aiń u Kaustav Paul u la ujor da ka PIL hapoh ka ļing bishar High Court bad na ka liang ka ļing bishar ka la pynmih ļa ka hukum ban pynsangeh shwa ka jing pom ļa ki dieng katba ym pat lah ban pynthikna ba ki dei ki dieng kiba la tor. Dei halor kane ka PIL ba ka ļing bishar High Court myn ha ka Sngi Palei mynta ka taiew ka la rai ban thung da ka Advisory Committee ka ban bishar bniah ļa ki dieng. Nalor kane la thung ruh ļa ka Commissioner jongka ļing bishar. Namar ka ļing bishar ka la bthah ļa ka tnad Forest ba ka dei ban pyntip shwa sha ka Commissioner shwa ban pom ļa kino kino ki dieng. Ka jingthmu ka long ba katei ka Commissioner kan bishar bniah bad phah ļa ka kaiphod pat sha katei ka Committee kat kum ka jingshem jongka bad kumjuh ruh ba ka Committee pat kaba kynthup ļa ki dkhot kiba dei ki stad saian kin bishar la ki dieng ba la ai da tnad Forest ki dei shisha kiba la buh jingma ļa ki paidbah ne em.

Namar ha katei ka Advisory Committee ki dkot ki long u Principal Chief Conservator jongka tnad Forest (R&T) u S Ashutosh bad Dr K.P Mahapatra Principal Scientist Forestry, ICAR. Kine kin bishar bniah ļa kaei ka kaiphod ba la phah da ka Commissioner shwa ban shim ļa ka rai kino ki dieng ban pom bad kino ki bym dei ban pom.

Kane ka jingthung jongka ļing bishar da ka Committee ba kyrpang kan khanglad ruh ļa ka jingthmu ba rieh jong kino re kino kiba lehse ha ka kyrteng jong ki dieng ba la tor lah ban shu pom mata madei naphang ia ki dieng tang ban ļoh die ļa ki. Namar ym lah ban len kumba jia ka jingkhaļi tuh ļa ki dieng ha ki khlaw sorkar kumta kane ruh ka lah ban jia ha kane ka nongbah ban shu pom beit naphang ļa ki dieng. Lyngba kane ka la khanglad ļa ki jingthmu ba sniew jongno re bad kan long ruh kum ka jingļada ļa ki dieng ki siej kiba don ha kane ka nongbah. Namar ym lah ban len nalor ba la duna dieng bad khapngiah sa tang ki ļing lada ym don shuh sa tang katto katne tylli ki dieng ym tip aiu kan jia ļa kane ka nongbah namar tang kumba long mynta ruh ka jingkylla ka mariang ka la pher bha lada ļa nujor bad ka jinglong kaba mynshwa.

Lah ruh ban pynkynmaw hangne ba u Mawphor naduh kito ki por ba khyllem ki dieng bad ban ļa ki kali kiba la pynieng hajan Raj Bhavan hi u la dep pynmih ruh ļa ka editorial ba ka tnad forest ka dei ban shim khia ban peit bad bishar bniah ļa ki dieng kiba don ha kane ka nongbah khnang ban lait na kino kino ki jingjia ba sngewsih. Hynrei halor kane ym shym la don ba shim khia tad haduh ba kan da jia ka jingjia ba sngewsih ha katei ka 12 tarik Nailar 2017 kaba la dkhat jyndat ļa ki lai ngut ki mynsiem briew ba sa kyndit bynriew bad khie khohreh ka pom dieng bad hap pat ban tuklar da ka ļing bishar namar ka ļing bishar ka tuklar namar ka ļohi ba kam shym la don ka jingbishar kaba paka ļa ki dieng shwa ban pom ļa ki. Mynta te lyngba katei ka Committee ļa ki dieng ba dei ban pom ne kiba la tor lah ban pom hynrei ļa kiba dang biang ym lah ban pom pathar.



Mynjur u Lat ia ka thup ki EM, 24 tarik yn jied Chairman ha KHADC

Shillong, Naitung 20 : U Lat ka Jylla ha ka sngi Thohdieng u la buh ba ka jingjied ļa u Chairman ba thymmai jong ka Khasi Hills Autonomous District Council (KHADC) kan long ha ka 24 tarik mynta u bna...MORE

Iap jyllop u rangbah ha wah Namlang

Shillong, Naitung 20 : Uwei u rangbah ba tip kyrteng kum u Tailar Kharkylliang u la ngam jyllop noh ha ka wah Namlang kaba don ha Mawton Thwei Sihum.
Katkum ka khubor na ki pulit la ong ba ļa ...MORE

Pan jingpynshai ka PDF na ki MDC ba kyrshan ļa ka KHDA

Shillong, Naitung 20 : Ka People's Democratic Front (PDF) ha ka sngi Thohdieng ka la rai ban pan jingpynshai na ki lai ngut ki MDC jong ka party, kata ia u Bah Latiplang Kharkongor, Bah James Sylliang...MORE

Sor jamin ban shna nur bah ha Jowai

Jowai, Naitung 20: Ban pyntreikam ļaka hukum jong ka National Green Tribunal (NGT), ka Jowai Municipal Board (JMB) haryngkat bad ki nongwad buit jong ka; kala sdang ban sor jamin na ka bynta ban shna ...MORE

Pynjlan tarik ai khusnam ka TSMSWO

Shillong, Naitung 20: Ka Tirot Sing Memorial Social Welfare Organisation (TSMSWO) ka la pynjlan biang ļa ka tarik ban shimti ļa ki Mark Sheet haduh 27 tarik mynta u bnai na ka bynta ban sam ļa ki khus...MORE

Pynkut ka KSU Mawkyrwat ļa ka taļew jingpynjyrngam Mei Mariang

Mawkyrwat, Naitung : Ka Khasi Student’s Union, Mawkyrwat Circle ka la ?oh ban pynkut noh ļa ka taļew jingpynjyrngam ļa ka Mei Mariang kaba la sdang naduh ka 16 tarik Naitung haduh mynta ka sngi ka 20 ...MORE