««|Khlad ka longkmie mynsaw 6 ngut ba shah tynrah kali ha Mookyndur    ««|Kynnoh ka BJP ba dei ka Congress ba rhah ban pynkhyllem a ka PDF ha KHADC    ««|Kem ki pulit ia u Finance Secy bad ar ngut ki dkhot ka KSU North Khasi Hills    ««|a kren u CM ban pynkhlai kam khai bad ka Bangladesh    ««|Pynhap pyrda ka Shillong Commerce College a ka jingrakhe Jubili 50 snem    ««|Rai kyrshan ka Nongsohphoh a u Bah Paul Lyngdoh ha ka elekshon MLA-2018    ««|Dawa ka BJP ban tohkit halor ka jingsaphriang khubor pynthohbria a ka Party


Sepei ka spah mariang ha ka jylla lada ym lah iada....

10 January, 2017

Ym lah ban lem ba ka Meghalaya ka la nang kiew shisha ha ka roi ka par hynrei lah pat ban phai dien ba kane ka jylla ka la dei teng ka rilum kaba don a ka mariang kaba itynnad tam ha ka ri baroh kawei la ka long ha ki kshaid ba noh rymphum, ki dieng ki siej, ki syntiew ki skud, ki lum ki wah ne wat ha ki sim ki doh bad ki jingthaw ba lai phew jait. Pynban la ohi ba katba nang aid ki snem ka jinglip rong ka mariang ruh ka nangjur nang jur bad don ki jaka jaka ba ki don satang ki kshaid bad ki pung tyrkhong, ki khlaw ba la syllen lut bad sa ki lum ba tyrkhong bad jot rathai tang na ka daw ka jingkhwan myntoi, ka jingrhah spah bad ka jingbym pyrkhat shuh wat a ka lawei jong ki khun ki kti.

Nalor kata, ngi lah ruh ban ong ba kane ka pateng mynta kadei ka pateng kaba bamduh a ki jingdon jingem ha ka mei mariang. Ngi thung jingthung bad pyndonkam ki dawai ba pynlong bih a ki jingthung bad ka mariang. Ki dawai ba ngi bret ha ki lyngkha bad ki wah ki ktah ym tang a ki jingthung hynrei a ki briew, ki mrad ki mreng, bad ki sim ki doh kiba pyndonkam a ki jingthung bad dih a ka um. Ka jingpom a ki dieng ki siej ka pynduna a ka jingmih ka lyer khuid (oxygen) bad pynroi a ka lyer jakhlia (carbon dioxide). Ki briew mynta ki bret ki niut ki nier ha ki lum ki wah bad pynjakhlia bad pynjot a ka mei mariang. Ki briew ki tih lut a ki marpoh khyndew, pom a ki dieng ki siej, bad pynlyngkhuid a ka mei mariang ym dei namar ba ki donkam hynrei dei ba ki khwan shimet. Lada ngi leh kumne kumno ka lawei jong ka jaitbynriew khasi kan long?.

Ka jingjulor ka mei mariang nyngkong eh ka dei ban leit sha ki khlieh nong synshar shnong kiba long ki bor bahakhlieh duh ban buh a ki jingmana bad ki adong kiba tyngeh bha a kito kiba pynjulor a ka mariang. Kaba ar pat ka leit ruh sha ki bor ba kham hakhlieh kum ki Autonomous District Council bad wat ka tnad Forest jong ka sorkar jylla kaba ym shym la lah ban shim a ka jingkitkhlieh ne khanglad haba don kino kino ki karkhana rit ne karkhana heh kiba kwah ban wan seng kam ha kane ka jylla da kaba oh a ka jingbit ban pynieng a ki mashin bad ki jingtei baheh baheh ha ki jaka khlaw.

Ka jingailad palat da ki Autonomous District Council lyngba ki NOC bad ruh ki tnad ba dei peit na ka sorkar jylla ki la nang pyntlot bor ruh a ki shnong ban a khun tyngeh a kitei ki karkhana kiba tang ha ki khyndiat snem ki la pynring tyrkhong lut a ka mei mariang kaba la buh bad sumar da ki mei tymmen pa tymmen da ki spah snem.

Ki sorkar ki leit bad ki wan ha kine ki palat lai phew snem tam hynrei ym don jingkylla ei ei lait noh tang ha ka aknieh shuki. Baroh ki nongalam kim don por ban pyrkhat ne kim don satia kata ka jingohi jngai ban ri ban sumar a ka Mariang bad ka Mei Ramew, haduh ban da jot ka pyrthei haduh katne. Kam don satia kano kano ka jingtyngkai bad byrtia a ka spah jong ka Mariang bad ym don ruh satia a ki ai ki kanun kiba biang ban pyrkhing a ka jingpyndonkam a ka spah jong ka Mariang.

Kaba mih na kane ka long ka jingsympat ka Mei Mariang a u khun bynriew da kaba pynkyrduh um haduh ban da soh sat. Na ka daw jong ka jingduna um, ym lah ruh ban pyntrei kam a ki kor ki bor ban pynmih a ka ding ilektrik. Kumta ka mih sa ka jingeh kaba khraw ban oh a ka ding ilektrik kaba biang bad la hap ban pynlip noh da ki bun kynta a ka ding ilektrik hapoh sor Shillong bad ruh kiwei kiwei ki bynta jong ka jylla. Kumta ka long ka jingduh nong kaba khraw a u shnong u thaw bad pynthut a ki jingtrei jingktah bad ki kam ki jam kiba pher ba pher. Ban shu ai nuksa, na ka daw ba duna ka jingpynmih ding ilektrik, ym lah satia ban pyntreikam ne pynaid a ki pump-um ha ka Shillong Greater Water Supply Scheme ha Mawphlang ki kyntien ba la sot na ka jingthoh da u Rangbah SS Sawian kidei ki kyntien kiba ki khraw pyrkhat bad kumjuh ka sorkar kadei ban shimkhia bha khnang ba ka jylla jongngi kan ym kynduh jingeh tang namar ka jingbym niewkor jongngi a ka mei mariang.

Ka jingtih pathar bad lymmuh a ki mar poh khyndew ruh ka long ka daw bah kaba wanrah a ka jingkyrduh um bad ha kajuh ka por kaba pynlong bih a ki um ki wah, haduh ban da ap duh ki dohkha ki dohpnat bad ba ym long shuh satia ban dih a ka um kaba la long bih kaba don khamtam hajan ki par dewiong bad ki pat bad karkhana mawshun bad dewbilat.



Wat hapdeng ka jingpynthut ka mariang yn bteng beit ka jingkhynra a ki GNLA

Shillong, Jylliew 24 : Wat hapdeng ka jingpynthut jong ka mariang hynrei ka jingkhynra a ki dkhot ka seng Garo National Liberation Army (GNLA) kan ai bteng beit nangne shakhmat.Halor kane ki bor ba ...MORE

Pynkup burom ka Red FM a i samla Sylviana

Shillong, Jylliew, 24: Ka Red FM 93.5 Shillong ka la pynkup burom a i Samla Sylviana L. Mawlong i ba dei na Shnong Mairang,West Khasi Hills,iba la wanrah a ka nam ka burom a ka jylla Meghalaya lyn...MORE

Pynkup burom ka St. Dominic Savios HSS a ki samla pule

Shillong, Jylliew, 24: Ka St. Dominic Savio's Higher Secondary School, Mawkhar, Shillong ka la pynkup burom a ki khynnah skul kiba wan shakhmat ha ka result SSLC bad HSSLC jong ka MBOSE mynta u snem ...MORE

oh kem nongkhai drok ki BSF

Shillong, Jylliew 24: Ki shipai BSF kiba don ha Borsora jong ka South West Khasi Hills District haba ki la ohi a kawei ka thuk thuk kaba aid sha rum shaneng bad ki la i suba bad haba ki la bat a ...MORE

Pynsaphriang ki pulit a ka dur ba shu dro jong u nonglute ksiar ha Smit

Shillong, Jylliew 24 : Ki pulit ka jylla ki la pynsaphriang sha kylleng ki jaka a ka dur ba la shu dro jong uwei u bar jylla uba la ot shympriah kti, pajut a ki sohshkor bad loket jong iwei i long k...MORE

Ha ka kyrdan Grade-B oh pdiang ka Nongtalang College na ka NAAC

Shillong, Jylliew, 24: Ka Nongtalang College, kaba long kawei na ki kolej kaba ai jingshakri a ki samla pule ha ka thai War Jaitia ka la oh a ka jingithuh da kaba ohpdiang a ka kyrdan ' Grade- ...MORE