««|Ban kyntiew ´a ka koit ka khiah ka rep ka riang ha ka jylla, kren u CM hakhmat ka NITI Aayog    ««|Ha ka 05 ne 10 tarik Naitung yn plie noh ´a ka Sub-Division ha Ranikor    ««|Iengskhem ka KSU ban pyrshah Lynti rel ha Jylla katba ym pat lah tehlakam ´a ki Mynder    ««|Da ka ĹTur Shaphrang Awardĺ ai mynsiem ka HYC ´a i samla Lily Kharthangmaw    ««|¤ingkhong ka dukan ha ¤ewduh, suba jur ba shah thang dusmon ha ki runar    ««|Ka jingkhang ´a ka Internet ka ktah ´a ki samla wadkam bad samla pule: KHNAM    ««|Ba poi 4th Position HSSLC, pynkupburom ka Saitsohpen bad MDC ´a ka samla    ««|Kyrshan ka FKJGP ´a ka jingdawa Civil Sub Division u MLA Congress na Mawlai    ««|Kyntur ka HYC sha DC Ophis halor ka jingai Schedule Tribe ´a ki bar Jylla    ««|Da ka kali bad shuki ai u MDC ´a ka shnong Saitsohpen


RIT MYNSIEM HA LA KA JONG KA RI? KA SAW KA SIAN KA JAITBYNRIEW KHASI

J. R. KHARMAWLONG

11 June, 2018

Ka jingjia ha ka 31 tarik u bnai May ka buh u dak jingkylli u ba khraw ´a ka ri bad ka jaitbynriew Khasi jong ngi. Ban shah tied shah bom ki Khasi ha la ka jong ka ri ha ki nongwei shi sngi ka long kaei kaei kaba ym lah ban pyrkhat bad ka bym lah ban pdiang. Ka jingshah tied klep bad shah thombor ki Khasi ha ki mynder kam dei shuh kaba jia tang mynta ka khep. Ha kiba bun ki jaka ba la ´oh kam trai da ki bar jylla ha Sor Shillong bad ha khap sor kumjuh, kiba kum kine ki jingjia ki la ju jia. Kumba long ka them metor, kiwei ki jaka ba la jyllei kine ki jaitbynriew kim shngai˝ shuh ´a ngi ki Khasi ba ngin ´aid ngin ieng khamtam haba la kem dum ka bneng bad wat mynsngi ruh. Lah ban pdiang mo ba kaba kum kane ka jinglong jingman kan jia ´a ki trai muluk ki trai jaka ba kin mad ´a kaba kum kane ka apot? U dak jingkylli u ieng hakhmat jong ngi ka jaitbynriew, mano ba hap ban kitkhlieh ´a kane? Ngin kdew kti bad kynnoh ´a ki nong´alam kiba la leit noh ha shwa jong ngi? Ne ´a ki nongthawai˝ ne ki Sorkar ka mynnin? Kaba sngewthamula ka long ba hadien kane ka jingjia, la mih ka jingkawang ktieh na u Dr. Mukul Sangma, u nong´alam ka Liang Pyrshah, ´a ka Sorkar thymmai hapoh ka jing´alam u Conrad Sangma uba la kynthah da kaba ong, ôlai bnai ki la pynlehrai˝ ´a ka jyllaö (Mawphor 06 Jylliew 2018). Ban pynheh shuh shuh ´a kane, ka kotkhubor The Shillong Times lei ka thoh shai ´a ka jingbei˝ u Dr. Mukul uba ong ba kane ka Sorkar kam lah ban leh eiei ´a kane ka jingjia bad u kam ba dei ma u bad ka Party Congress kiba lah ban weng ´a ki jingeh (The Shillong Times, June 6, 2018). Kaba kum kane ka jingkynnoh la thikna ba kan mih beit. Ka jingkylli pat ka long ´a u Dr. Mukul, u la leh aiu kum u Chief Minister ha ka por jong u bun snem ha kaba ´adei bad ka Them Metor? Shwa ban ang ka shyntur, la dei ban da pyrkhat shwa. Hooid ngi ´a kubur hi ´a ka jingtbit jong u kum u nong´alam ka jylla ban tem ´a ki jing´akhih, nuksa, ka jing´akhih ILP jong ki Seng Bhalang. Kaba hap ban kylli pat ka long da ei u tem ´a ki jingkulmar namar ka jingdawa ILP ruh khlem ´ohi soh eiei bad ki seng bhalang ruh ki shong tipsngi noh? Haba la shong ha ka Liang Pyrshah, kaba suk ban shu kdew kti ´a kiwei ha ka Liang Synshar. Ka Sorkar ba don mynta ruh ka hap ban kit ´a ki jingmih (consequences) jong ki jingbakla bad ki jingbym lah trei kam jong kiba hashuwa jong ka.

Halor kine kiei kiei kiba jia, ngi hap ban kynnoh hi ´alade kum ka jaitbynriew Khasi. U nongwei un nym nud ban rung hapoh ka iing jong ngi da kaba shu prong tuh na jingkhang iit ne na kano kano ka jaka kaba lait ba un rung. Un ym ´oh hi ruh ban rung shapoh lymda ma ngi hi ngi ailad bad khot ´a u ba un rung. Ka long kumta ruh ba ka jing´oh ban wan rung kyrthep ki nongwei nabar jylla ka dei ka jingailad jong ngi hi. Ngi wanlam ´a u bsei˝ hapoh iing ban pynsyaid ´a u. Ynda u la ´ohbor, u puh kylla pynban ´a ngi ki nongri. I pangnud ban peit ´a ka ri la jong ba hangne ha ri Khasi, kin don ki jaka ba la kylla ki shnong ba la kam trai bad roi da ki dkhar. Haba rung ban ´aid na kiba kum kine ki jaka, ym sngewdei shuh ba don ha ri Khasi lajong. La sngew kumba don sha ri thor. Peit tang ´a ki iing bun mala ba ki tei, ki dukan ba heh ba ki pynieng, ka jing´aid bad leh baheh kumba ki ´aid ha ki jaka lajong ha Assam bad kiwei ki jaka sha ri dkhar. Ngi ki Khasi haba kum ´aid na ki jaka ba shong ma ki, hap ´aid pyndem tdong kum u ksew wanwir hakhmat ki ksew surok bun paid.

Ka jingnud jong ki bar jylla ban kop kumba long ki dkhar ka Them Metor ha ka miet 1 tarik mynta u bnai June, kiba kaweh la ki waitlam ka pynishai kdar ba ki la kam trai bad sngewskhem ba ki Khasi da leilei kin ym lah ban pynkhih shuh ´a ki. Ka jingnud ban pynpaw bor haduh katne ka phalang ruh ba ki don ki nong´ada kiba biang lah ban long na ka liang ka Sorkar ne na ka liang jong ngi ki Khasi kiba long ki iingkhong shyllangmat kiba pyrkhat tang ka myntoi shimet. Ki Khasi kiba kum kine kim salia wat ban lilam bad die ´a la ka jong ka Ri bad ka jaitbynriew. Ka jing´ashetkylla para jaitbynriew kaba la hiar raibi naduh ki longshuwa jong ngi ka dang ´ai im haduh mynta. U Khasi uba pyrshah dkhar bad dei u Khasi hi uba ´ada bad ai jaka rieh ´a ki. Ka ktien ô´atylliö ka dei ka ktien kaba im tang ha ki dak, hynrei ha ki kam ba ngi leh, ka la ´ap noh. Naduh na rympei iing, ha ka imlang sahlang, ha ka synshar khadar, bad la jan man la ki liang, ka jing´atylli jong ngi ki Khasi kam don. Dang lah ba synshar da kiwei ban ´a kaba ´oh long nong´alam u Khasi. Ngi long kum ki tham kiba ´atan uwei ´a uwei pat. Para ma ngi ngim ´a ailad ban kiew. Kane ka dei kawei na ki dawbah jong ka saw ka sian ka jaitbynriew jong ngi. Na kane ka daw, ´oh lehmon ki nongwei shisngi namar ki la spel lyndet ´a ka jinglong jong ngi.

Lada yn kynthoh ´a ki jingmyntoi (merits), ka jingmih ka Seng HNLC ha kawei ka liang, ka la long ka jingkyrkhu ha ka Ri jong ngi. Ki kam jaboh, ki kam batbor lehbor ´a ki khunlung khynnah bad ki jingleh donbor leh baheh jong kiwei ki jaitbynriew ki la stait shibun ha ka ri Khasi jong ngi. Hynrei ka lynti ba ki ´aid la shim ba ka long be-ai˝ da ka Sorkar. Ka jingtroi˝ jong ki ka la long ka kabu ´a ki phiang phiang bam sih, ki myndie ri, ki riewpoh na ka jaitbynriew jong ngi ki bym sang shuh ban leh kam pohjait ´a la ki paradoh para snam, ki mynder ri kiba la wan kiew be-ai˝ bad kiba la nud ban leh khla ha ka ri jong ngi. Shisien pyrkhat, ban ´akren shaphang ka jingpynkylla da kumwei pat ban weng ´a ki nongwei nabar kiba la suh thied ha ka Ri jong ngi, ka la long kum u mawbah uba wit ha ka lynti jong ngi. Lymda ngi ´a wan lang kawei bad ba ngin ieng shitylli kum ka jaitbynriew, ka jing´ohi lypa kaba dum (dark vision) u Myllung Soso Tham ôshen ngin long ki nongwei bad ki nongthohdieng ha la ka jong ka riö kam slem ban urlong ha ka ri jong ngi. Sngewdiaw ban ´ohi ´a ka jingkren jong ki nong´alam (bym kwah ban kdew kyrteng) kiba kam ba ki ieng na ka bynta ka bha ka miat jong ki briew jong ngi, kiba la mih ha ki Social Media kiba ong ôWe are all Nongwei in this worldö haba ki kynthoh ´a ka jing´akren kaba mih na ka jingjia ha Them Metor (31st May 2018) ba ngi dei ma ngi ki trai Ri bad ki nongwei bar jylla kim lah ban leh donbor. Kaba kum kane ka jingkren ka pyni ´a ka sur jingbymkitkhlieh kaba shat ´a ka jingshisha jong ka jingnang jyllei kiwei pat ki jaitbynriew ha ka ri jong ngi.

La ka la slem, ngi la dei ban kyndit bynriew bad khie na ka jing´ohthiah. Ban shu babe ´a ki jingbakla ba ngi la leh ha ka mynnin kan ym pynmyntoi eiei. Hynrei ngin ieng rangbah tylli kawei ban ´ada ´a ka mynta bad ka lashai jong ka Ri jong ngi. Ka jingphiel ka seng HNLC namarba la ˝iew seng lehnoh (underground) ´a ka ka dei ka jingkhot ´a ngi uwei pa uwei bad kawei pa kawei ka khun Khasi ba ngi mih ma ngi shakhmat (overground) ban ieng ban ´ada ´a la ka jong ka Ri. Ka jing´aid pyneh rngiew ba la ju ´alam da ka seng KSU ka la ´arap ban pynbna sha ki bar jylla ba ngi dei ma ngi ki trai jong ka Sor Shillong, ki trai ka Ri Khasi. Lada kane ka jing´aid jaijai ka pur sha baroh ki jaka ba la tap lup da ki bar jylla ha sor, kan pynlong ´a ki ba kin kynmaw ba ki dei tang ki nongwei ha ka ri jong ngi bad kin kham antad ka leh baheh.

Kawei pat ka long ba ka jingpyrta shnong ma ngi ki Khasi ha ka dur ki sengbhalang bapher bapher ha ki surok bad ki jing´akhih jong ngi kim da lah eh ban wanrah kloi ki jingkylla. Ka jingkylla kaba ngi lah ban leh ka long dei sa tang lada ma ngi ki Khasi ngi bat hi ´a ka bor synshar shitylli, ngi dei ma ngi ki IAS ki MCS ki ban bat ´a kiba bun ki kam ai˝ ha Secretariat, ngi dei hi ma ngi ki Chief Justice bad ki Judge ha ka Meghalaya High Court bad kiwei ki jaka jong ka ai˝, ngi dei ma ngi ki IPS ki MPS ki ban tehlakam ´a ka shongsuk shongsai˝ ha ka Ri bad ngi bat hi ma ngi ´a ka business ne khaii pateng ha ka jylla. Lada ngi khlai˝ haduh katne, ym donkam ban da ´a pynlong rally pyrshah ´a ki bar jylla ne ban khang ´a ki ba kin wan kiew shane ka ri jong ngi. Kiba don hangne kin shu mih hi noh dalade namarba kim ´oh jaka ban kharoi. Lada ki sah hangne ruh kin long tang ki nongtrei bad ki nongbylla hapoh jong ngi. Hynrei kaba sngewdiaw ka long ´a kine ki kam kiba heh baheh bad ki kam kiba long ki lad (Channels) ban pynkhlai˝ ´a ka jaitbynriew ha ka jylla jong ngi, la bat bad shong shuki da kiwei pat ki jaitbynriew. Dei tang haba ngi bat hi ma ngi ´a u shabi ban ´alam bad synshar ´a ri jong ngi, hangta ngin shem ba kine ki jingeh kin m mih haduh katne bad ba ngin ym donkam ´a ki nongwei ba kin kren na ka bynta ka jaitbynriew jong ngi. Ban pynurlong ´a kane, ka dawa ´a ka jingpynshitom jong ngi ki mynta, khamtam ki samla ka jaitbynriew. Ngi hap ban trei shitom ha ki jingpule jong ngi ban thew sha kitei ki thong khnang ba ngin lah ban wanrah ki jingkylla. Ka jingtlot ka jaitbynriew jong ngi ka dei ka jingjaituh, ka jingbympynshitom bad ka jingkwah lehsuk. Nuksa, man ba mih ki result Matric ne klass XII, katno ngut eh ki Khasi ki ban don ha ka top list. Kham bunsien kin dei kiwei pat ki jaitbynriew kiba bat ´a ki kyrdan ba shakhmat. Ban da ki samla Khasi jong ngi ki im sngi ban trei shitom, ym don jingkhanglad ba kin kot sha ka thong. Ha ka jaka ban mih bun ki sengbhalang, kin mih bujli da ki samla ba la nang la stad ki ban shong ha baroh ki tnad treikam ka Jylla jong ngi. Hangne kan dei kata ka jingong, ôKa kam ka kren kham jam ban ´a ka ktien.ö Khatduh ´awai, ka jingjyllei ki nongwei ki bar jylla ha ka ri jong ngi ka la dei ban long ka jingmaham ´a kiwei ki jaka bym pat ´oh suhkhlieh kiba kum kine, ba dei ban husiar bad peitngor ba u Ĺkai˝´ong un ym ´oh ban biah phongrai ha ki shnong ba dang sotti jong ka ri lum Khasi jong ngi. Kumba u phareng u ong ôprevention is better than cure,ö ngin ´ada ´a ka ri jong ngi shwa ba kan dier ka por ha kaba ngin ´akhun ban pynkhiah ´a ka da ki jing´aumsnam. Namarkata, ban im ban shngai˝ ka Ri bad ka jaitbynriew, ka dei ha ngi ki mynta ba ngin leh eiei noh, lada ngi ieit ´a ka kumba ngi ju rwai ´a ka jingrwai ieit Ri:

Ri Khasi Ri Khasi
Nga ieit ´apha
Ka Ri kaba ieit uba rim uba jah
Ki tymmen mynhyndai la ngam ´ohi shuh
Jingkynmaw ´a ki kan ym duh.
Ri, Ri
Nga ieit thoi˝ thoi˝ la ka Ri
Ngin kiew sha khlieh shaphrang ngin mih
Umpohliew jingstad ngin ´a dih.



Pyndem u MDC hap hiar shuki Chairman Forest ha GHADC

Tura, Jylliew 17 : Hadien ka jingpyrshah jong kiba bun ki sengbhalang ka rilum Garo, u Sofiur Rehman, MDC ka BJP na Balachanda hynin ka sngi u la resai˝ noh kum u Chairman ka Forest Advisory Board jon...MORE

¤alam u Nongmihkhmat ka ANVC ´a ka GSU, kynnoh u Chairman barim ka ANVC-B

Shillong, Jylliew 17: U Chairman barim ka ANVC-B u Bernard N Marak ula kynnoh ba ka seng Garo Students Union (GSU) ka dei ka seng bala ialam da u Nongmihkhmat jong ka kynhun kaikhlaw bala pyndam-ka Ac...MORE

Rai u MR ban nym pyndonkam Plastic ha Ophis

Shillong, Jylliew 17 : U Myntri Rangbah ka jylla u Conrad K Sangma u la pynpaw ba un nym pyndonkam shuh ´a ki plastic ha ophis jongu bad kane ka long kum ka nuksa ´a kiwei ban bud khnang ban pynduna n...MORE

Bteng ki 11 seng ban khang die Shillong Times

Nongstoi˝, Jylliew 17: Ki 11 tylli ki sengbhalang jong ka West Khasi Hills, ha ka jing´akynduhlang ha ka sngi saitjai˝, ki la rai ban dang bteng ´a ka jing khang ban die ´a ka kot khubor Shillong Time...MORE

Sngewkhia u MLA ba ohdor tam ki Muktiar ´a kiba aplai Birth Certificate

Nongpoh, Jylliew 17: U Bah Mayral Born Syiem , MLA ka Nongpoh hadien ba u la ´ohpdiang bun ki jingujor na ki paidbah u la pynpaw ´a ka jingsngewkhia kaba jur halor ka jingshah ordor tam ki paidbah kib...MORE

2 lak ai jing´arap ka kurim u dkhot ka MBOCWWB

Nongpoh, Jylliew, 17: Ka Meghalaya Building & Other Construction Workers Welfare Board,lyngba ka ophis jong u Deputy Labour Commissioner, Ri Bhoi District, Nongpoh ha ka 14 tarik Jylliew 2018, ka la a...MORE

Mawphor Office Nongstoi˝

Nongstoi˝, Jylliew 17: Ka Office Mawphor bad Highland Post Nongstoi˝, West Khasi Hills District kaba ju don baroh shikatta mar pyrshah ´a ka Nongstoi˝ Police Reserve, la pynkynriah noh ha ka ´ing kaba...MORE

Kular u CM ban shimkhia ´a ki jingduna ka Mendipathar College

Tura, Jylliew, 17: U Conrad K. Sangma, Myntri Rangbah ka Jylla u la kular ban shimkhia ´a ki jingduna jong ka Mendipathar College hadien ba ka Garo Studentsĺ Union, Northern Zone ka la pynsngew ha u h...MORE

Byrngem ´akhih ka AGHSSASTA ba sahteng ka tulop bad ka Arrear

Tura, Jylliew, 17: Ka All Garo Hills SSA School Teacherĺs Association (AGHSSASTA) ka la byrngem ban sdang noh da ki jing´akhih lada ka Sorkar Jylla kam sngap ´a ki jingdawa ban pyllait noh ´a ka tulop...MORE

Pynsangeh jing´akhih ka MPWU

Shillong, Jylliew, 17: Ka MeECL Progressive Workers Union (MPWU) ka la pyntip sha baroh ki dkhot kiba don ha kylleng ka jylla ba ´a ka jing´akhih ba la khot pynlong naduh ka 18 tarik mynta u bnai la p...MORE