««|Ban kyntiew ´a ka koit ka khiah ka rep ka riang ha ka jylla, kren u CM hakhmat ka NITI Aayog    ««|Ha ka 05 ne 10 tarik Naitung yn plie noh ´a ka Sub-Division ha Ranikor    ««|Iengskhem ka KSU ban pyrshah Lynti rel ha Jylla katba ym pat lah tehlakam ´a ki Mynder    ««|Da ka ĹTur Shaphrang Awardĺ ai mynsiem ka HYC ´a i samla Lily Kharthangmaw    ««|¤ingkhong ka dukan ha ¤ewduh, suba jur ba shah thang dusmon ha ki runar    ««|Ka jingkhang ´a ka Internet ka ktah ´a ki samla wadkam bad samla pule: KHNAM    ««|Ba poi 4th Position HSSLC, pynkupburom ka Saitsohpen bad MDC ´a ka samla    ««|Kyrshan ka FKJGP ´a ka jingdawa Civil Sub Division u MLA Congress na Mawlai    ««|Kyntur ka HYC sha DC Ophis halor ka jingai Schedule Tribe ´a ki bar Jylla    ««|Da ka kali bad shuki ai u MDC ´a ka shnong Saitsohpen


LADA YM LAH MYNTA, YN NYM LAH SHUH

Dr. Rusievan Shangpliang Assistant Professor, Department of History, Synod College, Shillong.

8 June, 2018

Ka jingpynbna khubor jong kawei kot khubor phareng na Shillong ia ka jingjia ha ka 31 tarik Jymmang 2018 khlem da wad bniah ia ka jingshisha kaba noh shiliang khmat pyrshah ia ki Khasi bad ban pynlong ia ka ba ka dei ka thma iapher jaidbynriew ka long kaba dei eh ban pynrem jur da baroh kiba don ia ka bor sngewthuh. Kaei ka jingthmu basha lyndet jong kane ka kot khubor haba ka leh kumne khlem pyrkhat kaei ka ban ktah ia ka imsuk imsain ym tang ha kajylla hynrei ka kiwei pat ki bynta jong ka ri India ruh. La iohi ba ka khubor lamler ba ka jingiakajia ka mih na ka jingthombor jong ki Khasi pyrshah ia kiwei pat ki jaidbynriew ka la pur shaduh ki kotkhubor kylleng ka ri, ki news channel bad ki social media. Kum ka kotkhubor kaba la slem bad la shaniah da uba bun, kumno ka don kum kane ka jingmut ban pynsaphriang ia ka khubor ka bym dei? Halorkane, kane ka kot khubor ka la dei ban sngewthuh ba ka dei ban pan map na u paid Khasi ia ka jingleh jong ka bad ban kular ba nangne shakhmat kam bit ban pynmih khubor khlem da wad bniah bad ba kam dei ban shah liang iano iano ruh.

Haba phai sha kane ka jingjia ba mynta, ka la mih kajingkynthoh na kiba bun ki paidbah Khasi baöLada ym lah mynta, yn nym lah shuhö. Balei ka mih kane ka jingkynthoh? Ka daw ka long ka shong syier ha la ka jong ka jaka kat haduh ba hap ban ngat ha kane ka apot jynjar. Ka jingmih kynsan ka jingiakhih ha kine ki khyndiat sngi ka la pynshaiong ngain ia uba bun, ia ki trai shnong, ia ki bar jylla bad wat ia ka ri baroh kawei. Ka pynkhie im biang sa shisien ia ka jingialeh pyrshah iakita kiba thmu ban thombor ia ki trai jaka bad ia ka jaidbynriewkum ba la jia teng ha ki snem ba la leit. Sha kito kiba sngewphylla bad kren khohnioh shaphang ka jingmut jong ka kyntien jaidbynriew, nga kwah ban pynsngew ba ka jaidbynriew ka dei ma nga bad ma phi, kiba bud bad iaid katkum ka rukom im rukom sah bad ki riti dustur jong u Khasi.

Kaba lyngngoh ka long ba don kiba sngewphylla ba balei ngi mih kumne shakhmat ban dawa ia ka jingsuk da ka jingiakynad. Haba ka jingshah thombor ka la poi ha khyrdop ka ing, hato lah mo ban shu sngap?.Baroh ki don ka hok ban iada ia u pud u sam bad ia ka jaka lajong. Ki la don ki nongkynthoh ba hato kita kiba leit iakhun ha kine ki khyndiat sngi ki mihkhmat na ka bynta ka jaidbynriew Khasi? Bad ruh ki nongkynthoh ba kine ki dei kiba shun jaidbynriew. Halor kane nga kwah ban shu kylli, hato ngin ap haduh ba ka jingthombor kan wan ha dpei lajong? Ha ka jaka ba ngin kyrshan na ka bynta ka lawei ka ri Khasi, ngi pyrshang pynban ban theh umpjah.Ki nongkynthoh ba kane ka jingialeh na ka bynta ka jaidbynriew ka dei ka jingkhluit khlieh ki dei ban sngewthuh shai ba kane kam dei ka jingiakhih ba mih na ka jingsngewpher jaidbynriew hynrei ka dei ba ngi hap iada ia ka hok longtrai ha ka ri lajong. Hoid kine kiba kynthoh ki don ka hok ban kynthoh, hynrei ki dei ban da pyrkhat bha shwa ban pynrem ne kren bein bad wad bniah balei ka mih kane ka jingjia. Kumba ngi la iohi, ki paidbah khamtam ki nongshongiew kim pdiang iakata ka jingiapynbeit hadpeng ki Khasi ba shah shoh bad ki nong leh ia kane ka kam sniew ha ka 31 tarik Jymmang ka dei namar ba ki kwah ia ki briew kiba shong basah ha katei ka jaka ban mih noh nangtei na Them metor bad ki la pynpaw ba kim kwah shuh ban dang ailad ia ki ba kin leh katba mon ha katei ka jaka kaba bun na ki ki shu shong beain. Kiba bun ki la iohi ba ka jingdon jong ki ha katei ka jaka ka la pyndik shikatdei eh ia u ba bun. Lehse kawei pat ka daw ka long ba ka jingleh baheh bad jingkam trai jong kitei ki nongsah bad ruh kaba la pynkhapngiah ia ka jaka bad ka la pynsohkyrdot ia ka leit ka wan ki nongiew nonghat. Shuh shuh ruh katei ka jaka ka dei ka lynti iaid hapoh ka iew lane ka commercial areakam dei ban shah ban sah briew, hato lah ban pdiang ba ha ka iew shah ban sah ia ki briew bad ban shna ia ki ingsah jong ki?. Bad kaba kham pynlynngoh ia baroh ka long mano ba ai jingbit ia ki ban shna jaka mane hangto?

Lada ka sorkar ka don ka mon ba khlain ka la dei ban leh wut wut ia kaba donkam. Kam dei ban pynjlan shuh ia kane ka kam namar ka jingktah ia ka iew ka hat, ki jaka pule, ia kiba duk bad ka shongsuk shongsain. Kam dei ban pynbud ia ka sorkar ba la leit noh kaba la leh matlah bad kyllut ia ka jingeh u paidbah. Ka jingbymsuidniew ban pynbha ia ka them iew mawlong bad ia ka iewduh ka dei kaba la paw tyngkrein bad ym donkam shuh ban da batai bniah hangne. Ka dei ban sngewthuh shai ba kane ka jingjia ka dei ka jingkylli bad artad ruh ka jubab jong u paidbah sha ki nongmihkhmat. Haba phai sha ka District Council bad sha ka jingtrei kam jong ka, ka la long kum ka jaka ia khalai shuki jong kiba bun ki MDC khlem da pyrwa kaei ka ban jia ka jaidbynriew ha ki snem ban wan. Bun ki ong ba dang lah ban niew ia ki kam kiba myntoi na ka bynta ka jaidbynriew kiba ka la leh ha kine ki snem ba la leit baroh. Ka rukom trei kam jong u Syiem ka Hima Mylliem ka la pynlyngngoh ia kiba bun. Ha ka jingshisha U Syiem U Kmie ha ka dustur Khasi uba dei ban don ka jingkitkhlieh ban da ban ker, ban iasaid iatai, ban peit ia ka bha ka miat jong u paid ka Hima, pynban kane ka jingiohlad jong ki briew ba sah beain hakatei ka jaka kaba hapoh ka jingpeit jong u Syiem ka kylla long ka daw bah ba pynurlong kane ka jingiakajia hakatei.

Ka jingkynthoh jong u Chief Minister badonburom U Conrad K. Sangma ha kine ki khyndiat sngi ba la dep ba ka kane ka jingiakhih la bei tyngka bad kyrshan da ki katto katne ka long ka jingkren kaba ngam khmih lynti bad poi pyrkhat ba kane kan mih na u briew uba bat ia ka shuki ba ha khlieh tam eh ka jylla.Hato kita ki nongkyrshan ki ai pisa ia ki nongiakhih ban thied maw? Lada ka dei shisha kumta, ngi kwah ban iohi ia ki sabut ba biang ban pynshisha ia kane ka jingkren. Wat la ka long kumta ruh, u Chief Minister ha ka jingshisha u la dei ban kham tyngkan bad kren kum u rangbah uba la biang bad ih ka pyrkhat pyrdian bad um dei ban kren ia ki kyntien ki ba lah ban nang pynshrai ia ka jingialeh.Lada ki bor sorkar ki la lah ban iohlum kum kane ka jingtip hynrei kaba lyngngoh pat kim lah ban ioh jingtip ba ki paidbah kin leit rung ha secretariat.Ki don ki ba la sngewsih ba kum kane ka rukom kren ka dei ka jingibein ia ki nongiakhih kiba don ka jingsngewkhia naka bynta ka Ri bad ka jaidbynriew.Ngi lyngngoh ruh ba katkum ki kular ba la mih ha ka Sngi Nyngkong (4tarik Jylliew) ngim iohi satia haduh mynta iaki kyrteng bad ki dur jongkito ki ba shah kem bad donkti ban shoh ia ki khynnah Khasi ha ka 31 tarik Jymmang. Ngi lyngngoh ruh ba balei ka sorkar kam lah ban bat ia ka kular ban pynlait noh ia ki khynnah Khasi ba shah kem naduh ka 1tarik haduh 4 tarik Jylliew khlem da buh kyndon. Bad ka jingkylli kaba kham kongsan mynta ka long ba haduh katno por kata ka High-level Panel kan shim ban ai ka rai ban weng ia ki nongsah beain na katei ka jaka? Haduh lano kane ka curfew bad ka jingkhang ia ka iewduh kan bteng?

Ngi iohi ba ka mih ka jingkynthoh na u Chief Minister barim ka Jylla u Mukul Sangma ia ka jingbym lahteh lakam ka sorkar ba mynta ia kane ka jingiakynad bad kubur ba lada ailad ia u bad ka party jong u ki lah ban pynbeit wut wut ia kane ka kam. Kaba sngewlyngngoh pat ka long ba u ong ba ki 8 snem kiba ka sorkar jong u ka la synshar kim pat dap ban pynbeit ia kiei kiei. Kumta ngi kyrpad ba kum kine ki kynthoh ba khlem shongnia kim dei ban pynwit ia ka sorkar ba mynta kaba dang pyrshang ban wanrah ia ka jinglong jingman ba tikna. Lada kam lah ban leh iakata, ai ba ka pork an batai bad ai ba u paidbah un pan ka jubab kaba biang na ka sorkar. Kein noh ka jingia kynnoh iabein iashrut, iaknieh shuki namar dei kine kiba pynthame bad pynrhah ia haduh ban kloi ban die tad ia ka jaidbynriew khlem pyrwa.

Kane ka jingjia ha kane ka kynti kaba mynta ka pynkynmaw ia ngi ki Khasi ba nangne sha khmat ngim dei ban ban ai jaka rieh tngen khlem da pyrkhat ia ka lawei ka jaidbynriew. Ngi dei ban da thew da woh bad bishar bniah ba hato kita kiba ngi ai jaka rieh kin don ne em ka mynsiem sngewnguh. Ngi dei ruh ban nang iohi jngai shuh shuh ba ka lawei ba bha jong ka jaidbynriew bad ki khun ki siew hadien habud ka shong ha ka rai ba ngi ai mynta. Khatduh eh ngi sngewnguh ia ki nongshongiew kiba la aiti lut met bad mynsiem ban kyrshan ia kane ka jingialeh ba khlem ma ki kane ka jingiakhun kan ym poi haduh katne, ngi sngewnguh ia u paid Khasi, na sor bad na nongkyndong ki ba la ai mynsiem bad iai shah shitom ban ioh ia ka thong ka jingjop. Ngi sngewnguh ruh ia ki nongialam shnong, ki sengbhalang bad ki riew shimet kiba kloi ban ia mir jingmut kumno ban ioh kheit ia u soh bathiang. Kaba kham kongsan eh kalong ba ngi sngewsarong ban tip ba ki ki dang bun ki riew ieit ri kiba mih shakhmat ban len ialade khlem tieng ne riej wat hapdeng ka jingiakhun kaba shyrkhei kiba khlem da don nongialam ki mih da ka jingsngewkit khlieh na ka bynta ka jaidbynriew. Ai ba kane ka jingjia kan nang ai mynsiem ba wat la ngi rit paid, ngin iatylli na ka bynta ka hok longtrai ha ka jaka lajong. Bad ruhai ba kiwei kin iohi ba ngi ki briew kiba ieit ia ka jingsuk, hynrei ngim lah ban shah ia ka jingshah thombor ha la ka jong ka khyndew. Im slem ki Nongshongiew, Im slem ka Jaidbynriew, Im slem Ri Khasi.

** Lehse kan long ruh kaba dei lada ki lad pathai khubor, ki wad jingtip na kitei ki briew kiba sah ha them metor, la dang kwah shisha ban sah hangtei ne ki la kwah ban kynriah noh shawei. Namar ngi la iohi beit ´a ka jingkren ki para jait jong kiba wan nabar ka jylla Meghalaya, hynrei na ka shyntur jong kiba sah hangtei ngim pat iohi eiei.



Pyndem u MDC hap hiar shuki Chairman Forest ha GHADC

Tura, Jylliew 17 : Hadien ka jingpyrshah jong kiba bun ki sengbhalang ka rilum Garo, u Sofiur Rehman, MDC ka BJP na Balachanda hynin ka sngi u la resai˝ noh kum u Chairman ka Forest Advisory Board jon...MORE

¤alam u Nongmihkhmat ka ANVC ´a ka GSU, kynnoh u Chairman barim ka ANVC-B

Shillong, Jylliew 17: U Chairman barim ka ANVC-B u Bernard N Marak ula kynnoh ba ka seng Garo Students Union (GSU) ka dei ka seng bala ialam da u Nongmihkhmat jong ka kynhun kaikhlaw bala pyndam-ka Ac...MORE

Rai u MR ban nym pyndonkam Plastic ha Ophis

Shillong, Jylliew 17 : U Myntri Rangbah ka jylla u Conrad K Sangma u la pynpaw ba un nym pyndonkam shuh ´a ki plastic ha ophis jongu bad kane ka long kum ka nuksa ´a kiwei ban bud khnang ban pynduna n...MORE

Bteng ki 11 seng ban khang die Shillong Times

Nongstoi˝, Jylliew 17: Ki 11 tylli ki sengbhalang jong ka West Khasi Hills, ha ka jing´akynduhlang ha ka sngi saitjai˝, ki la rai ban dang bteng ´a ka jing khang ban die ´a ka kot khubor Shillong Time...MORE

Sngewkhia u MLA ba ohdor tam ki Muktiar ´a kiba aplai Birth Certificate

Nongpoh, Jylliew 17: U Bah Mayral Born Syiem , MLA ka Nongpoh hadien ba u la ´ohpdiang bun ki jingujor na ki paidbah u la pynpaw ´a ka jingsngewkhia kaba jur halor ka jingshah ordor tam ki paidbah kib...MORE

2 lak ai jing´arap ka kurim u dkhot ka MBOCWWB

Nongpoh, Jylliew, 17: Ka Meghalaya Building & Other Construction Workers Welfare Board,lyngba ka ophis jong u Deputy Labour Commissioner, Ri Bhoi District, Nongpoh ha ka 14 tarik Jylliew 2018, ka la a...MORE

Mawphor Office Nongstoi˝

Nongstoi˝, Jylliew 17: Ka Office Mawphor bad Highland Post Nongstoi˝, West Khasi Hills District kaba ju don baroh shikatta mar pyrshah ´a ka Nongstoi˝ Police Reserve, la pynkynriah noh ha ka ´ing kaba...MORE

Kular u CM ban shimkhia ´a ki jingduna ka Mendipathar College

Tura, Jylliew, 17: U Conrad K. Sangma, Myntri Rangbah ka Jylla u la kular ban shimkhia ´a ki jingduna jong ka Mendipathar College hadien ba ka Garo Studentsĺ Union, Northern Zone ka la pynsngew ha u h...MORE

Byrngem ´akhih ka AGHSSASTA ba sahteng ka tulop bad ka Arrear

Tura, Jylliew, 17: Ka All Garo Hills SSA School Teacherĺs Association (AGHSSASTA) ka la byrngem ban sdang noh da ki jing´akhih lada ka Sorkar Jylla kam sngap ´a ki jingdawa ban pyllait noh ´a ka tulop...MORE

Pynsangeh jing´akhih ka MPWU

Shillong, Jylliew, 17: Ka MeECL Progressive Workers Union (MPWU) ka la pyntip sha baroh ki dkhot kiba don ha kylleng ka jylla ba ´a ka jing´akhih ba la khot pynlong naduh ka 18 tarik mynta u bnai la p...MORE