««|Kyrshan ki nong´alam Balang ´a ka shithi u Arcbishop ka Delhi halor election MP 2019    ««|Sngew thikna u Dr Mukul ban pynjop donburom ki paidbah ´a ka Miani    ««|Pynkut u Conrad Sangma ´a ka jing´alap election ha Ampati    ««|Khlem Patta, 75 hajar ´oh ka Madrassa Himayatul Islam UP School na ka NLCPR    ««|594 ki kam thombor ´a ki kynthei, 360 ´a ki khynnah, yn ´amir jingmut ka NEN    ««|Trei jubor ki pipe pei, palat shiteng ka um lait ei tang ha lynti Mawphlang - Shillong    ««|Ther ka MPYC ´a u Conrad ba kren tdong tdong khlieh khlieh ´a ka Ampati    ««|Kyrshan ka Trongpleng ´a jinglong trai jaka ka Kur 7 Kynthei Snaitang Raibah    ««|Leit jngoh u BDO Mairang ia ka jingshna Sanitary Complex ka Khadsawphra College    ««|Shah rahbor u rangbah sha Bangladesh    ««|Ba shimkhia u MLA shen yn ´oh jaka ´eng taksi ka MTODA ha Maw´ong


Kumno Ngin Jied?

Rusievan Shangpliang

12 February, 2018

Shwa ba kan wan ka jingjied syiem, ha ki por ba rim jong u Khasi, ´a ka kam ban jied nongsynshar ´a ka shnong ka raid la pynkyntang bad pynskhem da ki Lyngdoh ki Basan ha la ki jong ki dong ban pynkhamti ´a ka kam kumba la kdew ne buh bynta da ki blei ki dken. Ki da jied kynsai da u rangbah uba shisha uba long u rangsatar, u khla ka wait, u briew ba don ka jingstad, ba don jingkitkhlieh bad jingshem phang ban ´alam ban ´ada bad u ba lah ban rai ´a kaba bha tam na ka bynta jong u paidbah. Kham ˝iar ban don ka jing´ashrut ne pynibor ban poi sha ka sngewsih ne mynsaw. Kane ka pyni ´a ka jinglong ba rangbah jong u rangbah nong´alam ba shah jied bad ´a ka jing´atylli bad jingstad jong ki nongjied. Wat la ka don ka jingkylla hadien ba la dei ban jied da u syiem ban synshar ´a ka Hima, ka jingpher ka long tang ha ka jingmih jong ki myntri bad ka jingbuh ryntih ´a ki kyndon ban ym kulmar hadien habud.

Ka kam ´aleh elekshon sha ka ¤ing Dorbar Thawain ban mihkhmat naka liang u paidbah kumba ka long mynta ka dei kaba dang shu mih shen ha ka jing´aid lynti u Khasi Khara. Ka dei kaba hadien baka sorkar phareng ka la pyn´asnoh ´a ka Ri Khasi sha ka Ri India ba ´a ka jingjied nongsynshar kum ki syiem bad lyngdoh la pyn´apher naka jingjied ´a ki nongmihkhmat jong kata ka sorkar ba ki khot ka shynshar paidbah (democratic government), hakaba mano mano ruh lah ban ´akhun ban long nongsynshar. Ki syiem ki dang neh hi kumba dei ban long hapoh ka jingkhmih ka District Council, hynrei kim don bor eiei ban pyn´aid ´a ka synshar khadar bad kane ka ´aid katkum ka riti synshar jong ka Ri India naduh baka ´oh jinglaitluid na ki phareng.

Wat la kata ruh, ka history ka ´athuh ba ki don kita ki nongmihkhmat hapdeng ki snem 1920-70 kiba dang don hi ka jing´asyriem ´a ki nongsynshar hyndai. Kiba kloi ban kit ´a ka kh´a ka shon ka Ri bad aiti ´alade met bad mynsiem naka bynta ka bha ka miat u paidbah. Ki la saindur ´a ka lynti ba u Khasi un ´aid ryngkat ki ain ban ´ada ´a ki riti ki dustur. Kane kam dei tang ka jingtbit jong ki nongmihkhmat hynrei ka daw ka dei eh na ka jingshemphang jong u paidbah Khasi ha kito ki por.

Ka jingkylli kaba mih mynta ka long, hato dang ´oh mo kum kine ki nongmihkhmat barim bad hato ngi ki paidbah ngi shemphang bad sngewthuh haduh katno ban jied ´a kiba mynta? Kine ki dei ki por kiba eh tam ha ka jing´aid lynti ki jaidbynriew ka pyrthei kiba bud ´a kata ka rukom synshar paidbah lane democracy namar dei ka por ban rai ´a ka lawei jong u ba bun. Ban jied ´ano ´ano ka dei ka mon lade, ka mon laitluid bad ka mon ba kylluid naka bynta ka jingbha jong ka shnong ka thaw bad ka ri baroh kawei. Hynrei kaba sngewsih ka long ba ki nongjied kim pyndonkam hok ´a ka kumba ka dei ban long bad ki don pat ki nongshah jied kiba shim kabu da ka jler bad ka thok.

Tang kynduh ´ano ´ano kum ha kine ki por ka jinglylli ka mih beit kumne - "Mano ba khlain sha phi"?, ym tip shuh kamut aiu haba kylli ´a kane ka jingkylli. I kumba ka elekshon kam don jingmut shuh naka bynta u paidbah pynban ka long kum ka jing´amareh thong kito ki ba ´a khun ´a ka. Ngim pat lah ban mih da kiwei pat ki rukom pyrkhat haduh mynta lait sa tang ban ´a pynkiew skong jubor. Ym ju kham don koit ki ban kylli shaphang ka jingtbit jong kita ki ban long nohmihkhmat ne ki mat trei kam jong ki na ka bynta u paidbah. La shu ´a pyrkhat lyngkot beit khlem da pyrkhat kaei ka ban jia lada bakla jied. Hana ki ong mynta ka sien te ym lah tip shuh mano ban jop ba ki paidbah ki la ´a stad palat. Lada ngam bakla, kane hi ki ju ong man u snem ba dei elekshon.

Hynrei ka long khongpong pynban, namar katba dang mih ki snem paidbah la nang sangem bad la sngewthuh bakla ba ka jingbieit, jingsngew stad bad leh shongshit la pynlong kum ka jingshemphang. Imat ka jingshah pynbieit haki por long jing´alang (canvass) da ki kular ba ha lyer kala long myllen, imat ki leit sha kine ki jing´alang kum ba leitpeit ´a ki singing competition ban peit mano ba kham nang ban kular. Wat la bunsien ka jingkwah jong u paidbah ka long ban ´oh kita ki nong´alam kum ha ki por barim hynrei ka bor ka pisa ka trei jur ban pynmatlah ´a ngi khlem da pyrkhat arsien ´a ki jingeh ban wan hadien. Ka jingshongshit ba neh shipor ba la shu padiah kum thylliej khlem shyieng, khlem da pyrkhat ´a la ki khun ki kti shaei kan leit ka lawei jong ki.

Na ka kam ba kyntang ka la kylla long ka kam thamula namar ngi jied nongmihkhmat da ka jingsngew - sngewbaha´ing, sngewpara marjan, sngew para shnong, sngewpara bangeit, sngewparalok bad kum kine ki jingsngew kiba tap lup ´a ka jingmut jingpyrkhat ba shongnia. Kaba kham sngewsih ka long ba ngi pynkha pynroi ´a ka jing´ashun para briew tang namar ba ´apher ka seng ne nongmihkhmat ba ngi kyrshan.

Ban kham pynjynjar shuh ´a kane ka kam ka dei ka jingmih ki seng bapher bapher kaba la pynthaiong ´a ka jingmut u paidbah. Don ki khep ba ki nongmihkhmat ki biang, ka party pat ka kynriang bad hateng hateng pat ka party ka long katba nongmihkhmat pat ba khongpong. Lada ki kren ieit jaidbynriew ki klet ´a ka constituency bad lada ki pyrkhat constituency kim don jingsngew pat naka bynta ka Ri.

Ki seng bad nongmihkhmat ruh la shu lapmiet tang ban kdew kti ´a kiwei; ym don shuh ki ban pyrkhat nakabynta ka jingbha ba lah ban wanrah. Ban khlem ´oh kawang ktieh te ym ´ohthiah ´ohdem namar la ´ohi sa tang ´a ka lyngkdong ki myllem. Kaba sngew danda palat ka long ba ki don ki nongmihkhmat kiba leh arsap namar wat la katno katno ki ´a bei˝ iwei ´a iwei ban khroh ´a ki paidbah, hynrei da la dei por shna sorkar ne da la dep elekshon, ki la ´a kmen ´a rkhie lang, ´a snoh kti snoh kjat bad ´a kdup markylliang; katba ki paidbah pat la ´a pait ´a pra, la ´a khru para ma ki tang namar ka jingkwah myntoi ´alade, ne ban pynsngewbha ´a ki briew.

Ki don ki seng ba la ´alam ´a ka jylla da ka jingkwah rhah bad khlem jingkhei˝. ki program tamasa ba la pynlong da ka sorkar jylla kiba buh jingkylli ba haduh katno ki wanrah ´a ki jingmyntoi ki ´asyriem ´a ka jingpynlut kai jongka sorkar kmie ´a ka pisa jong u paidbah da ka jingleit shang pyrthei jong ki heh nongsynshar.

Nalor nangta, imat ka sorkar Meghalaya ka pynbud ´a ka sorkar India ha kaba ´adei bad ka liang ka pule ka puthi ka da pyni shisha ba ka tieng ba ´oh ki paidbah kin nang ban kylli bad thew ´a ki jingleh bym hok jong ki. Ki nonghikai sha kiwei ki ri ki ´oh ´a ka jing´arap ba kynsai tam hynrei hangne pat ban ´oh ´a ka hok lajong ki hap mih ban pyrta shla sha surok. Ym don jingpyrshang ban seng ´a ki skul, college ne university ki ban ´arap ´a ki khynnah pule kat kum ka juk ba mynta bad wat haba seng pat ruh la shu ieh sem blang sem masi. Ki lad seng kam seng jam ba la pynmih ha ki snem ba la leit kham bunsien ki ´oh kiba la biang lypa bad ba ladon ka jing´adei ne ithuh bad ki bor ba dei peit. Bun ki khynnah samla ba la dep pule ki shu ´aid ruma bad trei tang ban ´oh ja kpoh.

Ki nongrep bad ki nongbylla ki kynduh shibun ki jingeh kumjuh ruh ka iew ka hat ka la nang hiar kat dang mih ki sngi. Haduh katno la leh eiei naka bynta jong ki? Ka jingsam tiar sha ki khynnah skul ba nongrep kan ´arap tang ´a ki shipor. Kaba donkam eh ka long ki mat ban treikam (policy) bad ki ain ban ´ada ´a ki. Phewse, ym don jing´akren kum ´a kine ki kam kiba ktah ´a uba bun balang.

Nalorkata, ka jingjur ka bamsap bad jingpyndonkam bakla ai ka pisa u paidbah ka dei ka jingthmu ba sinew ka pyn´ap ´a ki barit bar´a katba ki heh ki saipan pat ki dang ´ohlehmon khlem jingteh lakam. Ka la don ka jingkynnnoh ba ka Meghalaya Public Service Commission (MPSC) bad ki District Selection Committee (DSC) la shu pyn´aid khlem jingkhei˝ ryngkat bad ka bam sap ba shyrkhei kaba lehkai ´a ka ka jingim kiba bun. Kam long shuh ka kam ba sngewphylla ba ka jingpyrshang ban pyni kumba trei kam da ka jing buh ´a ki mawnongrim la pynlong kam kai ´a ka kam shisha ryngkat ka jingpynsepei ´a ka pisa. Ha kaba ´adei bad ka jingsumar ´a ka mariang, la shu kam ruma ba ieit mariang tang ban ´oh pynlut ´a ka pisa khlem da leh eiei (ka nuska - ka jingmang pisa ban pynkhuid wah umkhrah lalong kum ka kam ba pynthame ´a u paidbah). Kane ruh kam ´apher bad kata ka Swach Bharat kaba la bam ´a ka pisa u paidbah ha ka kyrteng jong ka jingtih thliew painkhana. Kine baroh ki long thik kum kata ka number plate kali (HSRP) bym lah ´ada eiei lada shah tuh noh ka kali bad ka jingweng ´a ki laitsaw na ki kali ki heh sorkar katba ki siren put khongwieng pat ki pah lynter tait. Nalorkata ki don pat sa ki jingpyrshang ban ktah ´a ka rukom im da ki buit poh ban pharia ´a ka jaidbynriew ba kyrpang, da ki buit sianti ban ktah ´a ka rukom mane bad shakri Blei bad ka jingmushlia ´a ka rukom bam jong ka jaidbynriew. Peit ho ´oh kine ki jingthmu ba shu pynngop bad pynbiej ´a u paidbah ki kylla long ki kam ba ngi la myllen bad khlem da tih bniah ne wad ´a ka tynrai ban bishar ´a ka jingthmu jong ki. To ngin sumar ´alade bad kyndit bynriew ba ngim dei ban shah shukor ha kine ki buit poh ki ban ´alam sha ka jingjot bad jingiuhroit ´a ka rngiew jong ka Ri Khasi.

Ym lah ban jer lut hangne ´a ki kam ba ktah ´a u paidbah. Kane ka long tang ban ktik ´a ka jingmut jingpyrkhat jong ki paidbah ba ngim dei ban long kiba matlah. Kane ka por ba ngi sngew kan myntoi ´a ngi, ka don jing´adei bad ki por ba la dep bad khamtam eh bad ka por ban sa wan. Lada ngim pat lah ban pyrkhat jngai mynta, kaba tieng ka long ´oh ngi babe pat hadien. Kaei kaba ngi rai ha kane ka kynti, kan ktah ´a ka lashai lashisngi. Ka pisa ba ngi shim mynta naka bynta shimet bad tang shipor kan buh jingeh ´a ki longdien. Wei la shim ´a ka pisa ngi la die lypa ´alade sha ki nongsam pisa, la long mraw ka jingim, la jem rngiew ka longrynieng bad ym don hok shuh ban pyrshah, ban kynthoh ne kynnoh hadien. Ko paid ka Ri Khasi, wat pynlong ´alade kum ka tiar ka tar ka mar ka mata. Da pyrkhat ´a ka pateng ka ban wan, ´a ki khun ki kti hadien ´oh ka jingkwah rhah jong ngi mynta kan kyrtoh kylla sha ki. To ngin kynmaw ba kumba ngi bet kumta ruh ngin kheit.

Ngi donkam ´a ki nongmihkhmat ba dei shisha kita ki nongsynshar kiba dei shisha ki rangdajied kum ha ki por ba rim. Ki nong´alam ki ban pyrkhat shwa ´a u paidbah ba la jied ´a ki, kiba trei hok daka mynsiem len lade bad tieng ruh ´a U Blei. Buh barabor ´a ka jingkylli - hato don mo kum kita?. Pyndonkam da ka jingshemphang ´a ka hok ban jied bad buh ´a kine ki jingpyrkhat - ´ano kein yn shaniah ha ki por baroh, shano yn phai haba wan ki jingeh, shano ka lawei ka ri kan poi, shano ka ri kan ´aid lynti ban ´aryngkat bad kiwei pat, bad kumno ngin pynneh pynsah ´a ki riti ki dustur bad jinglong bakyrpang jong ngi. Sa shisien to ngin kynmaw ngi dei ka jaidbynriew rit paid ba tang shi troh, tang shu bakla ngin sa duh sa dam noh. (U nongthoh u dei u Assistant Professor ba hikai ha ka Department of History, Synod College, Shillong)



Mih ki riewthok ba kam ban ai jaka shna dukan ha ki jaka ka MUDA

Shillong: Ka ophis jong ka Meghalaya Urban Development Authority (MUDA) ka la ´oh jingtip ba ki don katto katne ki riewthok riew shukor kiba leit sha ki paidbah da kaba kular ba ki lah ban ai dukan n...MORE

Bret kmie ´a i khun dang kha

Shillong, Jymmang, 24: Ha ka noh phai sngi jong ka sngi balang mynta ka taiew ki nongshong shnong Mawkynrew ki la ´oh tam ´a iwei i khyllung kynthei ba dang shu dep kha narud wah ba don hapoh shnong h...MORE

¤ashoh ki nongkyrshan Congress bad NPP ha Betasing

Tura, Jymmang, 24: Ki nongkyrshan ka National Peopleĺs Party (NPP) bad ki nongkyrshan ka Congress mynta ka sngi palei ki la iapynibor da kaba ´akynrup paramet ha Ampati Constituency kat haduh ba ki pu...MORE

Yn pyntreikam ´a ka Cinematograph Act ha SWKH

Mawkyrwat, Jymmang 24: Ka Deputy Commissioner jong ka South West Khasi Hills District, Mawkyrwat ka la ai ´a kane ka jingpynbna paidbah ba yn pyntreikam ´a ka Cinematograph Act 1952 ha baroh kawei ka ...MORE

Khlem Labour License bylla sngi ki bar jylla

Shillong, Jymmang, 24: Ka Khun Hyn˝iewtrep National Awakening Movement (KHNAM) State Youth Wing kaba la hiar khynra Labour License kyndit hynne ka sngi ha ki katto katne ki jaka trei ha ka thai˝ Mawdi...MORE

Kynrei ki kam leh beijot shi ´ing shi sem ha WKH: Shabong

Nongstoi˝, Jymmang 24: Ka District Child Protection Unit Nongstoi˝, ha ryngkat ka jing´atreilang bad ka Mawthadraishan Social Service Organisation, ha ka sngi palei jong ka taiew ka la pynlong ´a ka j...MORE

Thnem ka ´ew die ngap ba la pynlong da ka ophis u DHO WKHD

Nongstoi˝, Jymmang 24 : Ka ´ew die ngap kaba nynkong eh ha West Khasi Hills kaba la pynlong da ka ophis jong u District Horticulture Officer ha ka sngi Palei ka la long kaba thnem na ka jingwan poi k...MORE

Sngewkhia ki samla Kur Kharsyntiew

Shillong: Ka Seng Samla Kur Kharsyntiew, ka la pynpaw ka jingsngewkhia halor ki samla pule jong ka Kur kiba thmu ban leit pule ha ki lai˝ bapher bapher ha jylla bad shabar ruh. Kumta halor kane ka Sen...MORE

29 tarik yn sdang ka leh niam jong ka Raid Mylliem

Shillong, Jymmang :Ka Dorbar u San Kur u Khatwei Kur ka Raid Mylliem ha u kyrwoh lyngba u Myntri MB Kharlukhi Secretary ka Raid Mylliem da kane ka pyntip ba ka leh niam jong ka Raid Mylliem ia kaba yn...MORE

Yn ´atreilang ka NPP bad BJP Ranikor na ka bynta ka election MDC

Shillong, Jymmang :Ka Seng NPP bad BJP Ranikor constituency kala pynlong ´a ka jing´alang ha ka 22 tarik mynta u bnai hapoh Hills Star Hostel ha kaba la pyn´aid da u President ka NPP u Bah C.Shangdia...MORE

¤oh nongkit kam thymmai ka Dorbar Shnong Sohphoh WJHD

Jowai, Jymmang : Ka Dorbar pyllun jong ka shnong Sohphoh kaba hap hapoh ka Elaka Nartiang West Jai˝tia Hills ka la pynthymmai ´a ki Nongkitkam jong ka, ha kaba la jied ´a u Rangbah Shnong haka 8 tarik...MORE

Kyntu ka JYF ban pynkloi ´a ka jingtohkit halor ka jingshah pyn´ap u President

Jowai, Jymmang : Ka Jai˝tia Youth Federation (JYF) seng kmie ha ka kyrwoh ba la phah da u Socio and Economic Secretary ka seng ma Wanbun Dkhar u la pynpaw ka jingsngewkhia halor ka jingtohkit ´a ka ...MORE

Pynlong jingai jinghikai ka DDM ha Mawkyrwat

Mawkyrwat, Jymmang 24: Khnang ban ai jingpynsngewthuh na ka bynta ki paidbah halor ka jingktah jong ka jingwanlyngshop jong ka mariang bad ban ai ruh ki jingbthah ban tehlakam ´a ka jingpynjot jong ka...MORE

¤oh kyrdan Ph.D I Kong Iadalangki Bamon

Shillong, Jymmang:I Kong Iadalangki Bamon I la ´oh pdiang ´a ka kyrdan Doctor of Philosophy (Ph.D) na ka skulbah North Eastern Hill University, Shillong.Ka Thesis kaba I la thoh kadei ôStudies on the...MORE