««|Wat ym ngop paidbah ha ki kular ba lamler jong ka party BJP, kyntu u Tarun Gagoi    ««|Ka Elekshon MLA-2018 kan dei ka Thma ba Khatduh jong ka Congress ha Jylla    ««|Wat biej a ka pisa oh phi babe kylla, kyntu u Chairman PDF a ki paidbah Mawkyrwat    ««|Pynshlur ka Facebook a ki paidbah ban ashim bynta ha ka elekshon    ««|Pan jingshai ka ECI na ka BJP halor ka Chargesheet pyrshah ia ka Congress    ««|U Dr Mukul Sangma u dei u CM jong ka Congress kynnoh u Conrad    ««|Kynnoh u Tarun Gogoi ba shu thok ka BJP a ka jingkular pynbeit pud Megh-Assam    ««|Pep 3 ngut ki Kyrtong akhun elekshon ka Mairang ha ka jingalang ka NAYWA


Ka bor pisa ka pyntroi a ka synshar paidbah

Bah B.Mukhim

5 December, 2017

a ka Synshar Paidbah (Democracy) la batai ba ka dei ka jingsynshar JONG u paidbah, DA u paidbah, NA KA BYNTA u paidbah (Of the people, By the people, For the people). Hynrei ka bor jong ka pisa ka lah ban pynkylla noh a ka Synshar Paidbah sha ka Synshar da ki Katto Katne (Oligarchy) kiba dei ki heh- spah bad kiba thong/pyndonkam da ka pisa ban jop election. I Bah Jopsing I la batai shaphang kane ka synshar kaba da ki katto katne ba ka dei ka jingsynshar OFF the people, Buy the people, FAR the people.

Ka bor jong ka pisa, ym tang ba ka pyntroi a ka Synshar Paidbah hynrei ka pyndkoh ruh a ka Synshar Khadar bad a ka Roi ka Par. Ha ka MLA election kaba la long ha ka snem 2013 don haduh 36 ngut ki heh-spah ne ki crore -pati kiba la jop election bad kham bun ruh na ki, ki don ha ka liang synshar bad thaw ruh a ka Sorkar. Ngi la mad bad sngewthuh kaba kumno ka jingsynshar ngi la oh lyngba kane ka sorkar ha kine ki san snem ba la dep. Ha kawei ka Kotkhubor phareng kaba la mih ha ka 5 tarik u Lber 2013 la thoh kumne Voters preferred rich candidates, real issue take a back seat (ki nongthep vote ki kham mon ban jied a ki kyrtong heh-spah bad a ki Mat ba donkam la iehnoh sha kyndong). Shuh shuh kane ka kotkhubor ka la bteng kumne State Gross Domestic Products (SGDP) grew by 15 per cent on an average from 2007 to 2012, the assets of as many as 111 politicians who contested this election grew by a whopping 252 percent (Ka SGDP haba khei kyllum, ka la kiew tang 15 % naduh ka snem 2007 haduh 2012, katba ka jingdon jingem jong kumba 111 ngut ki politician kiba a khun a kane ka election ka la kiew haduh 252%).

Ki dak ki shin ki pynpaw ba ha ka MLA Election, 2018 ruh kin don shibun ki heh-spah ki ban akhun election kiba kynthup a ki riew sai- pyrthei, ki nongkhai, ki contractor,ki heh sorkar ba la shongthait bad kiwei kiwei. Ngi ohi ba ki Seng sai- pyrthei bapher bapher ruh ki phai khmat bha sha kine ki heh-spah namar ba ki khmih lynti ba ka spahjong ki kan pynlah a ki ban jop election. Kine ki heh-spah ki a kynriah na kawei ka seng sha kawei pat namar ba baroh baroh ki kloi ban pdiang sngewbha a ki. Ka jingpyrta jong ki ban shakri a ka Ri bad ka Jaidbynriew, ban wanrah a ka roi ka par, ban rat dyngkhong a ka bamsap ka dei tang ban pynbieit paidbah namar ba ka thong jong ki baroh ka long tang ban jop election khnang ba lada ki donbok, kin lah ban thaw sorkar bad oh long Minister ne CM.

Don kiba kwah ban long Minister ban oh a ka kyrdan, ka burom bad ka bor, hynrei kiba kham bun hi ki kwah a ka kyrdan bad ka bor khnang ba kin lah ban pynheh pynar a ka business jong ki, ban khyllie a kaba ki la pynlut bad ban oh nong da ki phew bad ki spah shah bad kim salia ban knieh noh wat a ka pliang ja jong uba duk. Don tang khyndiat eh lehse, kiba kwah ban shakri hok shisha a u paidbah lane a ka Ri bad ka Jaidbynriew.

Ki daw kiba kham kongsan kiba la pynlah a kine ki heh-spah ban jop election ki dei (1) ka jingbym sngewthuh jong ki paidbah nongthep-vote a ka dor jong ka Vote jong ki. Ka Vote jong ki, ka lah ban pynim bad ban kyntiew a ka Ri bad a ka Jaidbynriew hynrei ka lah ruh ban pynjot noh thiaw a ka (2) ka jingbieit pisa bad ka jingabeh than tang a ki jingsngewbha kum ka bam ka dih, ka shad ka kmen bad kumta ter ter. Kumta ki paidbah kiba dei ki Kynrad ha ka Synshar Paidbah ki la kylla long noh pynban ki Shakri katba ki nongmihkhmat a kiba ngi la jied ban Shakri ki la kylla long noh pynban ki Kynrad namar ba ki la thied a ki nongthep vote da ka pisa.

Ka bor jong ka pisa, kumba la kdew haneng, ym tang ba ka la pyntroi a ka Synshar Paidbah hynrei ka pyndkoh lut ruh a ka Synshar Khadar bad a ka Roi ka Par. Kine ki nongmihkhmat ha ka jaka ba ki peit a ka bit ka biang jong u paidbah, ki la bunkam noh pynban ban pynheh a la ka jong ka business ne ka spah jong ki da kano kano ka lynti khlem salia la ka dei kaba beit ne kaba kynriang bad dei na kane ka daw lehse, ba baroh ki jingtreikam jong ka Sorkar naduh ki surok, ka umbam umdih, ki dawai dashin ne sumar pang, ka pule puthi ki la pulom lut nalor kaba plie lad a ki heh-spah kiba na shabar jong ka jylla ban klun lut a ka khyndew ka shyap bad ban lilam a ki mar poh-khyndew. Ka oh ka kot jong uba duk bad khamtam jong ki nongrep bad ki nongbylla sngi ka la nang hiar katba ka spah ka phew jong kiba riewspah bad khamtam ka jong kito kiba aid da ka lynti kaba kynriang ka la nang kiew.

Shuh shuh, ka bor jongka pisa lane ka jingbieit pisa jong ki paidbah,ka la pynlong a shibun ki briew kiba hok, kiba ieit-ri bad ki riew-shemphang, kiba dei hok shisha ban shong ha ka Dorbar Thaw-ai, ban kynran dien noh na kaba aleh election. Kane namarkata, ka dei ka por kaba biangeh ba ngin pyrkhat bad pynshong nongrim bha kaei ka seng lane ano ngin jied ban mihkhmat a ngi sha ka Dorbar Thawai khnang ba kin lah:

1) ban thaw a ki ai ki kanun ban ada a ka khyndew ka shyiap na ka jingshah klun noh bad a ka Jaidbynriew naka jingshah tyllep noh.2) ban pruid-dak a ki policy treikam na ka bynta ka bit ka biang jong baroh ki nongshong shnong bad a ka roi ka par jong ka jylla hi baroh kawei.3) ban pyntreikam pyrkhing a ka Prevention of Corruption,1998 khnang ba yn lah ban rat dyngkhong noh a ka bamsap kaba la jyllei haduh katta ha kane ka jylla jong ngi.Ki paidbah ki dei ruh ban long kiba husiar bha khnang ba kin ym liat ha ki jingkular pynbieit paidbah a kiba la khlei tang ha ki por election.



Kular ka Irani ban pynoh Gas u Modi a kiba duk

Shillong, Rymphang 17 : Ka myntri sorkar pdeng ba dei peit a ka tnad Textile ka Smriti Zubeen Irani mynta ka sngi ka la kular a ki paidbah ha Dalu bad Zikzak, Garo Hills ban pynoh Gas shet jingshet...MORE

Buh thong u kyrtong NCP na Mawhati ban kyntiew a ki nongrep

Shillong, Rymphang 17 : U kyrtong ka NCP na Mawhati, Bah Tyngshailang Lapang u la ong ba u don ka thong ban kyntiew a ki nongrep lada ki paidbah ki pynjop a u kum u MLA ha kane ka elekshon kaban sa...MORE

U Bah Reming kum u Myntri sorkar lada synshar ka NPP : Prestone

Shllong, Rymphang 17 : U kyrtong Myntri Rangbah ka NPP, Bah Prestone Tynsong u la ong ba lada ka NPP ka wan ha ka bor synshar, khlem artatien u MLA ka Mawkynrew, Bah Remington Pyngrope un oh ban sho...MORE

Yn pynlong ka ICAR a ka International Congress halor u kynphad

Shillong, Rymphang 17 : Ka ICAR Research Complex for NEH Region Umiam, Cotton Research and Development Association (CRDA) Hisar, Haryana bad ka Indian Association of Hill Farming, Umiam kin pynlong ...MORE

Ther u nongalam ka Liang Pyrshah na ka Jylla Assam a ka BJP ha Ampati

Shillong, Rymphang 17 : U Nongalam ka Liang Pyrshah na Assam u Debabrata Saikia uba dei u MLA jongka Congress u la ther tyngeh a ka BJP mynta ka sngi ha Ampati ba kam lah ban leh a kiei kiba kala ...MORE

Jingpynbeit aid kali jingaseng Laitumkhrah Presbytery

Shillong, Rymphang 17: Ka Presbytery kaba Khat Hyniew jong ka Laitumkhrah Presbytery kan long ha ka Balang Presbyterian Laitumkhrah.
Kumta na ka liang ka Balang ka pyntip sha baroh ki nongwan...MORE