««|Kwah ka NFR ban tuklar ka Sorkar MDA halor ka jingpyrshah lynti rel ha Jylla    ««|Iehkam u Yeddyurappa kum u CM ka Karnataka, yn thaw Sorkar ka Congress bad JD(S)    ««|Mar ļakhun dohiap u Dr Mukul bad u Conrad ban jop ha Ampati    ««|Pynsangeh kamai ki nong shong shnong Lumshyiap ļa ki kali Saw Maxi Cab    ««|Da ka ktien Garo ļalap election u Bah HM Shangpliang ha Ampati    ««|Ka ILP, ka ļohkam ļohjam, ka pule puthi bad ban ļada mariang ka thong jong ka HYC    ««|Da ki tiar tynrai u Khasi dawa pynphriang ka KSU ha ka Shillong Street Festival    ««|Pynkup burom ka skul Mary Mount Mawtawar ļa u MLA ka Mawlai


“ Ka jingkhot U Jisu ka ai jingkmen ba sah junom ”

- Star Lyngdoh Marshillong C/o Kong Iobina Lyngdoh Shnong Jakhong, WKHD

3 December, 2017

Ka Lyngkha ka ba ļar bad ki nongtrei ki khyndiat? (Mt 9:37). Ka jaitbynriew khasi jong ngi ka long kawei na ka jaitbynriew ba riewblei bha. Ngi ki khasi ngi ngeit ba U Blei u la ai ļa ngi ki kyndon ban ļarap ļa ngi ban im ka jingim ba pura. Ki kyndon ne ki riti dustur ba ngi ngeit ba ai U Blei ki long ban tipbriew tipblei, ban kamai ļa ka hok, ban tiphok tipsot, bad ban tip kur tipkha. Kine ki riti dustur khasi ki la pyniasnoh ļa ngi bad U Blei, ki parabriew bad ruh ka mei mariang. Ngi ngeit ba haba U Blei u thaw iangi U Blei u don ka jingthmu kaba long ka jingkhot U Blei iangi. U Blei u khot ļa ngi ban long kmie longkpa, ban long ki riewniam, ban long ki nonghikai, ban long ki nongtrei paidbah bad kumta ter ter. Kano kano ka jingkhot U Blei kam long kaba sniew , ba poh dor ne ka ba khraw haduh katta katta. Kano kano ka jingkhot ka dei ban ļalam ļa ngi ban ļaroh, shaniah, ļarap, bad shakri ļa U Blei bad ļa ki parabriew. Ka jinglong riewniam kum ki phadar, pastor, sister, rangbah balang, tymmen basan bad nongļalap ka long kawei na ka jingkhot jong U Blei ka ba kyrpang bha. Balei U Blei ne U Jisu ki khot ļa ngi ban long nongļalam niam ne nongļalap? U Blei U khot ļa ngi namar ba U ieid ļa ngi bad ļa ka jaitbynriew baroh kawei. Shuwa ba yn kha ļa ngi U Blei u la pynkyntang bad pynlong prophet ļa ngi? (Jer 1:15), namar U Blei u kwah ban pynlong iangi ki atiar jong ka jingieid, jingsuk, jingļamap, bad jingļatylli lang. U Blei U la khot ļa ngi namar U kwah ļa ngi ban phah satlat ka pyrthei ban saphriang ļa ka khubor jingpynim bad U Blei u la khot ļa ngi ba ngin ļoh ka jingim ba pura. Lada ngi peit ļa ki katto katne ki jingkhot kum ka jingkhot u Abraham (Gen 12:1-3), Isaiah (Is 6:1-8), jingkhot ki apostol (Mt 4;18-22) ne jingkhot u Paulus (Kam 9:1-19), ngin lap ba dei U Blei uba thrang bad sdang ban khot iangi ban bud ļa U. U Blei u la ļalam lynti ļa ki, U la phah iaki sha ka kam bad U Blei u la ai ka bor ļa ki. U Blei U don borabor bad kito kiba la shah khot kyrpang ban shakri bad sakhi ia U. Ka jingkhot ban long riewniam ne nongļalam niam ka dei ka jingkhot na U Blei bad U Blei U pynļaid ļa ki kam ki jam bad U btien lynti ļa ki kumba U la leh ļa u Samuel, u Daniel, u Joseph, u Johnah ne ļa ka Mother Theresa. Te balei mo ha ka juk ba mynta la duna bha ka jingkhot ban leit long riewniam? Dei na ka daw ba ka jingkhring ka pyrthei kaba ai jingkmenļa ngi tang shipor ka kham khlain ban ļa ka jingkhot u Jisu u ba lah ban ai jingkmen iangi mynta bad baroh shyrta. To ngin ia peit janai kyndiat shaphang ka jingkhot ban long riewniam.

Ka Pyrthei ka khring ļa ngi sha ka jingkmen ba shipor Ha ka juk ba mynta bun ki samla ne wat ki longkmie longkpa kim ju ļohsngew shuh ļa ka jingkhot jong U Blei ban bud ļa ki lynti jong U,ka lynti jong ka jingieid, jingsuk, jingļarap lem, jingsbun bad jingkmen. Mynta ki briew ki ļohsngew ļa ka jingkhot jong ki mobile, ka pisa, ka bam ka dih, ki kali, ki iing paki dulan, ki computer bad ki tiar ki tar ba ai jingkmen ļa ngi tang shiteng por. Ki briew mynta ki la sdang ban long mraw ha ka spah, ki tiar ki tar, jingkwah brai ka doh bad ka nam ka burom. Ki khun tipbriew tipblei kim ju kynmaw shuh ban burom ļa U Blei bad ki parabriew. Ki briew mynta ki ong Ngim donkam ia U Blei namar lada ngi donkam pisa ngi leit sei na bank, lada shitom ki don ki hospital bad siew da ki Insurance company; lada kwah bam don ki restaurant, lada kwah nang kwah stad don ki skul bad internet; da kwah kmen don ki TV, CD player, computer bad kumta ter ter. Ngi pule ha ki kot khubor, iohi ha ki TV ne internet ba bun ki nongļalam niam ki im ka jingim ba lynkar. Ngi iohi ba ki nongialam niam ki lehbein, kim niewkor ne burom ia ki briew. Ki briew mynta ki mutdur ba haba ki leit long riewniam kin sa duh lut ia ki jingkmen, kin ym lah ban ļalong paralok bad ki kynthei ne shynrang, kin ym ļoh laitluid, kin hap kohnguh ļa kiwei bad kumta ter ter. Haba ngi don bad ioh lut katba ngi kwah ngin dang donkam seh mo ļa U Blei? Hato U Blei u don shisha ne shu pynbyrngia ki nongļalam balang? Kan myntoi aļu ban long riewniam haba ka jingim pat ka ba lyngkar?

Ngi ki briew ngim lah ban tep eitmiaw ia ka ka jingshisha. Ka dei ka jingshisha ba ka ksiar ka rupa, ka spah ka hajar, ki tiar ki tar, ki jingbam jingdih, bad ki rang ki thei ki khring ļa ngi. Ka long ruh ka jingshisha ba la don katto katne ki nongialam niam kiba la im ka jingim ka ba lyngkar. Bad kadei ruh ka jingshisha ba lada ngi long riewniam ngim lah ban ļa shongkurim, ban shu ļohlaitluid khlem aiń, bad ngi hap ban kohnguh ļa ki bahalor. Ko longkmie longkpa, samla samhoi bad ko hep barit ka pyrthei ka tan ļa ngi ba ngin long mraw ha ka. Ka spah ka phew bad ki mar ki mata ne ki jingbam jingdih ki long tang ki Nongļarap jongngi ba ngin kham ļajan bad U Blei, ki parabriew bad ruh ka mei mariang. Lada ngi peit janai ngin lap ba don tang iwei nga ki bunhajar kiba la iaid bakla na ka daw ba kim duwai bad iaphylliew jingmut bad ki paralok ne ki bahalor. Lada long riewniam ngim lah ban shongkurim ym dei ba ka jingshongkurim ka long pop hynrei na ka daw ba ki kwah ban ym shah teh ha kawei ka longing bad ba kin lah ban ieid, trei, ļarap bad sumar ļa baroh. Ngi baroh haba ngi pyrkhat janai ngim long kiba laitluid pura katba ngi dang im ha kane ka pyrthei. Ngi hap ban kohnguh ļa ki aiń sorkar ne aiń shnong. Ha ka jingim riewniam ruh ki aiń ki don ban ļarap ļa ki ban kham janai ha ka jingim jongki. Ki kohnguh ļa ki bahalor namar ki ngeit ba ngi kohnguh ļa u Jisu uba don haka dur jongki. U Jisu U khot ļa ngi sha ka jingkmen ba sah junom Ka jingbud ļa U Jisu ban long riewniam kam long kaba suk, ka donkam ia ka jinglen lade. U Jisu ym khot tang ia ki ba nang bastad, ki ba riewspah, ne ki ba riewblei. U Jisu u khot ia baroh ban long ki synran jong U. U Jisu u khot ia u Petrus, Ioanis, Andreas ki nongtong dohkha; U Jisu u khot ia U Matheus u nong khrong khajna; U Jisu u khot ia U Ignatius Loyola na ka jinglong shipai ia u syiem pyrthei ban long shipai jong U Blei. U Jisu u khot iangi ba ngin ym long mraw ha ki tiar ki tar, ka bam ka dih, ka spah ka hajar ne ha ka jingkwah brai ka doh. U Jisu u khot iangi ba ngin long ki shakri jong u, ym peit ļa ki lait ki let jongngi. U Jisu u khot iangi ba ngin ieid ia U Blei bad ki briew kumba ngi ieid ļalade.

U Jisu u khot ļa ngi ba ngin kohnguh bad bud ļa ki dienjat jong U khnang ba ngin ļoh ļa ka jingkmen bad jinghun mynsiem ba pura mynta bad baroh shyrta. Te ia ka jingkhot jongno mo phi kwah ban bud; ka jingkhot ka pyrthei ba shitengpor ne ka jingkhot u Jisu ba ļaineh junom? Kan myntoi aļu ļa ngi lada ngi ļoh ļa ka pyrthei baroh kawei bad ngi duh noh ļa la ka jingim?. Ka met jongngi ka long tang ka dew met bad kan sa pyut hynrei dei ka mynsiem kaba kongsan namar ka im junom. U Jisu u khot ļa ngi ba ngin bud ļa u khnang ba ngin dup pynjanai ļa la ka jingm. Ban bud ļa U Jisu kam long ka ba suk ka donkam ļa ka jinglen ialade. Ban bud ļa u Jisu ngi dei ban don: a. Ka Mynsiem ba kham iar ban ļa ka pyrthei. Bunsien ngi pyrkhat tang ļalade, ki ba haiing hasem bad ki paralok. Ban bud ļa U Jisu ngi dei ban ieid shuwa ļalade nangta kata ka jingieid ka dei ban pynlong ļa ngi ba ngin ieid ļa ki parabriew. Ka mynsiem jong ngi ka dei ban kham ļar ļa ka pyrthei namar ngi dei ban ieid ļa kiwei wat ļa ki briew ba ngim ithuh ithaw khnang ba kin kmen mynta bad ha ka lawei. Ngi dei ban kynmaw ba ngi ki briew ngi long ki soh jong ka jingieid; ka jingieid U Blei, jingieid I mei ipa, jingieid hynmen para, bad jingieid na ki parabriew. Ka mynsiem jong ngi ka dei ban dap da ka jingsngewnguh bad jingieid ļa ka jingbha jingsbun U Blei, ki para briew bad ka mariang. Ka jingduwai, jingļamap, jingļasuk, bad jingļarap markylliang ka dei ban mih na ka dohnud sngewnguh jong ngi ļa U Blei bad ki parabriew. b. Ka Mynsiem ba dap ka ka ding ba rhem bha Bun ki briew mynta ki im ka jingim ba blem blem. Ban bud ļa U Jisu ngi dei ban don ka mynsiem ba shitrhem bad ka ba meh bha khnang ba ngin lah ban long ki sharak ļa kiwei. Ka mynsiem jong ngi ka dei ban meh da ka ding haba ngi ļohi ļa ki jingbamsap, jingbishni, jingthok jingshukor bad ka jingjyllei ka jingsniew ia kane ka pyrthei ka ļing kyntang U Blei. Da ka jingieid ngi dei ban trei dohim dohiap ban wanrah ļa ka hima jong ka jingsuk, jingieid, jingsgnewlem, jingmap, jingkmen bad jinghun mynsiem. U Blei u ieid ļa ngi haduh katta katta te ngi dei ban long ki lynti ban ļarap, ieid bad leh bha ia kiwei. U Blei u ļai khot iangi man ka sngi tangba ka shong hangi ba ngin shah skhor ne em ļa ka jingkhot U Blei.

Ka shong ha ngi ba ngi kloi ne em ban sngap ļa ki kyntien jingim jong U Jisu ne ļa ki ringtone mobile bad ļa ki TV. Lada ngi don ka mynsiem sngewnguh ia U Blei namar ka jingim, ka jingsumar, bad ka jingiada jong U; lada ngi kwah ba ka mynsiem jongngi kan im junom; lada ngi kwah ban im ha ka jingsuk, jingieid, jingiamap, jingļarap lem, jingkmen bad jinghun mynsiem bad lada ngi kwah ban long ļa ka pyrthei jongngi kum ka ļing blei nga tharai ngi dei ban shahskhor ļa ka jing khot jong U Blei. Wat lada ngim lah ban long riewniam ngi dei ban long ki briew ba long ki kti ļa kito ki bym don kti, ki kjat ļa kito ki bym don kjat, ki khmat ļa kito ki bym don khmat, ki shkor ļa kito ki bym don shkor. Ngi dei ban long ki atiar jong ka jingieid, jingsuk, jingļarap markylliang, jingiamap bad ki atiar ba wanrah jingkmen ia baroh. Lada ngi khot ļalade ki kristan ngi dei ban im kum u Jisu, ai ba kiwei kin ļohi ļa u Jisu ba im ha ngi. Ngi ngin sa kmen haba ngi iohi ba ki briew ki ba don ha ka dur u Jisu ki kmen ha pyrthei. Ngi long ki khun ka jingieid te ngi dei ban sam ia ka jingieid bad kiwei. Kan myntoi aiu ļa ngi lada ngi ioh ļa ka pyrthei baroh kawei bad ngiduh noh ļa la ka mynsiem? (Mt 16:26)



Ļatyngkhuh ka kali Sumo bad ka Trok ha Umdishit Mawsawa, ļap 2 ngut

Shillong, Jymmang, 19: Ar ngut ki mynsiem briew ki la duh ei ļa la ka jong ka jingim mynta ka step sngi saitjaiń ha kawei ka jingjia ļatyngkhuh kali ha ka shnong Umdishit Mawsawa kaba don hajan Mairan...MORE

Haka sien kaba nyngkong ļakynduhlang ki Red Cross Jaińtia

Jowai, Jymmang 19: Ka Indian Red Cross Society Jaińtia Hills District Branch kila pynlong ļaka jingļakynduhlang haka sien kaba nyngkong eh ha Lion Mission Compund Hall haka sngi Saitjaiń.
Kane...MORE

Sha u DG ujor ejahar u hymmen pyrshah ļa u SI

Shillong, Jymmang 19 : U bah Fanklin Shyrkon na Nongstoin, Tiehsaw u la ai ka jingujor ejahar sha u DGP pyrshah ļa u Sub Inspector u Goera T Sangma da kaba kynnoh ba u pynshitom ļa u para jongu.
...MORE

Dang bteng ka jingjur slap ha ki jylla NE

Shillong, Jymmang 19 : Ka jingjur slap ha ki jylla kane ka thaiń shatei lam mihngi ka ri India kan dang ļai bteng .Kumba long hi mynta u snem ka jingjur slap ka la sdang naduh ba sdang ka aiom Pyrem b...MORE

Lashai yn pyndem 2 ngut ki dkhot ka HNLC

Shillong, Jymmang 19 : Ar ngut ki dkhot ba la rim jongka seng HNLC kin wan ban pyndep lashai ka Sngi U Blei (20.5.08) ha khmat ki heh pulit ha Police Head Quarter. Kine arngut kin wan pyndem ha ka po...MORE

Kem ki Pulit ia u snar Nongkhaii droks

Shillong, Jymmang 19: Ki Pulit ka Tura hynne ka sngi kila ioh ban kem ia u snar Nongkhaii Droks bad kurup bun bah u droks ha ka jingkhynra ia ka Iingsah jong u ha Upper Babupara jong ka sor Tura.Une u...MORE