««|Haduh ka taiew ba nyngkong ai por ka SNSBH ļa ka Sorkar Jylla ban khot ļakren halor ka VAB    ««|Bthah ka HC ļa ka Sorkar ban pynbeit biang ļa u pud ki 18 shnong    ««|Kwah ka UDP ban pyrkhat lang ka Sorkar MUA-II ļa ki Nongbylla    ««|Kynnoh ka MPUF ba kdew kti pyrshah ka Shnong Pynurkba khlem nongrim    ««|Tuid ki paid Nongrep sha ka prokram ai jinghikai halor ki mashin ot kba    ««|Beh ka lyer elekshon ha Nartiang, sdang ļalap elekshon ka PDF na Umladang    ««|Plie u Dr. D.D Lapang ļa ka ophis NTC    ««|Pynkup burom ka JRWC ļa ka MLA, DC bad ļa u OC Sadar PS    ««|Hiar jurip ka RBYO ļa ka surok na Umling-Lailad –Patharkhmah


Ka jingduwai ka long u Shabi ban plie ļa ka jingkhang jong ka bneng

Elas Khongstia

16 July, 2017

Ka jingduwai shisha ka long kumba la kdew haneng, hynrei ka jingkylli kaba mih mynta ka long, hato tang ban shu duwai ka la biang ļa ngi ļa phi? Lada shisha ngi kwah ba ki jingduwai ki jong ngi kin tied jingkhang jong U Blei, nyngkong eh ngi dei ban long kiba la pynsngewbha ļa U Blei. Ha ka por ba nga dang khynnah ma nga, nga kynmaw bha ba ka lait kam pat don wat ha sor ruh, i mei jong nga pat ha shuwa ban wan ka miet i ju pynkhuid ļa ka sharak bad i sa pyndap umphniang sharak ha ka, bad haba i sa pyndap umphniang sharak ha ka, bad haba la miet i sa kynthah ļa ka sharak bad kata ka sharak ka da shai bha ruh namar ba la dep pynkhuid ļa ka. Hangne ka jingmut jong nga ka long ba kan shu biang tang ban don ka sharak, hynrei ļa ka sharak donkam ban pynkhuid, bad sa theh ļa ka umphniang nangta sa pynmeh ba kan ai jingshai. Kumta tang ka jingduwai khlem da pynkhuid ļa la ka dohnud, bad ruh khlem pynsngewbha ļa ki para marjan kam myntoi. Ka long thik kum ka sharak ba khlem pynkhuid bad khlem theh sharak. To ngin ļa peit khyndiat aļu ka ktien jong U Blei ka batai shaphang ka jingai naduh mynsiem bad ka jingai ba tang shu pyndep rukom.

Te u Adam u la ithuh ļa ka Im ka tnga jong u, bad ka la punkhun bad ka la kha ļa u Kain bad ka la ong nga la ļoh ļa u briew na U Trai bad ka la nang kha pat sa ļa u Abel u para jong u, bad u Abel u la long u nongri langbrot, bad u Kain u la long u nongrep ļa ka khyndew, ka la jia te ynda la kham bunsngi, ba u kain u la wallam na u soh ka khyndew ban long ka jingai nguh ļa U Trai bad u Abel ruh u la wallam na kaba la kha nyngkong na ka kynhun jong u bad na kiba kham sngaid na ki ruh. Te U Trai u la khmih hun ha u Abel bad ha ka jingainguh jong u. Hynrei ha u Kain bad ha ki jingainguh jong u, um shym la khmih hun kein. Te u kein ula sngewbitar eh bad ka khmat jong u ka la noh liaw. Te U Trai u la ong ha u Kain, balei ba me da sngewbitar, bad balei ba la noh liaw ka khmat jong me. Lada me la leh bha yn lah ma me, bad lada mem leh bha, ka pop ka shong lyngngeit ha ka jingkhang bad pleng kan long ka jingkwah jong u, bad me ruh men synshar halor jong u. Gen.4.1.6 U Blei U Trai Kynrad shisha haba u Kyrkhu ļa ngi u kyrkhu khlem thew namar ba u khein ba ki bynriew ki dei hi ki khun jong u. Hynrei kaba sngewsih pat ka long ba ngi haba ngi ai sha ka kam U Blei, kam ļasyriem tang khyndiat ruh na kaba u la ai, haba nga pule ļa ka Baibl kaba long ka ktien jong U Blei, nga shem ha ka, ba ki briew kiba bha, kiba sumar ļa ka hukum jong U Blei, bad kiba leh bha ruh para briew, nga khlem pat lap ban pule hangno hangno ruh haba duwai ma ki, ba U Blei un ym jubab.

Ha ka por jong u Elijah haba la wan jia ka nem sniew, ba U Blei u la ong ha u khie leit shong ha wah Kherith, kaba ha khmat ka Jordan naba ngan hukum ļa ki tyngab ban wallam kpu bad doh mynstep bad kpu bad doh la jan miet bad la dih na kata ka wah. Te hadien ba ka jingbym hap slap shuh ha kata ka jaka, kata ka wah ruh ka la rngad noh. Te ka ktien U Trai ka la wan ha u bad ka da ong. To ļeng joit to leit sha seraphat, kaba dei ļa ka Sidon bad shong hangta. Ha khmih nga la hukum ļa ka riew kynthei hangta ban bsa ļa me. Te hadien kine kiei kiei u khun kata ka kynthei, ka trai kata ka ļing u la pang, Te ka jingpang ka la pur katta katta katba kam sah mynsiem shuh ha u, bad ka la ong ha u Elijah, nga dei aļu ļa me. Ah, me U Briew U Blei? pleng me la wan ha nga, ban pynkynmaw ļa ki pop jong nga, bad ban pynļap noh ļa u khun jong nga, u te u la ong ha ka to ai ha nga ļa u khun jong pha bad u la shim ļa u na ka shadem jong ka bad u leit rah sha ka kamra.ha kaba u ju shong bad u la buh ļa u ha ka jingthiah jong u hi, bad u la kyrpad jam ha u Trai bad u la ong, Ko Trai U Blei jong nga. Me wallam ruh ļa kaba sniew ha kane ka riewkynthei bad kaba nga shong da kaba pynļap noh ļa u khun jong ka? bad u dem ļalade halor uta u kynnah laisien bad ula kyrpad jam ha u Trai bad u la ong nga kyrpad ļa me Ah Trai, bad U la ong nga kyrpad ļa me Ah Trai U Blei jong nga, to shah ba ka mynsiem une u khynnah kan wan pat ha u, bad U Trai u la shah shkor ļa ka ktien u Elijah, bad ka mynsiem une u khynnah ka la shim ia uta u khynnah bad u la im pat, bad u Elijah u la shim ļa uta u khynnah bad u la wallam ļa u na ka kamra sha ļing bad u la aiti ļa u ha ka kmie jong u, bad u Elijah u ong ha khmih u khun jong pha u im. Kata ka kynthei te ka la ong ha u Elijah mynta nga tip ba me long u briew U Blei, bad ba ka ktien U Trai ha ka shyntur jong me ka long kaba shisha. Syiem 1 17-17, 24 kumba ngi tip ha kylleng satlak ka pyrthei ba U Blei u long ba bha, bad ba kynmaw bha ba katba ngi dang lah ban leh kiei kiei ha ka por ba biang ļa ki kam ba bha, khnang ba haba wan kano kano kaba sniew ha ka jingim jong ngi kata ka jingleh ba bha jong ngi kin long ki tiar ki ban pyllait ļa ngi wat na ka jingļap ruh. Shu buh lada ngi ļa khun bad un uno u nongshun lada u dei uba kham khlain bor na ngi bad lada u mut ban pynļap noh ļa ngi, bad ha kato ka khyllipmat hi ngi kynmaw ba ngi la leh bha ļa une u nongshun ngi ruh ngi pynkynmaw ļa u, ļa ka jingleh bha jongngi, nga don ka jingngeit ba une u nongshun ruh un map noh ļa ngi. Te lada ngi la pynsnewbha teng ļa U Blei da kano kano ka kam hato u Blei un ym sngap lada ngi pynkynmaw ļa u. Ngin pynkut na ka Baibl katkum ka jingpynshisha halor kane ka bynta.

Ha kita ki sngi u Hesekaiah u la pang ļa ka ban ļap noh . Te U Isaiah u nongļathuh lypa u khun u Amos u la wan ha u bad u la ong ha u kumne u ong U Trai. To pynbeit ļa la ka ing naba men iap men ym im. Ynda kumta u la phai ļa la ka khmat sha U Trai ka kynroh bad u la duwai ha U Trai u da ong. Nga kyrpad ļa Me, to kynmaw ļa nga Ah Trai kumno nga la ļaid ha ka jingshisha bad ka dohnud kaba janai, bad nga la leh ļa kata kaba bha ha khmat jong me. Te U Hesemaiah u la iam eh. Te ba shuwa ba u Isaiah um pat lap ban mih napdeng ka shnong. Ka ktien U Trai ka la wan ha kaba u ong. To phai pat, bad to ong ha u Hesemaiah ha u Rangbah u paidbah jong nga, kumne ong U Trai U Blei U David u kpa jong me. Nga la shah shkor ļa ki jingduwai jongme nga la ļohi ki ummat jong me. Ha khmih ngan pynkhiah ļa me ha ka sngi kaba lai, men leit kiew sha ka ļing U Trai bad ngan pyntam ia ki sngi jong me sa khatsan snem Syiem II 20-1,6. Uwei u briew u leit ban ļakynduh bad une u briew jong U Blei, u la pan jingmut na u kumno ban im ka jingim ban pynsngewbha ļa U Blei bad ban pynsngewbha para briew ha ka Imlang ka Sahlang, bad une u briew jong U Blei. u la sngewtynnad haduh katta katta ļa une u Briew. U la ong ngan pynduwai ha U Blei, na ka bynta jongme, ba men im pahuh pahai, bad ha shuwa ba un pyllait ļaune u briew na kata ka jaka, u la ai uwei u soh ha u, u la ong ba mar sien bha ka kam ka jam jong me, me dei ban bam noh ļa une u soh, namar lada mem bam bad ba me ieh slem, une u soh un sa wan phai biang sha nga, bad lada men ym bam ia une u soh ha ka por kaba biang bad lada un wan phai biang sha nga, kynmaw ba men ym lah ban long u briew ba bha, bad men ym lah ruh ban pynsngewbha ļa ka mon jong U Blei. Bad ka jingim jong une u briew ka long thik kumba ong u briew jong U Blei, u la sdang ban pahuh pahai, u la sdang ban biang lut nadong shadong bad ka jingim jong u ka la sdang wan dur biang. Hynrei kaba sngewsih pat ka long ba une u briew u la klet noh ban bam ļa uta u soh. Kumno re kumno u la kum leit sha kata jaka ba u la buh ia uta u soh, bad u la kynmaw liak ļa uta u soh ba la ai bam ļa u, ba u khlem pat bam namar ka jingbunkam palat la kum klet, bad nangta u la sdang ban wad ļa uta u soh, hynrei sngewsih ba um ļohi shuh ļa uta u soh, watla u khynra baroh kawei ka ļing ruh, bad da ka jingtieng uta u briew u la mareh ban leit wad biang ļa u briew jong U Blei. Ynda u la poi hangne ha ļing jong u briew jong U Blei, ula shem ba um don shuh uta u briew jong U Blei, u la hap leit noh. Hynrei ynda u la pynshad ļa la ki khmat shane bad shawei u la ļohi ia kawei ka jingthoh, kaba thoh kumne. Me kloi ban kynrup ļa ki jingkyrkhu ki jong U Blei. Hynrei ļa u Blei pat me buh noh shadien. Kaba ma ha ki sngi ki ia kiba mynta ko parabangeit ba ka jingiabeh jong ngi sha la ki kam ki dup, ba ngi hap ban buh noh ļa u Blei shadien kein, katkum ka jingiathuh jong ka Baibl.

U Kornalios u dei u Rangbah shispah jong ka Hima Rome ha ka por ba ka Isreal ka hap ha ka jingpeit jong ka Rangbah shispah ka mut ha ka juk ba mynta la khein kum u kynja General bad u dei ruh u briew uba bunkam bha haduh katta katta ba ym ļoh por tang ban bam ruh ( kumba shu ong). Hynrei wat hapdeng kita ki jingbunkam jong u ruh um sngewdei ban buh ļa ka kam ha khmat jong u. Kumta u la jied ban buh ļa U Blei ha khmat bad ka kyrdan jong u bad ka kam shadien. U Kornilios u dei u Jentil ka mut u bym pat long niam Khristan u bym tip ia u Jisu Khrist . Hynrei lyngba ki jingbha bad jinghok jong u, U Blei ban pynthikna ļa ka jingieid bah jong u la phah ļa u Angel ban ļathuh paw ha u ba un phah briew ban khot ia u Petros, ban ļasyllok bad batai bniah shaphang U Trai Jisu ha ļing jong u. Te mar shu rung ha ļing u Kornilios, u Petros u la buh kane ka jingkylli ha u. Naka balei baphi phah khot ļa nga? U Kornilios u la ong mynta la saw sngi haduh kane ka por kaba nga dang duwai ha ki jingduwai kaba khyndai baje ha ļing jong nga. Ha khmih uwei u briew u la ļeng ha khmat jong nga ha ka jainkup ba phyrnai bad u ong Ko Kornilios la shah shkor ia ki jingduwai jong me, bad ļa ki jingai isynei jong me la buh jingkynmaw ha khmat U Blei. Namarkata to phah sha Joppa bad to khot ha me ia u Simon ba la sin Petros. U shongbasa ha ka ļing u Simon u nongshna snieh harud duriaw. Namarkata mar mar nga la phah ktien sha me. Me ruh me la leh bha ba me la poi mynta namar kata ngi baroh ngi ļa don hangne ha khmat U Blei khnang ban ļohsngew ļa kiei kiei baroh ba la hukum ha me da U Trai Kam Aposl 10-30,33.

Lada ma ngi ki ba la kam ba ngi dei kita ki Khristan, ka mut ki nongbud ki jong U Jisu, ngi la dei ban pyrshang la long kumno kumno ruh ļa ka ban leh ba bha da ki kam. Khnang ba da shisha shisha ba ka jingduwai jong ngi kan long shisha u shabi ban plie ļa ka jingkhang jong ka bneng.



Hadien 17 snem ļoh rah biang ka India ļa ka Miss World 2017

Shillong, Naiwieng 18 : Hadien 17 snem ka India ka la ļoh rah biang ļa ka nam Miss World 2017 lyngba ka thei bhabriew ka Manushi Chhillar ha ka jingļakob kaba la long ha Sanya, China hynnin ka miet. K...MORE

Kyntait u MDC Umroi ba shah khring ha ka UDP

Shillong, Naiwieng, 18: U Bah Arbinus Lyngdoh, MDC ka Umroi Constituency uba long ruh u Executive Member (EM) ka Khasi Hills Autonomous District Council (KHADC), mynta ka sngi u la ong ba kam shym la ...MORE

Bym pat ļoh tulop ki nongtrei GHADC dawa hiar shuki ļa u CEM

Shillong,Naiwieng 18: U CEM barim jong ka GHADC u Denang T Sangma u la dawa ba u CEM ba mynta u Boston Ch Marak u la dei ban hiar shuki noh mardor namar ba u khlem pat siew ļa ka tulop jong ki nongtr...MORE

Yn kilan met lang ki shipai India bad Myanmar ha Umroi

Shillong, Naiwieng 18 : Ki shipai India bad ki shipai Myanmar kin ļa kilan met lang ha ka Joint Training Node kaba ha Umroi Cantonment naduh ka 20 tarik haduh ka 25 tarik mynta u bnai.
Kane ka...MORE

Ka Street Play ha Mawkyrwat bad Ranikor

Mawkyrwat, Naiwieng, 18: Ka District Legal Services Authority, South West Khasi Hills District (DLSA) mynta ka sngi ka la pynlong ļa ka Street Play ha Ranikor bad kumjuh ruh ha ļew Mawkyrwat ha kaba s...MORE

Ļaid pynneh rngiew ļa u kyrtong ka Mowkaiaw

Jowai, Naiwieng 19: Ka Seng Khynroo Khyllood Thlongmoo Iooksi kala pynlong ļaka jingļaid pyneh rngiew bad kitbok kitrwiang ļa u kyrtong ka Mowkaiaw Constituency, u Nehemayah Tyngkan.
Naduh ki ...MORE

Ai jinghikai leh khuid ka NYK ha Mookhep

Jowai, Naiwieng 19: Ban pynsaphriang ļaka khubor halor ka jinglong kongsan ka koit ka khiah bad ka jinglehkhuid ka Nehru Yuva Kendra (NYK) Jowai ryngkat ka jingļatreilang ka Iongkaluh Neińshnong Sport...MORE

Ai khublei ka AJSU ļa u EE MeECL

Shillong, Naiwieng, 18: Ka All Jaintia Studénts Union Sengkmie ka la ai khublei kyrpand ļa u Bah L Sungoh, AEE SDO ka West Jaińtia Hills District uba la shimkhia ļa ka jingkyrpad jong ka Seng na ka by...MORE