««|Wat ym ngop paidbah ha ki kular ba lamler jong ka party BJP, kyntu u Tarun Gagoi    ««|Ka Elekshon MLA-2018 kan dei ka Thma ba Khatduh jong ka Congress ha Jylla    ««|Wat biej a ka pisa oh phi babe kylla, kyntu u Chairman PDF a ki paidbah Mawkyrwat    ««|Pynshlur ka Facebook a ki paidbah ban ashim bynta ha ka elekshon    ««|Pan jingshai ka ECI na ka BJP halor ka Chargesheet pyrshah ia ka Congress    ««|U Dr Mukul Sangma u dei u CM jong ka Congress kynnoh u Conrad    ««|Kynnoh u Tarun Gogoi ba shu thok ka BJP a ka jingkular pynbeit pud Megh-Assam    ««|Pep 3 ngut ki Kyrtong akhun elekshon ka Mairang ha ka jingalang ka NAYWA


Ka bamsap bad ki khun ki ksiew ki jong ka

Elas Khongstia

20 March, 2017

Ngi la ohi shisha ba naduh ki Sengbhalang bad katto katne ki nongsynshar ki la aleh tyngeh ban rat dyngkhong a kane ka bamsap, hynrei kaba sngewsih pat ka long ba katba dang rat dyngkhong katta ka la nang kha roi kharoi bad jyllei bad eng rasong shuh. Haba ngi peit a ka khmat ka sor Shillong lane a ka ri India baroh kawei hi, ngi ohi shisha ba ka la kylla ha ki bynta baroh khoit, ki ophis kiba la tei hi a ki da ki bun mala ki restaurant ruh kumjuh bad nadong shadong la ohi shisha kumba ka jingduk kam don shuh. Hynrei a kane ka jingduk ym don ba lah ban pynkylla lane ban pynduh a ka da lei lei ruh em. Lada ngim kylli ba balei ym lah ban buh noh shadien a kane ka jingduk. Hawto ka daw tynrai ym dei ba ha khmat duh ka eng kane ka bamsap. Lada kano kano ka tiar lane ka hok lane ka bhah ka jongno jongno ka bym dei ka jong ngi bad lada ngi shu kwah ban kurup jubor kane ruh ka dei ka bamsap hi. Balei nga ong kumne ba lada haba a peit a ki building kiba la eng na kut ha kut ka jaka la i kumba ka la biang lut nadong sha kynriang, hynrei haba peit pat sha ki nala kiba dap da ka pyut ki surok khohruh khohram haba ki kali haba ki aid ruh hap ban thep da u gear uba heh ba heh lym kumta yn ym lah ban aid nangto ka jingbuh jong ka shu biang tang ban pynwan dur la ki jong ki jong ki ing lada ngi shu leh khuid tang hangto ha kaba ngi shong ngi sah. Lada ka long hooid ka mut wat mih shuh shabar, wat aid huh najan ki nala ba sma iwtung, wat aid shuh ha ki bynta khohruh khohram, kane ka jingkren jong nga ka thmu beit tang a kito kiba da kular ruh ban pyndep hok a la ka kam, hynrei ynda la pynkhamti pat ki leh da kumwei. Lada ym lah a kane ka bamsap ban pynlong synrum, ka mut ba u la nangkiew sha sui un nang kiew bad u nang hiar shapoh un nang hiar ban hiar thma a kane ka bamsap, la buh nyngkong eh a ki ai ki kyndon nuksa kumba la buh da ki ai ba ki pulit ki lah da kaba suk ban kem a ki briew kiba bamsap, hynrei kane ruh ngam ohi ba kan poi shano shano ruh. Nangta shuh la buh sa da ki CBI, ruh na ka bynta kito kiba bam sien kiba da stad shisha ban bamsap kumta la buh khnang da ki CBI, hynrei kane ruh kam poi shano shano ruh. Na ka liang jong nga hi te nga ong ba lada ym don shuh kane ka bamsap ka pyrthei baroh ka la long kum ka Eden. Balei nga kren kumne namar ba jaid ba la ong eh ba ka State jong ngi la ka la oh a ka nam Christian State. Lada ngi pule a ka Bible, ngin lap ha ka Kitab Genesis, ba katba u Adam bad ka Im ki dang kohnguh a U Blei ban bam ruh tang kita ki soh ba la hukum u Blei, ki dang lah ban shong ha kper Eden. Hynrei hadien ba ki la pynkhei a ka hukum U Blei, ban ym bam a uta u soh ban tip a kaba bha bad a kaba sniew ki la shah shop noh shabar ka kper Eden. Ko paralok ngan pynsyriem a phi kum kaei a kane ka bamsap, ka long kumba u briew u ashong bad ka briew kaba bha briew bha, ba lada don mano mano ban knieh a kata ka lok jong u, u kloi ban rah wait rah stieh. Balei nga kren kumne, namar nga ohi ha kine ki sngi haba don katto katne ki briew ba leit pan ne leit jurip shaphang ka Scheme na uto uba bat a ka bor, ki mih ki jyrwit jyrwat ba har rukom haduh ba la i khlemrai hi khait. Balei naduh uba rit haduh uba heh ym lah shuh ban lait na ka bamsap,namar kum ha ka juk kaba aid stet jong ka por bad ka juk kaba ngi a kwah suk bad sted a kiei kiei lada ngi a pyndonkam da kaba bamsap ngi kloi ban oh kheit a u soh jong ka thong kaba ngi kwah. Hynrei da kynmaw a kane kawei wat klet ka lynti kaba bakla kaba ma nga ma phi ngi a aid nyngkong ka long kaba thiang kei hynrei hadien kan long kum ka bih u seiong ka ban bam duh syndon a ngi. Shisien ba don uwei u uba duk uba bha bad uba hok, u la leit sha khlaw ban thohdieng bad u la mut ban pynkhyllem a kawei ka dieng kaba don harud pung. Kumno re kumno katba u dang thlieh a kane ka dieng u sdie jong u u la sliah bad u la hap ha ka pung, bad une u briew ruh u long u bym nang ban jngi, bad da ka jingsngewsih u la shong thapngur hajan kata ka pung, bad une u dken uba dei peit a kane ka wah u la isynei a u haduh katta bad u la leit ai da u sdie ksiar a une u briew, ha ka jaka ban kmen kaba lyngngoh ba une u briew um shym treh ban shim a uta u sdie bad u la ong artad ba une um dei u sdie jong nga. bad uta u dken u la ngam sa shisien pat shata shapung ba u la sei da u sdie rupa bad u la kylli une u dei u sdie jong me, uta u briew u la ong biang, em une um dei u sdie jong nga , haba khatduh ula ngam biang sha pung bad u la sei a uta uwei pat u sdie, bad ula kylli biang a uta u briew, une u dei u sdie jong me?` Uta u briew da kaba kmen u la ong, hooid kynrad une u dei u sdie jong nga, uba la hap ha kata ka pung bad uta u briew da kaba burom u la nguh u la dem ngon ha ki kjat jong uta u Dken bad une u Dken u la ai a u baroh lai tylli ki sdie, nyngkong une u briew um shym treh satia ban shim a u sdie ksiar bad sdie rupa, hynrei ynda u la pynbor eh u Dken bad u pynsngewthuh ruh artad kumne. Nga tip ba lada uno uno u briew um treh haba ym dei satia ka la jong, lane ka bhah lane ka bynta ka bym dei hok shisha ba un long u briew ka jingkyrkhu na ka bynta kiwei katba nangjia kine kiei kiei uwei u briew uba a thlieh dieng marjan bad u, u la ohi lut a kine kiei kiei kiba la jia, bad ha kawei ka sngi u ruh u la leit thlieh dieng harud kata ka pung bad u la pynhap khnang a la u jong u sdie hangta ha pung bad nangta pat u la shong sngewsih harud pung, bad ha kata ka por u mih uta u Dken bad u la sei artad da u sdie ksiar bad ula kylli u la ong une u dei u sdie jong me,? u briew uba la leh mynleh u la ong da kaba kmen bad hooid u dei u sdie jong nga mar kumta uta u Dken da ka jingbitar u la tied da une u sdie na ki khohsiew jong u bad ula dkoh syndon, une u Dken u la kylli a une u briew me tip balei ba nga pynshitom a me kumne?` une u briew da ka jingtieng u la jubab em ko kynrad ngam tip. Une u Dken u athuh ha une u briew kumne ba uno uno u briew haba ym dei la ka jong u kloi ban kner a ka hok jong kiwei u ong ka jingtim na ka bynta ka imlang sahlang.

Mynta ngin a phai pat sha kawei pat ka bynta kaba ngam shym poi pyrkhat satia, kane ka phang ka long kumne kei, hawto ka dei ban shu kynnoh tang a u nongbamsap? ngin buh noh sharud pat a u nongpynbamsap? namar lada uwei pa uwei u briew u shlan ban pynbam sap u nongbamsap lei lei u kloi ban bam namar ha ka jingsngewthuh jong nga hi, ba haba u nongpynbam u nongbam lei lei un don beit peit shuh shuwa tang i dak iba rit ba lada ki kmie ki kpa kim lah ban ai ka jingsneng ka jingkyntu kynpham kaba dei hok a la ki jong ki khun. Ynda haba ki khun jong ki ki la dakaid bad kim sngap shuh a ka hukum ki kmie ki kpa ki sdang ban thong noh da ka pisa, hato lada ka long kumne ym dei la sdang u lai jong ka bamsap na la rympei. Lada ma ngi ki briew ngi stad haba ngi shim a u syntiew uba itynnad bha ngin ym buh satia ha u khiew khyndew. Ngin da thied da u khiew uba shongdor bha khnang ba oh buh pynahap dur bad uta u syntiew. Hangne ka jingsiat pharshi jong nga ka long kumne, ba kano kano ka kam la haba trei ophis la ha kaba hikai skul lane lada dei ki heh Sorkar, ka mut katkum ka jingtbit ym lada ngin tbit ruh shu ai jingbam noh a kiwei ban shu thep kam jubor da kaba thong ano ano hynrei ha ka jingim briew hi kumba ngi sngewthuh a kaba bha, ym la ngi lah ban leh, kane kei ka long ka jingkyrkhu na ka bynta ka imlang sahlang. Hynrei lada ngi kwah ban peit a ka dur la jong ha it haba khapbrip ka long kumno? ngi hap ban phah shondur da kiwei pat.- Phaidien



Kular ka Irani ban pynoh Gas u Modi a kiba duk

Shillong, Rymphang 17 : Ka myntri sorkar pdeng ba dei peit a ka tnad Textile ka Smriti Zubeen Irani mynta ka sngi ka la kular a ki paidbah ha Dalu bad Zikzak, Garo Hills ban pynoh Gas shet jingshet...MORE

Buh thong u kyrtong NCP na Mawhati ban kyntiew a ki nongrep

Shillong, Rymphang 17 : U kyrtong ka NCP na Mawhati, Bah Tyngshailang Lapang u la ong ba u don ka thong ban kyntiew a ki nongrep lada ki paidbah ki pynjop a u kum u MLA ha kane ka elekshon kaban sa...MORE

U Bah Reming kum u Myntri sorkar lada synshar ka NPP : Prestone

Shllong, Rymphang 17 : U kyrtong Myntri Rangbah ka NPP, Bah Prestone Tynsong u la ong ba lada ka NPP ka wan ha ka bor synshar, khlem artatien u MLA ka Mawkynrew, Bah Remington Pyngrope un oh ban sho...MORE

Yn pynlong ka ICAR a ka International Congress halor u kynphad

Shillong, Rymphang 17 : Ka ICAR Research Complex for NEH Region Umiam, Cotton Research and Development Association (CRDA) Hisar, Haryana bad ka Indian Association of Hill Farming, Umiam kin pynlong ...MORE

Ther u nongalam ka Liang Pyrshah na ka Jylla Assam a ka BJP ha Ampati

Shillong, Rymphang 17 : U Nongalam ka Liang Pyrshah na Assam u Debabrata Saikia uba dei u MLA jongka Congress u la ther tyngeh a ka BJP mynta ka sngi ha Ampati ba kam lah ban leh a kiei kiba kala ...MORE

Jingpynbeit aid kali jingaseng Laitumkhrah Presbytery

Shillong, Rymphang 17: Ka Presbytery kaba Khat Hyniew jong ka Laitumkhrah Presbytery kan long ha ka Balang Presbyterian Laitumkhrah.
Kumta na ka liang ka Balang ka pyntip sha baroh ki nongwan...MORE