Monday September 6, 2010
Shillong Edition

By G.N.War, M.A. Econs). LL.B.

Ba bteng

Lada na ka jingmut jing pyrkhat nga pynjah noh ia ka jingartatien bad ka jingsheptieng , bad pynbeit ia la ka jingim ha ka sur jong ka jingieit bad ka jingsbun, lada nga lah ban pynphriang ia ka jingshai bad ka jingkyrmen bad jingdap jingkmen jingsngew bha; bad iarap ban weng noh ia ka jingtim jong ka jinglong kaba matlah ha ka pyrkhat pyrdain bad ka jingmut jingpyrkhat; lada nga lah ban pynlong kham bun ka jingkmen, khambun ka jingkyrmen,duna ka jingpang mynsiem bad jingsngewsih, ngan ym shym la Im bad la ieit lehnohei.

Lada ka rud lynti jong ka jingim nga lah ban thung ia u dieng, uba hapoh ka jingkah syrngiew jong u ka khlieh ba la thait jongno jongno kan dem jah thait bad sngewtngen, wat la ngan ym lah da lei lei ban ioh bynta ha ka jingitynnad jingbhabriew jong ka, ngan ioh hi ban long uba la kyrkhu da shisha- watla ym don mano mano ba tip ia ka kyrteng jong nga, lymne ban buh u syntiew halor ka jingtep jong nga, ngan ym shym la im lehnohei katba nga dang don hangne.

(Unknown- ym tip uei u nongthoh)

(IQ- January,2010).

Uwei pat u riewkhraw pyrkhat uba kyrteng u George Buttrick, u ong ka jingsumar sukher kaba sbun palat jong U Blei (God’s providence) kam dei kaba don ha ki shang kiba la pynhiar na suinbneng, hynrei lyngba ki kti bad ka mynsiem ka dohnud jong kito kiba ieit ia u (God’s providence is not in basket lowered from the sky, but through the hands and hearts of those who love him).

Uwei u khynnah u bym don jingbam ban bam bad um don juti ban phong u ai ka jubab kaba biang eh ia kawei ka kynthei kaba dukhi kaba kylli ia u- “Hynrei lada U Blei u ieit ia phi, hato un ym phah ia phi ka jingbam bad ki juti” U khynnah u la jubab” U Blei u la ong ia uwei u briew hynrei uba la klet noh.” (The lad without food and without shoes made the proper answer to the cruel-minded woman who asked,” But if God love you, wouldn’t he send you food and shoes.?”

The lad replied “God told someone, but he forgot.”

24. Ha kane ka pyrthei mynta, hangno ki don kein kita kiba ieit ia U Blei ki ban pynpaw ia kata ka jingieit da ka jingiarap bad da ka jingleh bha leh sbun para briew bad khamtam ia kiba duk ba rangli bad kiba shem jynjar shem lanot? Hato ki don ha ki jaka mane Blei, ki Iingmane Khristan, ki Nongialam niam, ki Nongsharai Balang Khristan, ki dkhot bad ki riewngeit niam kiba shakri, kiba ieit bad mane ia uwei U Blei uba im Uba iohi bad iohsngew ia ka jingud jinglynniar jong ki khun ki jong U ha kylleng ka Ri bad ia baroh ki jaid jingma kiba ap ia kane ka Ri bad ka Jaidbynriew kaba kyrpang ka jong U ha kaba U la ai ruh ia kane ka Ri kaba kyrpang bad kaba tuid da ka dud bad ka ngap ha ki kti jong ki Longshuwa bad ki Kpa ki kmie Tymmen jong ngi, hynrei kaba kiba bun na ki khun ka Ri naduh khlieh haduh tbian kin sa die noh ia ka sha ka kti jong ki Bar-Ri bad ki Bar-Jylla ki ban wanrah ban bujli da la ki jong ki blei ha kane ka Ri U Hynniew Trep U Hynniew Skum.

25. Hangno ki don ruh kita kiba ieit ia U Blei ki ban pynim ia kane ka Ri bad ka Jaidbynriew?” Hato ki don bad ki la long syriem ia katei ka jubab utei u khynnah- “U Blei U la ong ia ki, tangba ki la klet noh- namar ba ki la shah shoh tyndep ha kiba bun kiei kiei kiba ki tip kham bha marwei marwei.” watla kiei kiei kiba paw ki long kiba la i duh jingkyrmen da shisha, hynrei dang don i jingrhem ding jingkyrmen ha u ‘sai byrni ba la jan poi shaba kut tang lada ngi dang iohsngew pat ia ka jingsneng u riewkhraw pyrkhat, u George Kliot haba u khot ia ngi- “It is never too late to be who you might have been” (Kam dei kaba la slem palat ba phin long uta uba la dei ban long).

To suit ki rong, ko Khulom Ksiar,

I’u briew ba dum ban pynshai kdar.”

- Soso Tham.

[ La Kut ]

 Web Site Designed and Maintained by SSNetCom Pvt. Ltd.