Monday September 6, 2010
Shillong Edition

By Our Sport Reporter

Shillong, Lber : Ka Shillong Liquor Trader (SLT) ka la ioh ban rung sha ka phainal jong ka jingia-lehkai T.20 ka SCA bad kane ka la wan hadien ba ka la lah ban pynliem noh ia ka Sales XI da 48 bad da kane ka nam jop ka SLT mynta kan pyn-khreh ban mih madan ban aireng pyrshah ia ka Megha-laya Secreteriat kaba hynnin ka sngi ka la lah ban pynliem noh ia ka MLP ha ka jingia-khun jong ka semi finals kaba nyngkong.

Ha ka jingshisha ia kane ka jingiakhun la dei ban pynlong ia ka hynnin ka sngi hynrei u slap ba nyngkong ka snem u la wan hap noh bad kumta la kynriah noh ia ka mynta ka sngi.

Haba phai sha kane ka jingiakhun ka SLT hadien ba ka la jop ia ka toss ka la kam trai ban tied nyngkong ha kaba ka la lah ban kamai haduh 168 run bad hap noh hynniew wiket na ki 20 over.

U Sunny bad u Dinesh ki long ki arngut ki batsman kiba la lah ban kamai mar 39 bad 28 run, katba u Kalyan 7u la ioh ban khur ar wiket.

Haba la wan ban beh ia kane ka thong, ki batsman jong ka Sales XI ki la liem lyndang lut baroh ha ka 17.4 over hadien ba ki la lah ban kamai tang 120 run.

U Kripayan bad u Kam-lesh ki la lah ban ia noh synniang mar 34 bad 22 run.

U Ravi bad u Rajender ki la lah ban bol bha bad ban ioh khur syndon mar lai wiket bad ban pynlong syndon ia ki batsman ka Sales XI ba kin mad pat ia kane ka nam rem.

 Web Site Designed and Maintained by SSNetCom Pvt. Ltd.