Thursday September 9, 2010
Shillong Edition

By Our Sport Reporter

Shillong, Lber : Hynnin ka sngi ka All India Football Federation ka la pyntip sha ki bor ba dei khmih ka Ar-Hima FC ba ka la hap ban kynriah noh ia ka jingthmu ka jong ka ban pynlong ia ka qualifying round ka Second Division I. League napoh Tripura.

“Hynnin ka miet, ki bor pyniaid ka AIFF ki la phone sha nga ban pyntip ba kumba ka long ia mynta kane ka jingiakhun kan nym long shuh hapoh Tripura kumba la pynbna ia ka naduh myn-shwa. Ka daw la sngewthuh ba ka dei tang namar ba ki bor sorkar kane ka jylla kim shym la lah ban pyndep ia ka jingmaramot ia ki madan kiba de ban pynlong ia kane ka lympung iakhun” la iathuh u bah K.S Kurbah (bah kar) haba iakren b ad u Mawphor mynta ka janmiet.

“Ia ka jaka bad ka madan kaba thymmai ka AIFF kan dang ia shong jingialang mynta ka sngi bad hadien kane kin sa pyntip biang sha nga hangno pat ia kane ka lympung iakhun yn lah ban pynlong ia ka”la bynrap shuh shuh u bah Kar.

Ha kane ka kynti iakhun kaba mynta ka Ar-Hima FC ka don ha ka Group C bad ki kynhun kiba kan hap ban aireng kan long pyrshah ia ka Guwahati Town Club, Oil India, Denzong Boyz, Mumbai United, NISA Manipur bad ka JCB Bhillai Brothers.

Na ka jingiakren bad u bah Kar la sngewthuh ba ki bor pyniaid ka AIFF ki kwah ba la kumno kumno kane ka jingiakhun jong kane ka group ka dei beit ban sdang ha ka 27 tarik, ka sngi ba ka kynhun ialehkai ka Ar-Hima FC ka dei ban aireng pyr-shah ia ka Guwahati Town Club.

 Web Site Designed and Maintained by SSNetCom Pvt. Ltd.