|
Diaw ka JYF ba kiewdor ka Gas
|
By Our Reporter
Jowai, Lber : Ka JYF Ummulong Unit ka la bynniaw shi katdei eh halor ka jingkiew dor ka gas shet ha shnong Ummulong.
Ka JYF ha u kyrwoh, ba la pyllait mynta ka sngi ka la pynpaw ba kat kum ka jinglap jong ka Seng ha ka jingleit jurip hapoh ka jingialam u President jong ka u ma Heipormi Suting bad ki katto katne ngut ki dkhot jong ka seng ki la lap ba ka jingdie rem ia ka Domestic Gas hapoh ka shnong Ummulong ha ka dor Rs.400 tyngka shi Cylinder.
“Ha ka jingshisha kat kum ka dor ba la buh da ka sorkar ka long tang Rs.360 tyngka uwei u Cylinder”, la pynpaw ka JYF-UU. Kumta ka seng kam banse ban leit ia kynduh ia ka Ripnar Gas Agency kaba dei ka Supplier, ha kane ka jingleit ia kynduh jong kane ka seng na ka liang ka Ripnar Gas Agency ka la kular ban pynhiar dor noh ia kane ka dor bad kumjuh ruh ban leit buh hi da ka kali ka ban wan da ka por khnang ba ki paidbah kiba shem jingeh ha kaba ia dei bad kiba pyndonkam ia kane ka Domestic Gas kin suk.
Kumta ka Seng ka la kyntu ia ka Ripnar Gas Agency ban shim khia ia kane ka kam bad ban leh noh hi shi syndon khlem da buh teng shuh. Na ka liang ka seng ka la kyrpad ia baroh ki paibah jong kane ka thain ba kin iatrei lang bad ka seng.
Copyright mawphor.com
|
