Monday September 6, 2010
Shillong Edition

By Our Reporter

Nongstoiñ, Lber: Ha ka sngi saitjain baladep ka ding kaba klang ka la bamduh ia ka ing jong ka Kong Daplin Marsharing na ka shnong Nongthymmai kaba don hajan ka shnong Mawdoh. Kane ka jingpluh ka la jia ha ka por 12:00 baje mynsngi. Ka jing pluh jong katei ka iing ka dei na ka daw jong ka jingthang jong ki briew bym lah ban tip ia ki sanium kiba don harud nong bad na ka jingjur palat ka lyer ka la beh kyrthep bad rah lang ia ki phliah ding barhem ha kaba ki la hap ha tnum ing jong ka Kong Daplin Marsharing bad kem ding kynsan puk.

Ha katei ka por ka kmie kaba dang don hapoh ing bad ka dang treikam ing kam shym la tip satia ba ki thylliej ding ki la klang ha tnum iing. Mar ia sngewtuh ba ka tdem ka la rung hapoh ing ka la mih shabar bad ka la iohi ba ka ding ka la lang ha baroh kawei ka tnum iing.

Ha ka jingkyrkieh ka la mih bad rah pynsted ia i khun jong ka iba la tip kyrteng kum i Hopefulness, 7snem ka karta katba ia u khunlung uba dang 7bnai uba krteng u Winchestar kam shym la kynmaw ba u don ha jing thiah.

U Kpa jong ka ing u Bah Biarling Sohshang uba dang don hajan Ingmane namar ba ki don ka jingtrei Balang ryngkat ki paidbah ki la ia mareh sha katei ka ing ban pynlip ia ka ding bad mar iapoi u la ka kmie ka la pyrta shla ba u khunlung u dang don hapoh ing ha jingthiah. Ha katei ka por Bah Biarling khlem da kheiñ ia la ka jong ka jingim tang ban ioh pyllait im ia la u khun, u la tur pyrshah ia ki thylliej ding bad ioh pylliat im da ka said ia la u jong u khun.

Ha katei ka jing jia ka jing julor ka la poi sha ki T. 85,000 hajr. Ia ki jingdon jingem jong ka ing baroh kawei ym shym la ioh shuh wat tang khyndiat ruh.

 Web Site Designed and Maintained by SSNetCom Pvt. Ltd.