|
Hadien u ‘lap praw, ther sa u phria ba kat u soh plum
|
By Our Reporter
Shillong, Lber : Hadien ka jinghap u ‘lappraw hynnin ka sngi, ka nongbah Shillong bad ki jaka ba marjan mynta ka sngi pat ki la mad sa ia u phria uba la ther tyngeh ha ka por janmiet.
U phria uba jur la ther ha ki bynta jong ka Laitlyngkot, Umtyngar ter ter hynrei u la jur eh ha ki bynta jong ka Mylliem bad Upper Shillong. Ha nongbah Shillong ruh u la ther tangba um da jur hynrei u shuh heh tylli phrew phrew.
Ha ki jaka kiba jur, u phria u don uba la heh kat ki soh plum ruh. Ha ki thain Mylliem bad Upper Shillong, u phria u la jur tam bad rben bad tap haduh kumba shi phut eiei ha jrong surok, haduh ba bun ki kali ki la hap ban sangeh noh na kaba iaid bad don ruh kiba la leit tur sharud surok.
Ki briew kiba na kitei ki jaka, ki iathuh ba une udei u phria uba jur tam ha ki bun bun snem ba kane ka jaka ka la iohmad. Namar ka jingrben ka la shimpor bun bun kynta ia une u phria ba un um bad kane ka la long ka jingmuja ia ki khynnah kiba la ialehkai sngewbha wat hapdeng ka jingpjah ka mariang ruh.
Copyright mawphor.com
|
