|
Saturday September 4, 2010
|
|
Plie U MDC Rambrai ia ka Annual Sport Meet Ha St Mary’s Rangblang
|
By Our Sport Reporter
Nongstoiñ, Lber: Mynta ka sngi u MDC ka Rambrai u Bah K.P.Pangniang u la leit ban plie ia ka Annual Sport Meet kaba la pynlong da ka Rangblang Parish ha Madan St Mary’s playground Rangblang.
Ha katei ka jing leit plie jong u iakatei ka tamasa kaba la ju pynlong da katei ka Parish shisien man la u snem ka la pyn kmen ia palat phra spah ngut ki khynnah skul kiba dei na katei ka skul kiba naduh ka kyrdan UP haduh Secondary kiba la iashim bynta ha ki items bap her bap her ba ki nongpyniaid jong ka skul ryngkat ki dkot jong ka Parish ki la pyn beit ryntih.
Shuwa ba utei u nong-mihkhmat un pynher ia ka lama jong ka skul la ioh ban pynlong ka jing ialang ba lyngkot ha kaba ki nonghikai jong baroh ki klass ki Sister,U Rev. Fr. Sabastian uba dei u Parish Priest ka Rangblang parish u la iadon ryngkat. Shuh shuh hadien ba la dep pynher ia ka lama la ioh ias ka March Pass ha kaba utei u nongmihkhmat u la shim ia ka salute shuwa ban thang iaka dongmusa kum ka dak jong ka jing shai hakhmat ka pyrthei lyngba ki kam ialehkai sport.
Kumban pynkynmaw ba katei ka Rangblang Parish kadei ka mission kaba nyngkong eh kaba la leit ban seng ia ka skul hakatei ka thain.shuh shuh katei ka skul kadei ruh kaba ju pynmih ia ki khynnnah kiba wan shakhmat bha ha ki Examin Matrik bad man la u snem bun na ki khynnah skul kiba mih na ktei ka skul ki ju poi sha ka 1st division haduh first Ten. Ia katei ka skulla seng naduh u snem 1963 bad ka dei kawei na ki shlem kiba la ai ia ka jingnang jingstad sha ki paitbah ka thain baroh kawei.
Copyright mawphor.com
|
