Friday September 3, 2010
Shillong Edition

By Our Sport Reporter

Shillong, Lber : Ka Shillong Sports Association (SSA) ka la shna ia kawei ka jaka ban shong peitkai ki paidbah ha kut ka madan First Ground.

Kane ka jaka ban shong peitkai ki paidbah ka dei kaba la shna ia ka marsien rung napoh ka khyrdop ( gate) kaba phaiu sha ka liang jong ka madan Second Ground, badkaba lah ban ngiam sa kumba shispah ngut eiei ki briew ban shong halor jong ka.

“Ia ine i open gallery i la pyniasnoh lang bad ka main gallery bad la shna kyrpang kum shi bynta ban plie lad ia ki paidbah haba ki wan shapoh madan ban sakhi ia ki jingialehkai ba kin ioh b an shong aram” la bynrap u Hony Secretary ka SSA u bah B. Diengdoh haba iakren bad u Mawphor mynta ka sngi.

Shuh shuh u bah Bor u la iathiuh ruh ba ka jingmaramot ia baroh ki jaka ban shong peitkai ki paidbah ka kam hi ka laiai bteng ba kan iaid beit shakhmat bad ka bynmta ba ju khot ia ka ka Mawlai Gellry ruh ka la deplut ha kaba la lah ban pynskhem biang lut ia baroh ki paia bad nalor katta la siang ruh da ki lyntang kiba thymmai.

Kine ki kam kiba ka SSA ka la leh ka la wan hadien ba ka lashem ba na ka snem sha kawei pat ka phutbol ka la sdang ban khie im biang hapoh ka nongbah bad katno tam lei lei haba don ki jingiakhun kum ki semi bad ki final ha kaba ka jin gwan ban sakhi u paidbah ka long kaba bun bha.

Hynrei ki gallery baroh la tei ia ka la bun bun ki snem ba dba la don ruh ki bynta ba ki lyntang ki la pyut bad la jot lut, kumta ban lait na kano kano ka jingsngewsih, ka SSA kam banse ba kan wan shakhmat naka bynta ban ialeh katba don la ka buit kabor ban pynbit pynbiang ruh ia ki jaka ban shong peitkai ki paidbah.

 Web Site Designed and Maintained by SSNetCom Pvt. Ltd.