|
|
|
Plie u DI ia ka skul ha Nongtraw
|
By Our Reporter
Nongstoiñ, Lber: Mynta ka sngi u D.I.of School, West Khasi Hills u la plie ia ka Nongtraw Press UP. School ha Nongtraw ka shnong kaba jngai kumba 18 km na Nongstoiñ kaba don harud ka surok Maweit. Ia katei ka skul la seng da ka jingiaseng Samla Balang Presbyterian, New Nongstoiñ naduh u snem 2008 bad ioh jingiarap ban tei ka ka skul na ka MLA skhim jong u Bah Hopingstone Lyngdoh bad ruh ia ka jingiarap ba kham bun la ioh na ka Sarva Shiksha Abhiyan(SSA.
Ha kane ka sngi ba la plie paidbah ia katei ka skul, la iadon lang ruh ki nonghikai jong ki skul LP bapher bapher ha katei ka thaiñ ryngkat ruh bad ki Nonghikai lembad u MDC ka Rambrai u Bah K.P.Pangniang uba la shah khot kum u Symbud Kongsan.
U DI haba kren kum u Kongsan u la iaroh ia ki dkhot ka M/C kiba pyniaid ia katei ka skul kiba la trei shitom met bad mynsiem bad aiti lut na ka bynta ban kyntiew ia ka jingnang jingstad ia ki khynnah ha katei ka thaiñ. Uwei na ki Nonghikai ha katei ka skul u la iathuh ba ki nongshong shnong ha katei ka thaiñ ki long ki briew kiba duk bha hynrei ki don ka jingangnud ban kyntiew ia ka jing nang jing stad ia ki khun ki kti jong ki hynrei ki shem jingeh haduh katta katta ban phah skul sha kiwei ki jaka namar naduh ka ing ban sah ruh la hap ban shu wai, ka bam ka dih la hap ban shu thied na iew ha ka pang ka shitom ka shem jingeh ban beh ia ki khun lada ki don sha jngai.
Copyright mawphor.com
|
