Friday September 3, 2010
Shillong Edition

By Our Reporter

Nongpoh, Lber : Hynne ka sngi ka KSU North Khasi Hills, hapoh ka jingialam jong u Samla D. Sumer , u ba long u President,ha kaba la iadon ryngkatlang ruh u Samla F. Kharkamni u ba long u General Secretary ryngkat ki Dkhot jong ka KSU NKHD, la ia don ryngkat lang ruh ki Nonghikai , ki Khynnah Skul jong ka Umsning Town, ha kaba ka KSU NKHD ka la noh synniang da ki tiar ialehkai (Sport kits) sha ka Umsning Town Secondary school, kiba kynthup ia ki tiar ialehkai Criket (1set), Carom Board (2 set), Football (2 set), Football Jersey (2 set), Chess (1 set), Volley Ball (2 set ), Spell Graft (1 set).

Ha ka jingkren jong u Samla D. Sumer u ba long kum u kongsan jong kane ka sngi , u la ong ba ngim dei ban peit kumno ngi sah hynrei ngi dei ban peit kumno ngi im bad ngi long ha ka jinglong ka jongi kaba manla ka sngi, shuh shuh u samla D. Sumer u la ai ia ka jing khublei kitbok kitrwiang sha kito ki khynnah ki ba dangialeh ia ka Eksamin SSLC ba kin thoh bha khnang ba kin lah ban wanrah ia u soh u ba thiang bad u ba bha bad ban wanrah ia ka nam ka burom jong ka skul.

Ka jing ai jong ka KSU ia kine ki tiar ialehkai ka long shi bynta ban pynshlur ia ki khynnah kiba thrang bad kiba ieid ia ka jignialehkai la bynrap u Samla D. Sumer, shuh shuh na ka liang jong u, u la ong ba dei ban pyndonkam hok ia kine ki tiar ialehkai khnang ba ka jing ai jong ka KSU kan nymlong kaba lehnohei.

Na ka liang jong u Bah S. M Nongshli u ba long u Principal jong ka Skul, u la ai ka jing khublei ia ka KSU halor ka jing noh synniang ka jong ka ia ki tiar ialehkai sha ka skul, ka jigniarap jong ka KSU ka long ka jingkyrkhu ia ki khynnah skul, namar da shisha hi ka Umsning Town Secondary School naduh ka Class V kam dei ka Skul kaba peit da ka Sorkar hynrei kaba la Shu pyniaid hi da ki bor peit jong ka Umsning Town Dorbar, kumta kam da biang ia ki tiar ialehkai, hynrei ka jingsngap jong ka KSU ia ka Jingkyrpad jong ka Skulk an iarap ban kyntiew ia ka Skul la byrap u bah S.M Nongshli.

Hynne hakajuh hi ka sngi ka KSU ka la leit ruh ban noh synniang sha kawei ka longiing kaba la ngat ia ka apot jong ka jignpluh noh ka iing hapoh ka shnong Kyrdem, ka KSU ka la noh Synniang sha kkane ka longing da ki tin Sop iing. kum ka dak jong ka jign sngewlem bad ka jingia kit ia bah ia ka khia ka shon jong ki paidbah ha kane ka thain.

 Web Site Designed and Maintained by SSNetCom Pvt. Ltd.