Friday September 3, 2010
Shillong Edition

By Our Reporter

Shillong, Lber: Ka jingialang jong ka Joint action committee (JAC) kaba la long mynta ka sngi, ka la pynpaw ia ka jingsngewsih halor ka jingkhladnoh jong u Dr. Kynsai M. Warjri, uba long uwei na ki dkhot ba shitrhem ka JAC.

Ki dkhot jong ka Teaching bad Non-Teaching staff ka North-Eastern Hill University, Shillong ki la pynpaw ia ka jingsngew kyndit tang shu tip halor kane ka khubor ba u Dr. Kynsai M. Warjri, u la khladnoh mynta ka sngi ha ka por 3.45 baje janmiet.

U Dr Warjri u dei u nonghikai jong ka NEHU uba trei ruh kum u Associate Professor ha ka Department of Education. U dei ruh u dkhot ka Joint Action Committee (JAC) ka kynhun jong ki Teaching bad Non-teaching Staff Associations (NEHUTA and NEHUNSA). U la long ruh uwei na kiba bang bha ha liang ka tem ka put bad ha ka thoh poitri.

U Dr Warjri u la iehnoh shadien ia i kurim jong u, i Kong O. Marbaniang, arngut ki khun shynrang bad lai ngut ki khun kynthei. Ka Seng ka phah ruh ia ka khubor sngewlem sha ka ing ka sem jong utei u rangbah bad duwai ruh na ka bynta ka jingjahthait ka mynsiem jong u Kane ka long katkum u kyrwoh ba la phah da u Prof. S.PRASAD, Vice-Chairman, JAC.

U Dr Kynsai M Warjri, khun jong u Bah M.G Lyngdoh uba sah ha New Kench’s Trace, Shillong u la khlad hynne dang step phyrngap ha NEIGRIHMS hadien ka jingkem pang ba tang katto katne por. U la iehnoh shadien ia ka kmie, kpa, lok, 5 ngut ki khun bad bun kiba haiing hasem. Ka jingleit on tep ia u kan long ha ka 12.3.2010 ha u Lum Jingtep jongka Balang Presbyterian Mawkhar ha Mission Compound.

La kha ia u Dr Kynsai ha Mawngap ha u snem 1953. U la pyndep ia ka jingpule Matrik na ka Government Boys’ High School bad ia ka College na St Anthony’s. U la pyndep ia ka MA ( Edn) bad M.Phil (Edn) bad Ph.D (Education) na ka NEHU. Hadien kane u la ai ka jingshakri kum u Professor jongka NEHU ha ka tnad Education.

U dei uwei na ki nongtrei mon sngewbha ban kyntiew ia ka imlang sahlang da kaba khlem niew shilliang khmat la ki dei na kano kano ka jaidbynriew ruh namar u shim beit kum ki para briew ki long beit kumjuh hakhmat u Blei bad u briew.

 Web Site Designed and Maintained by SSNetCom Pvt. Ltd.