|
|
|
Dei ka Longkmie na Jhalupara ba Ingkhong ha khlaw FCI
|
By Our Reporter
Shillong, Lber : Ka metiap jong ka kynthei briew ba la lap ingkhong ha khlaw Food Corporation of India (FCI) ka dei jong ka Longkmie bala 53 snem na Jhalupara, bala tip kyrteng ka Bhuma Thapa.
Ia kane ka metiap la wankam da ki bahaiing hynne ka sngi na ka jaka buh metiap ka Shillong Civil Hospital. Ki Pulit ki ong, ka Bhuma kala jah naduh ka 2 tarik Lber hadien ba ka mih iaidkai na Iing bad ong ba kane ka Longkmie ka dei kaba don jingduna ha ka bor pyrkhat pyrdain. Ki ong, katkum ka jingiathuh ki bahaiing, ka Bhuma kala ju jah la bunsien na la iing na ka daw katei ka jingduna ha ka.
Ki Pulit ki ong, ia mynta ki dang ap ia ka post mortem report ban lap tynrai pat sa ia ki daw jong ka jingiap. Ki don ka jingsuba ba kane ka Longkmie ka lah ban shah pyniap shano re bad la shu pynlong jaka bret ha katei ka khlaw pyrshah ka FCI.
Copyright mawphor.com
|
