|
Da 9 wkt jop ka Megh.Sectt. ia ka Fire Service
|
By Our Sport Reporter
Shillong, Lber : Ka Secretariat ka la jop ia ka Fire Service da 9 wiket ha ka Office League Corporate Cup Institutional Twenty20 ba la pynlong da ka Shillong Cricket Association ha madan cricket Polo.
Ka khana na kane ka jingiakhun ka long ba ka kynhun ialehkai ka Fire Service hadiena ba ka lajop ia ka toss ka la kam trai ban tied nyngkong bad kamai 111 run ha kaba ka la duh 7 wiket hapoh ka 20 over bad u Richardson mawrei ula kamai haduh 30 run na ki 34 bol katba u Prakash bowler jong ka Secretariat u la ioh ban khur 2 wiket.
Ka Secretariat kaba la wan ban beh ia ka thong ka la lah ban kot ia kaneka thong tang ha ka 11 over hadien ba ka la lah ban kamai 113 run bad duh tang 1 wiket. Ki batsman kiba la lah ban ia kham noh synniang sha u sup u thiar kamai ia ki run ki long u Ruby Pathaw 65 run na ki 36 bol bad u Mark Laloo 35 run na ki 25 bol. Katba u Vicky marwei ula ioh ban khur shi wiket.
Copyright mawphor.com
|
