|
Iasuk ka JYF bad u RD ka CMCL
|
By Our Reporter
Shillong, Lber: Ka Jaińtia Youth Federation (JYF-EJH) mynta ka sngi ka la weng noh pyrshah ia ka jingieng pyrshah ia u Residential Director jong ka CMCL u Devendar Bansal halor ka jing pyndonkam be-aiń jong u ia ka ktien “Uncivilised ne Riewkhlaw” ia uwei na ki dkhot jong ka JYF, Lum Shnong Unit ha kine ki por baladep. Hadien ka jingpanmap jong u na ka seng ha khmat u President jong ka JYF-EJH u Bah M H Dkhar bad ki katto katne ki nongialam jong ka seng ha ka jingiakynduh bad jong u bad ka seng ha Sweet Chilly Hotel, Mynkre kaba la long mynta hi ka sngi.
Ha kane ka jingialang nalor ki dkhot ki dkhot jong ka seng bad u Devanar Bansal,la iadon lang ruh sa u Bah P Nongtdu Principal jong ka JEC College bad u President jong ka JHCMA u TB Singh.
Ia kane ka seng ka la hap ban leh hadien kajingkyrpad ka ba jur na utei u Officer ban map noh ia u bad ruh ka jingkyrpad na ki katto katne ki dkhot jong ka JHCMA bad dei halor katei ka nongrim ba ka JYF-EJH ka la mynjur ban don ia ka jingiakynduh da kaba buh ia ka kyndon ba ka seng kan shah ia u ban wan iakynduh tang lada u kloi ban sngewthuh ia la ka jingbakla lym kumta kam myntoi ban ia kynduh bad u namar ka seng kan ieng beit ha la ka jong ka nongrim bad kata ka long ban ieng pyrshah beit ia ka jingkren beiń jaid bynriew jong u.
Ha ka jingialang u Devandar Bansal u la phla da ka jingsngewrem hakhmat ki dkhot jong ka seng ba ka dei ka jingbakla ha ka ktien ka thylliej hynrei ym ka jingthew khnang ban kren beiń ia utei u dkhot jong ka seng lane ia ki nong Jaińtia.
Copyright mawphor.com
|
