|
|
By Our Reporter
Shillong, Lber :Ka jingialang jong ka Seng ki nongot doh Masi ka Khasi Jaintia Butcher’s Welfare Association (KJBWA) kaba la long ha ka 3 tarik mynta u bnai hapoh ka jingialam jong u Bah Sawbor Kharsyntiew, President ka Seng ka la pyrkhat sani bha halor ka jingkiew dor jong ka bai kit masi na Khanapara sha jaka shoh doh, ka jingkiew dor jong ki masi, namar ba ju palat ka khaii beain sha Bangladesh, ka jing ailad ban long iew ha iew masi manla ka sngi bad ka jingbym trei jong ka Sorkar ban iakren halor ki jingeh jong ka Seng bad kiwei kiwei.
Hadien ba la iathir bad iakren sani bha halor kitei ki phang, ka Seng da kawei ka jingmut kala shim ia ka rai, ba ka jingbym banse shuh kan hap ban pynkiew noh ia ka dor jong ka doh Masi na ka T.120 shi kilo ka doh naphang ha ka T.140 bad ia ka doh kynsai, kata khmat lbong ne doh khlem shyieng na ka T. 140 sha ka T. 160 shi kilo. Kane ka dor thymmai kan treikam naduh ka sngi 8 tarik mynta u bnai.
Ka Seng ka la ia kut ruh ban leit iakynduh biang ia u Syiem ka Hima Mylliem bad ka Durbar ha kine ki sngi ki ban wan, kumjuh ruh ka kan leit wad jingbit (appointment) biang na u Myntri Rangbah ka jylla ban ioh ia phylliew jingmut halor ka jinglaitlan jong ki masi na India sha Bangladesh kaba long katkum ki khubor bala ju pyllait da ki BSF bad ki Seng Bhalang kiba don sha ki khappud kane ka Ri. Kane kalong katkum ka kyrwoh lyngba u Bah Theodore T. Nongsteng, Genl Secretary.
Copyright mawphor.com
|
