Thursday September 9, 2010
Shillong Edition

By Our Reporter

New Delhi, Lber : Hadien arsngi ka jingpynthut bad kiba pyrshah, ia ka Women’s Reservation Bill la mynjur da ka dorbar Rajya Sabha mynta ka sngi, ha kaba 186 ngut ki la kyrshan dang tang uwei u dkhot um shym la vote.

Ha shuwa jong kane, u Shongknor, ka Iingdorbar, u Dr. Hamid Ansari, u la sospon ia ki 7 ngut ki MP, kiba pynthut bad pynlehrain ia ka Parliament hynnin ka sngi. Kine ki 7 ngut kiba bun kidei na ka Samajwadi Party, ha ka jaka ba kin mih noh na Dorbar, ki la thiah pynban ha madan bad la donkam ia ki Marshal kiba long kum ki kynja nongpahara hapoh Iingdorbar, ki la hap ban rah jubor ia ki shabar.

Kane ka Bill kaba hap ban rah sa ha Lok Sabha shuwa ba kan long Aiñ, kan mang kyrpang 33% ia ki kynthei ban mih khmat ha Parliament, kaba mut 181 ngut ha ka Iingdorbar kaba don 544 ngut ki dhot bad 1370 ngut ki MLA na ki 4109 ngut ki dkhot jong ki Assembly kiba don ha ki 28 tylli ki jylla jong ka ri India. Ha Meghalaya ha ka Assembly kaba don 60 ngut ki MLA, 20 ngut la mang kyrpang na ka bynta ki kynthei.

Kane ka jingwanrah bad ka jingmynjur ia kane ka Bill, ka la long ka jingtynjuh ia ka sorkar UPA, namar ba ka la hap ban duh noh ia ki paralok jong ka, kum ka RJD bad ka SP. nalorkata ka Trinamool Congress, ka la pynpaw ka jingbym hun ia ka jingpyntyngngian jubor ka sorkar ia kane ka Bill.

Hynrei ka Sonia Gandhi, President jong ka Seng Congress, ka la dep rai bad kut jingmut ba lada long katba long kane ka Bill kadei ban ioh beit ia ka jingmynjur jong ka Parliament bad dei ban long aiñ beit.

 Web Site Designed and Maintained by SSNetCom Pvt. Ltd.